31-03-2010, 07:12 PM
|
عضو متواصل
|
|
تاريخ التسجيل: Jan 2010
المشاركات: 67
معدل تقييم المستوى: 31
|
|
اقتباس:
المشاركة الأصلية كتبت بواسطة عاطل عشر سنوات
على طاري الاستهبال صارت فيني كثير مره اتصل واحد على رقم ابوي قال معاك الامن العام
خل ولدك يراجع شعبة التسجيل في الرياض ولدك احتياط وتم قبوله ؟
ويجيني ابوي ويصحيني من النوم قم قم انهج ياملا الجدف يم الرياض دقو عليك وانا قاعد افرك عيوني وشوشتي واقفه واقول ياربي معقوله لا معقوله الا معقوله المهم واشلع للرياض
6 ساعات بالطريق واجر غرفه في الفندق ومن بكرا اجيهم وانا مستانس واستنى عند البوابه
ماحد ناده بسمي المهم وانا دبر حالي وادخل عند التسجيل واجي الرقيب قلت انتم داقين علي
قال كم رقم طلبك قلت مدري قال ماتدري وقام يهايط علي قلت اسمع لا تهايط وانت لابس البدله
خل المهايطه اذا انتهى دوامك انا جايك من بعيد وبعدين انتم طردوني العام من الدوره بعد ماطلع اسمي ودخلت الدوره وصارلي يوم وماتوقعت انكم راح تتصلون علي بعد الطرده وش اسوي فيه رقم الطلب اصوره وحطه بالجدار قال طيب كم رقم بطاقتك قلت كذا وكذا قال اصبر شوي
المهم طق بالجاهز قال ياخوي من قال انك متصلين عليك انت وجهك قلت اشلون قال انت شكلك حلمان يالله اقضب الباب قلت اتنم متصلين قال اقولك لا يكثر اطلع خل نخلص الي وراك
وانا ارجع للديره وبعدين قلت لبوي السالفه قال انت مافيك خير وانت بك مابك قلت يايبه يابعد خشمي ماهي بالقوه <<< ابوي يحسب بالقوه تتوظف يعني تركب خيلك وتحارب وتقتل نفس قبل 
قلت يابه والله ماهي بالقوه لو بالقوه ابشر والله كان صرت اغنى واحد بالديره ولكن يايبه الواسطه والفساد وان كان القاضي هو خصيمك من تقاضي ؟
قال ماعلي منك انت عفن ومابك خير فلان وعلان توظفو بزراعهم قام يقط الكلام علي الي يوجع القلب والله اني تمنيت اني عايش قبل ميه عام او ميتين عام كان فعلاً رفعت راسي ابوي بزراعي
ولكن وش تقول زمن الحصاني تامر الذيابه
المهم خذيت الرقم الي اتصل على ابووي طلع رقم ثابت واتصل على البداله قال هذا رقم كبينه مدري وشو لن كل مادق عليه مشغول
الله يعين  |
يلعن امممممممممممممم السماجه
ما تلاحظ انك مهايطي شوي (لا تهايط وانت لابس البدله خل المهايطه وينتهي دوامك)
(لو كان التوظيف بالقوه كنت اغنى الناس) خخخخخخخ
تكفى ما عاد تقول مقالبك يالمهايط 
هههههههههههههههههههههه
|
العرض العادي
