مقهــي بـدون شيــش او معســـل

امير بدنيه حقيره · #11 (**permalink**) 14-03-2010, 10:05 PM

طيب يالغالي في مشاريع حلوه واحسن من هذه مأقوولكـ لاتفتح مقهى بس تعرف انت اكثر المقاهي
ياشيشه للكبار
او معسل للصغار والشباب يلي يشردو من المدارس ولي يبي ياخذله راس وكذا
براحتكـ واذا حاب تفتح انا اقوولك خصص جلسات بدون معسل او شيشه
.................................
وانا اقوولك مشاريع حلوه
مقهى انترنت بس يكون ديكور حلو بالمره
وخدمات جيده فيها
اذا تبيني ازيدك بالفكره وازيدك بالخدماتـ
ارسلي رساله على الخاص
وافيدك واكون اول زبون عندك
رحت مقاهي بالرياض ورحت بالمدينه
شفت هناء وهناء
خدمات حلوه وكان نفسي اسوي مقهى إنترنت بجدة
بس السيوله الماديه
عاد اذا تبي الفكره ارسلي رساله على الخاص
وانشاءالله مشور راح يكون ناجح

المحترس · #12 (**permalink**) 14-03-2010, 11:34 PM

سجل عندك اول زبون
كل يوم

بالتوفيق

حمدالعضيب · #13 (**permalink**) 11-05-2012, 06:54 AM

بالتوفيق

مستر جلطه · #14 (**permalink**) 12-05-2012, 08:39 PM

وعليكم السلام ورحمة الله وبركاته ..

فكرتك اذا معتمده على مقهى بدون شيشه بس مشروبات ووجبات خفيفه اعتبرها مجازرهـ .!

لو تحاول تركز على المباريات يكون افضل لك بكثير ..

فكرتي تعتمد ع مساحة المحل كل ماكان أكبر كان أفضل ..

حاول تسوي مقهى يقدم المشروبات والوجبات الخفبفه فقط واعتمد ع المباريات

يعني حاول تخلي جميع اللي منطقتك اذا صارت اي مبارات يجون عندك

اهتم بديكور المحل خله رياضي صور لاعبين شعارات

وحاول تسوي لكل ركن مشجعينه ركن النصراويني ( نادي النصر ) وخل هذا الركن متروس شعارت النصر ولونه

وبرشلونه وريال مدريد وهكذا وحاول تسوي لأربع النوادي هذي غرفه خاصه فيها واكتب للمتعصبين فقط

(( برشلونه - ريال مدريد -الهلال - النصر - الاتحاد ) وحاول تخلي ركن محايد ولا تستخدم أكثر من بلازما

انصحك بالبروجكتر افضل واشدد عليك فوق السن 17 لا تخلي المبزره يدخلون .

وحاول تختار اسم مناسب يدل ع المحل وحاول تجمع لك كم جهاز بلاستيشن وسو تحدي مثلآ بين

مشجعيني برشلونه ومشجعين ريال مدريد واللي يفوز تحط شعار فريقه بصوره كبيره ع مدخل المحل

وشيله بعد اسبوع أو المده اللي تبيها وخلي اللي يبي يشترك بالمسابقه يدفع رسوم ع الفرد قول 10 ريال

ارجو اني قدرت افيدك

موفق أخوي ..

المتغرب ا · #15 (**permalink**) 12-05-2012, 10:54 PM

اقتباس:

المشاركة الأصلية كتبت بواسطة عذب الاخلاق

اخوي ماتوقع ان شروع يلاقي فيه نجاح كبير

خذ الصراحه افضل من ندامة الخسار

المشروع راح يكلفك مبالغ كبير اذا جت الخساره بتكون كبيره

انت خذ اسواء الامور
انت راح شغلك كله على المباريات وبس
وراح يكون انتاج الجلسه على المشروبات فقط
كم بيكون هناك جلسه وكم دخل الجلسه. ممكن يجيك زبون يمسك جلسه علشان برادي شاهي طوال الليل

صدقني معضم الشباب ورى المعسل
والى يبي الجلسه بدون معسل قيل جدا
يعني فيه مغامره كبيره شوي. ارجع واقول المشروع مكلف

وانا والله ماقول لك هذا الكلام الا مابيك تذوق مر الخساره

يا اخي على اي اساس تكسر مجاديف الرجال
انا من الدمام مثل فكرة هذا المشروع تطبقت عندنا والله فيها زحمة
مكان نضيف تجي تتقهوى فيه لا دخان ولا شيشة فيه عنده شاي تلقيمه وشاي على الجمر وشاي بخار مع القهوة وانواع التمر
وصاروا يتنافسون بعضهم يجيب كنافه والثاني معجنات على الصاج .

بس اهم شي الموقع
اول واحد فتح عندنا بالدمام صار له الان أكثر من سنتين بمحطه بالدمام على خط الرياض صار اي واحد قبل لا يسافر يعبي من عنده.

والي يبي يتأكد عنوانه الدمام حي الفرسان بمحطة بترو سحاب

انيين الفجر · #16 (**permalink**) 12-05-2012, 11:05 PM

انا اتوقع والله اعلم ان المقاهي اصلا يعتمد دخلها

على المعسل والشيشه

لان الشاي والقهوه كم تكلفك ؟؟ وطول وقت المباراه ؟؟ كم مره بيطلب شاي الواحد ؟

يعني بيمسك الجلسه وقت طووويل جدآ فوق ساعتين او 3 على كم كوب شاي او قهوه

طيب وبعدين ؟

المهم فكر زين مازززين قبل اي خطوه لان الفكره نفسها يبيلها فلوس كثير

وخسارتك بتكون كبيره لما تجيب تلفزيونات كثير والجلسات

وبالاخر شاي وقهوه بس

انت ممكن تسوي قسم للي بمعسل ومكان للي بدون معسل

كدا ممكن توفق بين الاتنين ويكون عندك دخل جيد

وارضيت الطرفين

والله يكتبلك الخير وين ماكان يارب

كفآني عذآب · #17 (**permalink**) 13-05-2012, 06:59 AM

رووح والقلب داعي لك
اتوقع انها فكرة حلوة
خصوصا ان الكوفي شوب ازعاج
والمقهى ابو شيشه يصدع براسك المعسلات والشيش

مشروعك فلة وأهم شيء حط لهم نت وقوي السرعة عشان العالم تجيك
صصصدقني بيجيك اباء وابناء لهم بسبب انه مافيه شيشه ولآ يحزنون
بتكون جلسة حلوة والله يرزقك

سندريلا الحلوة · #18 (**permalink**) 13-05-2012, 08:16 AM

شوف خله دورين

دور جلسة مقهى ودور مطعم خل الشباب لاجاو مايطلعون الا متعشين كم من شاب في الرياض جاي ماعنده اهل ولابيرجع وبلاقي عشاء

او اقسمه قسمين قسم مقهى وقسم مطعم

واخسر خسارة في النهاية تربح منها

وصدقني بتربح اذا دور مقهى ودور مطعم

وبالعافيه عليك

وربي أهنيك على الفكرة الحلوة ومدام مافيها شيش ولا دخان ماحبيت اطلع الا كاتبه شي خصوصا اني اكرة الشيشة والدخان اعوذ بالله

اخوي

ادرس الفكرة الي قلت لك عليها وادرس الموضوع بطريق اوسع

وشوف لك حد يسوي لك دراسة جدوى لمشروعك

مغااامر · #19 (**permalink**) 13-05-2012, 06:16 PM

في إعتقادي ان مشروعك سيصبح ناجح بشرطين
الأول أن يكون فيه قسم للعوائل
الثاني وهو الأهم الدعاية القوية

أتمنى لك التوفيق ,,

جبل شدخ · #20 (**permalink**) 14-05-2012, 12:32 AM

مشروع ناجح جدا وانا الان مخطط عليه باذن الله وعندي افكار حلوه كثير اهم شي تكون مميز في اشياء تضيفها للمحل تزيد الاقبال عليه واهم شي الموقع اللمميز وعسى الله يوفقك