السلام عليكم
قبل سنه تقريبا نزلت موضوع عن الاراضي المنح لبعض الفئات الي متاكده منهم
واقسم بالله ماكان اثاره او لعب بالمشاعر انا زيكم والي يجيكم يجيني ولايمكن استخف
بمشاعركم مثل مااتهمني البعض لدرجة كرهت الخاص وبعهد كرهت الموضوع بكبره
ناس تقولي طنشي ليش حارقه دمك
وانا لازم احرق دمي لاني انقهر اذا شفت المحبطين الي يجيبون الاحباط لبعض
الاعضاء خاصة البنات اذا سمعو كلام هالمحبطين يحبطون زيااااده
لانو مافي احد يوديهم ويجيبهم ومراجعات ومشاويرر فياخذوها
من قاصرها ومايقدمو بسبب بعض الاراء فهذا الي قهرني
وانا احب للجميع مثل مااحب لنفسي واكثر واتحاسب على هالكلام لاني عارفه اننو الحقيقه وانو من قلبي
ولاتنسو ان هالقسم بالذات الي في اعضائه مكفيهم يعني موناقصين اشاعات
وخرابيط وانا كنت واثقه م معلوماتي وكان كل شي عندي
من زمان بس مانزلت الموضوع الابعد مااتكدت بنفسي
عموما انا حاسه فيكم ومارح ازعل من احد وموضوعي اليوم جاء بعد ماصار الكلام واقع
فحبيت اعطيكم الموضوع من اوله لما خبرتكم بالمنح
الى قبل 3 ايام بالضبط


اولا الي ماسجلو بالمنح اقولهم حسافه الله يهديكم
(اقصد الارمله والمطلقه واليتيمه)<<هذول
اليتيمه اتوقع لها شروط وعمر معين
اما الفئتين الباقيه لا

الخطوات كانت بتصال للرقم الي حطيته بالموضوع
وكل اسبوعين تتصلي
تقريبا بعد 3 اسابيع او اقل حتصير معاملتك بالبلديه
وحيدوكي رقم جديد
بعدها تفضلي تراجعي يابالجوال او تروحي بنفسك
بعد فتره حتصيري من ضمن دفعه معينه جاهزه للمنح بأي لحظه بس يستنو مخطط
يجيهم ويبدو التوزيع(هذي منح ساميه ممكن في شهر تطلع منحتك)
طبعا لما حطيت الرقم ونزلت الموضوع اقسم بالله يمين اتحاسب عليها
اني نزلت الموضوع باليوم نفسه الي سجلت طلبي ف المنحه
يعني سجلت اسمي وخبرتكم علطول
منحتي اخذت تقرريبا 3 شههور الين طلعت
وكان معايا 40 ارمله ومطلقه<<هذول الي اتصلو معايا
موشرط بنفس اليوم المهم بعد ماوصلنا ال40 قفلو
وبدئوا يسوو المجموعه الي بعدنا واتوقع كل مجموعه مكونه من 40
وطبعا الاولويه للفئتين الي ذكرتهم
هذي توقعاتي والله اعلم
المهم انا انشغلت مررررررررره صارتلي ظروف زززفت
وماكنت بجده واهملت الموضوع فترة شهور
بعدين اول مارجعت جده ارسلت اخويا يشوف الموضوع
وفعلا طلعتلي منحه سألتكم بالله تقول ماشاءالله تبارك الله
وباقي استلمها لان ماعندي احد يكمل الاجراءات ومنتظره اخويا يرجع
المهم صارت بأسمي وان شاءالله يجي الاسبوع الجاي ويستلمها
والظاهر انها بمنطقة خليج سلمان
والله ماكنت بكتب تطورات الموضوع بس شلت الزعل وحبيت افيدكم
لانو في بنات يستاهلو
ولحد يسألني لسى في تقديم لاني ماادري عن الفتره هذي
الي متاكده منها السنه الي راحت لما نزلت الموضوع
واذا سمعت اي خبر رح انزله
اتمنى اكون افدتكم