القبول المبدئي والكشف الطبي للكلية الأمنية وديوان الوزارة

موظف بالاحلام · #1 (**permalink**) 14-03-2010, 03:11 AM

بسم الله الرحمن الرحيم .
اخواني .. احب اضع بين إيدكم تجربتي ..
انا ظهر رقمي من القبول المبدئي لمجندي كلية الملك فهد الأمنية .
وكان موعدي يوم الاربعاء الماضي + السبت اليوم .
وعلى العموم ( الكلية الأمنية + ديوان الوزارة ) نفس الاجراءات والمكان وكل شيء .
ومعلومه سمعتها من نقيب هناك بأن جميع من قدم على ديوان الوزارة ( تم قبوله) وعندهم نقص بعد . هذا على حد قوله ان جميع من قدم على ديوان الوزارة بأذن الله مقبول على طول .
_______________________________________________
المهم.
طبعاً لكل شخص مقبول يظهر اليوم الاول موعد واليوم الثاني موعد ثاني .
اليوم الأول
حضرت لهم يوم الاربعاء اول موعد لي . الحضور الساعه 11 ياخذك باص من البوابة إلى قاعة القبول والتسجيل .
اول ماتوصل يقولون لكم كل مين يظهر الصور ويدبسها بستمارة الطلب . والي ماطبع الاستمارة يطبعونها له عندهم .
وبعدها يجي الفز .. تمر على الحاسب يدققون على اوراقك والبطاقة .
وبعدها تدخل الطول والوزن . قياس للطول والوزن .
طبعاً الي عدا الطول والوزن يفتحون له ملف قبول مبدئي . يجري فيه جميع الاجراءات .
اول ماتخرج من الطول والوزن تنتظر ينادون بالاسماء .
تروح لهم عند ضباط ( تظهر شهاداتك والدبلومات والدورات الاصليه او طبق الاصل معك )
ويدونها بستمارة الطلب ويأكد عليها . اذا شغلك تمام .
يقول لك .. شفت الباب هذا الي بالصاله ^_^ رح معه على قاعة الكشف الطبي ( احلى شيء فيها الكشف الطبي بنفس الكلية الأمنية بنفس الوحدة الصحيه عندهم بنفس الطابق ) .
الكشف هو . اولاً . الضغط + النبض .
وبعدين تدخل لدكتور العيون النظر .
وبعدين تدخل لدكتور الأنف والأذن والحنجرة .
وبعدين تدخل لدكتور الاسنان .
وبعدين المختبر ( سحب دم+ بول ) .
وبعدين تروح اشعة ( يسون لك اشاعة للبطن + الصدر) .
وكذا انتهى اليوم الاول . ( وتشوف ساعتك وصلت الساعه 4 العصر ) مع العلم الحضور 11 .
يعني الشغل سريع سريع وتساهيل إلى الي معدوم مآره مثل الاسنان يقولون له ترقعها او تركب تقويم . والنظر والله ان الدكتور ابن حلال يعيد لشخص قدامي اربع مرات وقال له ترا الاخيرة اسقطك . ^_^ .
_________________________________________________
اليوم الثاني .
تدخل الصالة يوزعون عليكم استمارة مقابلة شخصية 2 اسئله بسيطه تجاوب عليها .
واستمارة مقابلة شخصية 2 الي عبيتها تروح لغرفة فيها رائد < مع ان رقمها 2 إلى هي قبل المقابلة الشخصية 1 ههههههه . تدخل غرفة فيها رائد حبوب وابن حلال يسألك كم سؤال حلو . انت تدخن انت ووإلخ ^_^ سؤالين ثلاثه ماتطول . ويقول لك الله يوفقك .
تروح مقابلة شخصية 1 ( غرفه فله . الي فيها مقدم+ عميد+ نقيب) ثلاثه .. يسألونك . وفرفشه واسأله دينيه اقراء سورة كذا وكذا . وش تعرف . وكم سؤال ذكاء ووناسه وناس وجيهها سمحه ماشاء الله عليهم .
بعدها تروح دكتور النفسية ( سؤالين ) وتطلع من عنده .
تروح لدكتور الباطنية ( يكشف على صدرك ويسالك كم سؤال ) وتطلع من عنده .
تروح لدكتور الجراحه ( سلت يامعلم السروال ويمسك شسمه ^_^ ويقول وحده ولا ثنتين خخخخ وكح والتفت يمين ) وتمشي من عنده .
ترجع للصالة الي جيتها بالاول ( يسلمونك نموذج طلب التحاق نهائي ) ويقولون لك اذا تم قبولك نهائياً تخلصه من الاحوال وتجيبه معك اذا الله وفقك وظهر اسمك نهائي .
تركب الباص تروح للصالة الرياضية ( يبصمونك بصمات ) .
وشوي تجلس ساعه ويأذن العصر وبعد صلاة العصر على الملعب يامعلم ( لياقة ) .
طول الملعب 800 م . تلفه لفتين متواصله . + تمرين خفيف واحد وانت جالس على الملعب .
[ ويقولون لك توكل على ديرتك واهلك وراقب الموقع بعد اسبوع اسبوعين وشوف وش يظهر بالنتيجة اذا قبول نهائي تجي ومعك طلب التحاق نهائي معبيه بالبيانات والاحوال كلها ]
واذا ماظهر .. الله يوفقك بوظيفه احسن منها .
فقط لا غير .
واهم شي [ خذ لك صور مكشوف الرآس سوا بشعرك او بدون شعر ماتفرق كثيره ياكثرهم لطلب الصور خذ معك 9 بالتمام والكمال ولو تخليها 10 يكون افضل]

واي سؤال انا حاضر .
والله يوفق الجميع
تحيتي