الفكره اخوي رائعه.. انك تجمع تموينات وخضار وفواكه ومحامص ومخابز وايضاً ملحمه..
انا اشوفها جداً ناجحه والموقع له دور بهالموضوع..
وتفاصيل العمالة والدخل وهل تؤجرها ع العمالة ام بالراتب ان شاء الله بعض الاخوان اللي اكثر خبره يفيدونك..
موفق ان شاء الله..

الله يوفقك ولاتستعجل كثير >>> علشان اول مشروع

خلك ثقيل علشان توصل لكل اللي تبي

الله يوفقك ويزيدك خير وحلال

بالنسبه لإجاباتك على الاسئله يدل على ان البقالة بشكل عام ممتازة وشغاله كويس ومساحتها ما شا الله تبارك الله كبيره وانا اتوقع دخلها بالميت اكثر من 4000 لاف ولايغرك ابو يمن اول ماتنوي على شراء البقالة لاتخلية ولادقيقة في المحل اطرده وعلى طول انقل الهنود على كفالتك اذا رغبو بذلك وجيب محاسب سوداني يكون ثقة وعطه راتب كويس وقله اذا كان الدخل كويس راح ازيدك ولايهمك وجيبلك عامل كويس وظفة براتب واشتري سياره اي سيارة ونيت او انيسه المهم تكون رخيصه ماتتعد سبع الاف خاصه بطلبات البقالة الله لايهينه يصح من الصباح ويجيب الطلبات للبقالة ويشوف اللي ناقص في البقالة وعلى طول يروح ويجيبة من الجملة وبكذا انت ترتاح من طلبات البقاله

نجي للرخصه اذا حبيت تنقلها مارح تكلفك شي يمكن 50 ريال نقلها ولوحة المحل تبقى زي ما هيه ولكن اذا بتطلع جديده لازم تدفع رسوم للرخصة 700 ريال وكمان لوحة جديدة بأسم الرخصة الجديدة


بالنسبه لواجهة المحل قصدي هل المحل على زاوية او لا بس على حسب كلامك اشوف البقاله ممتازه بس وانا اخوك اذا كنت تريد ان تأجرها انا ماانصحك انك تأجره لانك راح تدفع فيها مبلغ مو سهل حرام والله تدفع مبلغ
100 الف ريال واخر الشهر تاخذ 4000 ريال يعني يبغالك ترد راس مالك خلال ثلاث سنوات هذ اذا كان اليماني ملتزم في اعطائك المبلغ شهرياً وكلهم نصابين و الله يجيك اخر الشهر يقول البقالة مادخلت زين الشهر هذا
يكون في علمك ما في احد يأجر بقالة الإ اذا كان مكلفته مبلغ 30 الف او 40 الف غيرها لا فانا انصحك لوجة الله شوف انا انصحك اتعب في البقالة مدة شهرين فقط والله والله راح تعين منها خير وراح تذكر كلامي بعدين واذا في امكانية لوضع مخبز راح يزيد من دخل البقالة بشكل كبير ولاتنسى تجيب خردوات بسيطه كمان تزيد برضو من الدخل مثل سبح العاب الحاجات اللي تشوفها تستهلك في حياتنا اليومية وتابعها ولاتهملها بأذن الله لو طبقت كلامي شرط راح تفتح البقالة الثانية والثالثة بس اهم شي لاتأجرها اتمنى لك التوفيق واي خدمه انا موجود

السلام عليكم ورحمة الله وبركاتة
لاازيد على مانصحك به من قبلي

فواتير الشركات انتبة لها وتاكد من راعي الملك اذاكان بيجدد لك وكم بعطيك هل نفس الاجار ولا بيزيد عليك تاكد قبل اي خطوة تقدم عليها زي ما قالك اليماني 2500 صحيح ام غير ذلك واذا كان 2 يمنين 2 هنود يعني ان مواريها زينه انشا الله لاكن تاكد هل صحيح يشتغلون من اول او عندما ارادو البيع تاكد من كل شي واسال منهم اهل خبرة مثل تجد من يعمل في بقالة اخرى وتسال عنها وتذهب الى اخر تسال اذا دخلها كذا كم يكون فادتها وحبذا لو جلست في المحل اسبوعين من ان يفتح حتى ان يقفل احسبها مظبوط قبل تقدم على هل خطوة وحسب خبرتي البسيطة اليمني اجرة وخلة هو الي يدعم البقالة الان اليمني يحب ان يملء المحل اما الهندي فترى المحلات التي يمسكونها تراها ناقصة البظاعة لا يوجد فيها جميع مايطلبه الزبون انت انظر الى البقالات التي يمسكها هنود والتي يمسكها يمنين وانظر الفرق وليمني يفتح من الصباح الباكر اما الهنود الساعة التاسعة اضبط عمرك وجرد البظاعة بسعر البيع مثل ( العليك تجرده مفرق اي شي بسعر اللبيع لابسعر الجمله الفشار ابو نص بنص وابوريال بريال ) الاجهزة تسلمة جميعها سليمة الفواتير مسددة كل شي مستوفيه ) تسجل كل شي بتفصيل بسعر الحبه لو ربع ريال تحسبه اي شي باقي على اتهائية شهر ماتحسبة ) تسجل كل شي بدفتر مفصل وتجمع تعطيعه ايضا نسخة من هذا الدفتر مثل صار عند الحساب ستون الف يسلملك المحل وفيه بستون الف ويسلمك الجهزه كلها سليمه والفواتير مسدده وهكذا ويكون الكتابة والضمان مع كفيله واسال الله لك التوفيق الى اذا كانك بتستلمة انت اما اذا كانك تقول راتب وغير فحذر ياخي سوف تسرق من هندي اويمني او غيرهم والمثل قال المال السايب يعلم السرقة
اسال عن اسباب التقبيل وعليك بعدم الاستعجال والاسخارة والاستشارة
لا تستعجل
وهذ الكلام من واقع تجربه مع هنود ويمنين لك تحياتي

بالنسبه للرخصة طلع سجل تجاري افضل عشان تقدر تطلع عليها عمال يمكن الرخصة تبعه عليها عمال ولايحق لك ان تطلع عليها عمال اخرين

بالنسبه للسوداني راتبه 1500 ريال + نسبه 5% + خمسه ريال فطور يعني بالشهر 150 يكفيه
الهنود راتب 800 ريال + نسبه 2% + 150 فطور يكفيهم

وفي نقطة ذكرها الاخ القعود مهمه جداً جداً وهي قبل كتابة العقد تروح لصاحب العماره وتقوله انا بتقبل البقاله هل الايجار يبقى زي ماهو اذا قال مارح ازود عليك قله جزاك الله خير بس ابقى العقد يكون ثلاث سنوات او خمسة سنوات اذا وافق خلاص قله عند ما اكتب العقد اناديك ونسوي عقد جديد شوف احياناً يتماطل صاحب العقار ويخليك تكتب عقد التقبيل ولا راح يجي بس لاتكتب العقد لإ اذا كان موجود عشان لايستقلك ويقول هذا جديد في الشغله خلني ازود عليه بيرضا قصب عنه انتبة زين هذا نقطه مهمه في التقبيل

استخير وشاور اكثر من هم حاولين البقاله افضل مثل المحلات المجاوره للبقاله والله يكتبلك اللي فيه الخير

الشباب ماقصروا نورونا
بس في شئ مهم راعيها ليه مقبلها ؟