السوق هذا فيه مكائد وحسد وانا مجربه
تلاقي الدلال متفق مع التاجر انه البضائع الحلوة ترسى عليه ويناديه قبل الكل
واحيانا يعطيه البضاعة باقل من سعر المزاد يعني تشوف المزاد وصلت فيه البضاعة 2000 ريال لكن في الحقيقة وقت الدفع يعطيه 1000 فقط
واحيانا تقعد تزيد والدلال مايطالع فيك ولا كانك هنا وعلى طول يقول الله يبارك له وانت قاعد تزيد
السرقة عيني عينك وللاسف البنقالة لهم احترامهم عند الدلال لانهم قوة مع بعض ونظامهم ماحد يشتغل براسه لازم يروح للرئيس ويعطيه الفلوس وهم يشتغلون ياخذون له وهو يبيع ماحد يكسر على الثاني ولا يطردونه
ماشين بنظام صارم مع بعضهم وصارت كلمتهم موحدة وصار لهم قوة وهيبة في السوق
ممكن يضربون السوق على الكل يشتري بغالي ويبيع برخيص بس عشان يضرب التجار وماعليه حتى هو يخسر لكن راس مالهم كبير ومايهمهم بعد فترة يردوها
وماياخذون مباسط متفرقة لأ ... يتجمعون في مكان بجنب بعض وينعشون المنطقة حقتهم
اما السعوديين للاسف قمة الحسد والتحاسد تلاقي الواحد ماخذ 4 مباسط وفاتح واحد بس عشان ماحد يجي جنبه وينافسه وهكذا تلاقيهم متفرقين ولاحد يجيهم
اما البنغالة فمسوين سوق وحركة حولهم والزبون يبي العروض الكثيرة اللي يختار فيها ويتشطر
مع انها كلها لهم اشترى من هنا ولا هناك كلها للبنغالة يعني صايدين الزبون صايدينه
والسعوديين ينشون ذبان بحسدهم