05-05-2010, 05:36 PM
|
 |
عضو مهم
|
|
تاريخ التسجيل: Sep 2006
المشاركات: 282
معدل تقييم المستوى: 39
|
|
اقتباس:
المشاركة الأصلية كتبت بواسطة الطائر الحر
ياشباب
الموضوع بارد والردود كلها للرفع فقط
والاشراف مافي أمل يثبته
طيب من الحين لين يجي وقت الدورة ليش مانناقش كل شيء متعلق بالبرامج الخاصة
من الدورة وجدولها اليومي إلى طبيعة عملكل تخصص إلى مستلزمات الدورة و .....
ونتمنى ان الأخ عاطل بقوة ويورو يشاركونا الموضوع بحكم إنهم متخرجين سابقين
وش رايكم ؟
|
حيا الله الطائر الحر
المفروض الموضوع يثبت من الادارة , نتمنى التثبيت لتعم الفائدة للجميع .
بالنسبة للدورة لا تشيلون همها سهالات :
طبعا معروف 45 يوم ماتطلع وأول أسبوعين بيشدون عليكم لانها هي المقياس الحقيقي للاستمرار اذا عدت على خير الباقي يهون لانه بعد اسبوعين مايكون فيه ميدان من بعد الساعة 8 الصبح وبيكون بدالها فصول دراسية تدرسون الى الساعة 12 الظهر .
بالنسبة للجدول اليومي :
يقومونكم من النوم قبل الفجر بساعة بعد الصلاة تنزلون للميدان وياخذون التمام ( الأسماء) ثم تهرولون وتمارين رياضية طبعا باللبس الرياضي الين الساعة 7 بعدها تتوجهون للميز تفطرون , الساعة 7ونص تتوجهون للبركسات لتبديل ملابسكم العسكرية وبيصرفونها لكم بأول الايام , الساعة 8 تكونون بالميدان صفة وأخذ التمام بعدها تمارين ومشاة عسكرية الين الساعة 12 . تصلون الظهر , بعد الصلاة صفة ثم تتغدون ثم صفة وتثبيت بالشمس لين يقلب لونك  وخصوصا أول اسبوعين لين قبل الصلاة بنص ساعة تقريبا بعدها يريحونكم شوي الى صلاة العصر , تتوجهون للميدان هرولة وتمارين ومشاة وحركات عسكرية الين قبل المغرب بساعة , بعد المغرب صفة واخذ تمام وتتوجهون للميز تتعشون , بعد صلاة العشا يوزعونكم تنظيف البركسات والحمامات الله يكرمكم وغيرها .لين الساعة 10 ثم وضع النوم اللي مافيه نوم بينام غصب من الكرف .
فيه بعد الظهر جزاوات للمبزوطين والتنظيف بعد كل يومين تنظفون كامل المركز الله يعينكم وخصوصاً المجرى اللي عند الشبك تذكروها .
والسباحة وما ادراك مالسباحة بيكون كل يوم سرية عندها سباحة بعد الغدا , كنت ما اتغدى ذاك اليوم من ضيقة الصدر .
طبعا مثل ماقلتكم بعد أول اسبوعين بترتاحون من الميدان لانه بيكون فيه دراسة من 8 الين 12 الظهر .
يتخلل الجدول اليومي تنظيف ومانتظيف وجزاوات على حسب مزاج المدرب فخذوا الأمور بوناسة وسعة صدر وضحك .
وضع الدراسة سهل جداً ماراح أحد يرسب ان شاء الله الاغلبية امتياز , المواد تتعلق بالعسكرية وثقافة اسلامية وقرآن حفظ قصار السور بجزء عم .
بعد ال45 يوم اجازة اسبوع على حسب الدورة ومزاج قائد المركز تزيد أو تنقص .
بعد الاجازة نفس الوضع الأول لكن بيكون السلاح (الجي ثري) معاك في المشاة وحركات السلاح لين تتخرج .
وبيكون فيه رماية طبعا بنهاية الدورة 5 مخازن (200) طلقة .
واي استفسار حاظرين
وعسى الله يوفقكم جميع .
التعديل الأخير تم بواسطة عاطل بقوة ; 05-05-2010 الساعة 05:58 PM
|
العرض العادي
