حتى انا ارسلو لي

أرسلوا لكم يعني بالعقل

فيه طلاب في الدورة طلعوا خرطي وشردوا ونقص العدد عندهم

إنتم في الإحتياط وتم قبولكم

وربي يوفقكم روحوا لهم ومعاكم كل الأوراق المطلوبه

وإن شاء الله إنكم من المقبولين فيها وبالتوفيق للجميع...}

انا دقو علي قبل 5 دقايق قلي جتك رسالة قلتله لا

قلي طيب يوم الثلوث عندك اختبار بالحرس الملكي جندي اول

قلتله وش اجيب معي قلي البطاقة الوطنيه فقط

بس جيبوا الاوراق احتياط

ياليت اللي عنده خبرة يفيدنا كيف يكون طبيعة الاختبار

للرفع

نبي نعرف اختبارهم صعب ولابسيط وكم يبون واحد والمتقدمين ميه اللي عنده خلفيه يفسر لنا واللي راح اختبر يقول لنا

الله يوفقكـ ..

يالليت اللي دقو عليه يفيدنا وش مؤهله هم وش طالبين بالضبط ؟

السلام عليكم و رحمة الله و بركاته

" اللهم لك الحمد حتى ترضى .. و لك الحمد اذا رضيت .. و لك الحمد بعد الرضا "

أخواني .. أبتكلم عن الأجراءات و اختبار ( المفاضله ) الخاص بالحرس الملكي ..

(( بالنسبه لي أنا .. أختباري المفاضله كان " بالتخصصات الفنيه " )) .. يعني راح أتكلم عن التخصصات الفنيه بس ( مع العذر و السموحه للأخوان ) .. و ما عندي أي علم بالتخصصات الثانيه ..

طبعاّ أخواني لازم تروحون بدري , يعني ما تجي الساعه 7 الا و أنتم هناك عندهم ..

لا تأخذ معك أوراق و لا شهادات و لاشئ , لأنهم ما يحتاجونها .. لأنه اختبار مفاضله , يعني اذا عديت بعد توفيق رب العالمين راح يكلمونك و يدقون عليك .. بس خذ ( بطاقة الأحوال ) أو أي اثبات علشان التدقيق ..

ثم اذا دققوا عليك و تأكدوا من اسمك راح يأخذونكم الى قاعة الأختبار .. راح يركبونكم باص ينقلكم الى قاعة الأختبار ..

و الأختبار سهل انشاء الله , وهو عبارهـ عن (( اختبار في تخصصك , و يعطونك نموذجين أسئله غير نموذج تخصصك تحلها " اختياريه " يعني اذا بتحلها و الا كيفك , يبون يعرفون هل تعرف شئ عن الكمبيوتر بغير تخصصك )) ..

مثلاّ : أنا تخصصي ( شبكات ) , عطوني 3 نماذج أسئله , كل نموذج مكون من 3 صفحات , الأول أسئله عن الشبكات ( في نفس التخصص ) هذا المهم لازم تحله " اجباري " .. ثم نموذج ثاني عن تخصص ( برمجيات ) براحتك تبي تحله و الا كيفك " اختياري " .. ثم نموذج ثالث في تخصص ( الدعم الفني ) برضو نفس الشئ بكيفك تبي تحله و الا كيفك " اختياري " .. و انشاء الله الأمور تعدي على خير للجميع ..

ثم توكل على الله .. الباب اللي دخلت معه .. اطلع معه ( بدون مطرود ) ..

.. و الله ولي التوفيق ..

الذيب الازرق الله يعطيك العافيه وبيض الله وجهك

دقيت عليهم مرة ثانية قلي اسمك ماهو موجود بالكشف ؟؟؟؟؟!!!!

بعدين يقول تخصصي ماهو مطلوب وش السالفة ؟؟