14-03-2010, 04:08 AM
|
 |
عضو مميز
|
|
تاريخ التسجيل: Dec 2009
المشاركات: 963
معدل تقييم المستوى: 6232
|
|
|
مشاريع براس مال بسيط وبعضها بلاش
أسعد الله أوقاتكم جميعا
هذي من غير راس مال وإن كثرت بـــ 500 ريال إلى 10 الآف ريال تقريبا
أولها تجميع السكراب وبيعة بالوزن مثل السيارات
وحديد المباني
تجميع جلود المواشي من المقصبة أو شركات المواشي
وتبيعها على صناّع الجناط 
إفرض
لقيت 500 ألف من الجلود
تبيع الواحد على ريال أو ريالين
بيكون ربحكـــ 500 ألف أو مليون صافي
أو تشتري الواحد بريال وتبيعة بــ 3 ريال
لأنه بعضهم يعطيكــ إياها مجانا وبعضهم يبيعها
ومثله جلود الأبقار
هذي لها تجارها بعدد الجناط والأحذية أكرمكم الله
تشتري بيض نعام وتبيعة ع البقالات والسوبر ماركت
وتقدر إتغلف كل وحدة أو 3 أو 000 بكرتون يناسبهم
فرضا شريت البيضة بــ 2 ريال فتبيعها بــ 6 ريال
مزاياه
ماشالله أعدادة كبيرة
وحجمة كبير يعني البيضة إتكفي 6 أو 7 أشخاص
وله مزارعة
تشتري إعجول بحدود 10 أو 11
وتغطي الحوش بطبقة نايلون حوش البيت مثلن
وبعدها ترشة برمل وسماد وتزرعة لهم
اللي عليكــ تسقي يوميا
وتبيع وتشتري لو كل أسبوع بيعة وحدة غير إنكــ إتنميهم ويزيد العدد
سواء إتبيع ع المزرعة أو إستراحات وتوصيل بيوت كلة
ونفس الشي لو تشتري كم غزال
وتربيهم وسواء إتنيهم أو تبيع يوميا بعد تمام
الغزال الواحد ينباع بحدود 1000 وشي
وإذا أخذتهم طفال الريم مثل مايقولون بتلقاهم أرخص
أو كم نعامة صغار
هذا لو ماتقدر إتأجر مزرعة أو حوش
لأن هذا للي عنده راس مال محدود أو بسيط
غير هالشي
عندكــ التوصيل 
سواء توصيل طالبات أو مدرسات
أو توصيل طلبات
الأ وهو
يدقون عليكــ العماير والبيوت
ويطلبون أغراض جمعية أو صيدلية أو غاز حسب سيارتكــ ومزاجكــ
وتاخذ قيمة الأغراض والتوصيل
إفرض العماير 30 شقة والبيوت 10
40 طلب * 30 ريال توصيل = 00 12 ريال يوميا
1200 ريال يوميا * 30 يوم = 000 36 ألف ريال صافي شهريا
مثلن توصل قهوة وبهار وفحم وتمر وشاي
أو لحم طازج
أو مقاضي عامة
براحتكــ هالشي إتحددة بإختياركــ
بالنسبة للغاز
إذا عندكــ دباب أو وانيت
بس إتوزع رقمكــ ع البيوت والعماير
وإتحدد لهم أوقات التوصيل وإتكون إتناسب وقت محلات الغاز
كل بيت تاخذ 20 ريال مهما كان عدد الغازات
وإتحدد كل يوم 6 أو 7 أحياء وشوارع
عشان كل حي يكون له يوم إمحدد
وهذا يزيد ربحكــ ويرتب أموركــ
10 أحياء يوميا * 30 بيت من كل حي * 20 ريال = 6000 ريال يوميا
6000 ريال يوميا * 30 يوم = 180000 شهريا
وهالشي يصير لو جدولت أموركــ صبح وعصر
ورتبت العناوين واليوم لكل حي
ومع البيوت تذكر الشقق والمؤجرين
وتجمعات الإستراحات
وبهذا كلة رقم جوالكــ هو أهم شي بالموضوع
وهذا اللي لازم تحرص عليه
إن رقمكــ يوصل لأكبر عدد من العماير والبيوت
سواء إتوزعة بكروت أو مسجات
وحدد لهم الأماكن لو تبي
وطبعن هذي مشاريع تأسيسية يعني تبدأ منها بداية بسيطة لين إتحسن أموركــ
وبعدها عاد بكيفكــ وبتكون فرصتكــ بالإختيار أكبر
وبالتوفيق إن شالله
|
العرض الشجري
