جزاك الله خير ياصاحب الموضوع وانا مقابلتي ماهي طريفة ولكن بقولها بالتفصيل للفائدة

انا قدمت على القاعدة الجوية وانقبلت ويوم جاء موعد المقابلة الشخصية

وكنا عند باب غرفة الضباط ويطلع علينا الضابط قبل ما يدخل اي احد ويقول

اللي يدخل يصك الباب بسرعة ويوقف على الجدار على طول ولا يضحك ولا اي شئ

المهم مشى الدور ويوم وصلني الدور وادخل واسلم الا وهم 8 ضباط كل واحد ونجومه >> مايعرف الرتب

قلت يااسااتر استر والمشكلة انه فيه واحد منهم كل ما طلع ينافخ على العسكر ويكرشهم كرش

البداية قال وش اسمك ومن وين انا طبعا بعيد شوي عن القاعدة وقال اذا توظفت عندنا بتقول كل يوم طلعوني

ومن هالكلام وقال وش هواايااتك ؟؟ (الضابط الاول ) قلت الدنيا ما جات على الكيف ومابه زود هوايات

ويقوم (الضابط الثاني ) يضحك قال ليش ما تجمع طوابع >> مدري وش يحس به

قلت لا ما اجمع طوابع ولا غيرهاا

الا ويجي (الضابط الثالث ) من اقصى اليمين هههههههه ويقول انت وش معك سيارة

قلت معي كابرس ويجي ( الضابط الرابع ) ويقول كم موديلها قلت 88

ويرجع الضابط الاول ويقول متى اخر مرة فحطت ( هنا حسيت انه فيه اختبار نفسي )

قلت والله مبطي لي فترة من التفحيط

قال يعني كنت تفحط

ويقوموا يضحكوا الضباط كلهم وطلع صوتهم عند اللي برى

والنهاية قال لا العسكرية ما فيها تفحيط قلت في نفسي بالله عليك ههههههه

وقالي خلاص اتيسرر


والنهاية ما نقلبت في الجوية والله يعوضنا واياكم خيرر

الله يذكركم بلخير انا قدمت قبل 3 سنوات على المباحث طبعن انقبلت وسحبت عليهم
المهم اول ما سلمت عليهم عديتهم بسرعه مدري ليه كنت متوقع يسالون عن كم عددهم هم كانو 9 واحد واقف و8 جالسين جلست قالي من وين وش اسمك ليه قدمت ومن هذا الكلام المهم قالي بسرعه كم عدد الجالسين هينا قلتله 8 قال لا تاكد قلتله ما حسبت الواقف لا انك سالت عن الجالسين انبسط مني قالي وش لون الجدار على طول جوبته قالي طيب مين الريس فينا انا ولا خويي طبعا كانو لبسين ثياب وضيعت قلتله كلكم عينين في راس ضحك وانبسط قال ابشر بلخير وانقبلت بس ربي وفقني وكملت دراسه وسحب عليهم المهم خوي راح يقدم ليس الامن العام اول ما قالو لو قال عدد الدول الاسلاميه دلخ الاخ ما عرف قالو طيب العربيه برضو ما جاوب قالو عندك مويه كيف تخليه ما تطيح من الشبكه طبعا ضاعت علومه قالولو تعرف طريق الباب قال ايه اقالو الله معك
من جد بعضهم يحولون يطلعون بس بحركه ولو يبي يقبلك يعرف كيف يسالك
المهم الله يكتب الي فيه الخير وبتوفيق

مقابلتي في امن المنشات فضايح
المهم اول شي رحت صوب ملازم اول انا هلحين دخل متحمس قالت السلام عليكم ما رد السلام
قالت صباح الخير مارد قالت ياالله الخير هذااااا اوله ينعاف تاليها قالي اقر هاذي الجمله
والجمله كما التالي ابجد هوز الى اخ المهم اول مره اقرا هاذي الجمله قالت ياخوي انتو تبون تعذبونا
تبسم وهوه يبي يلفخني مخمس قالت بالله عليك ساعدني شوي قال طيب عد الحروف انا توني يوم فهمت
قالت ياخوي انا فاهم هاذي الحروف الهجاء قال ممتاز هاذ الي ابيه من صبح وقالت انا من زودالموانه
ياخوي قال كذا من زمان ونا اعلمك انها حروف الهجاء ونت تقولي اقراء الجمله تبسم شوي
وقال من رئيس مجلس الوزرا في السعوديه طبعن قالت با شوي دلخه سلطان سلطان لا لا على مضن ابو متعب
قال احسن وقال من وزير العلام قالت والله ما اعرفه
قال طيب كيفك في الرياضه قالت والله مو كثير اشاهده قال النادي الي تشجع قالت تكفى ونا اخوك النادي الي
اشجع جابلي المرض وسكر قال اكيد النصر قالت فيه غيره ضحك شوي وقال وش اخر مباره لعبها النصر قالت البارح
قال مع اي نادي قالت الاهلي قال طيب من فاز قالت الاهلي فاز 3 قال من تاهل قالت النصر قال ممتاز
قال طيب وش رايك في احداث النصر والوصل قالت تكفى ودي اني موجود في الا ملعب قال وش بتسوي كان قالت
كان بروح اسلم على الامارتين واحد واحد قال وهو يضحك الله يعين راعي هواش من اوله وقال هو وهوه ياضحك
وماسك يدي وقال روح الله يوفقك ان شاء الله ويفتحها في وجهك وتروح لي الدوره ويكرفونك شوي لين تعرف الله حق
انا طبعن ضحكت وقالت بيض اله وجهك وجزك الله خير

هاذي مقابلتي في امن المنشات با التفصيل الا ممل وفي الختام الله يوفقنا جميع

بالتوفيق للجميع

هههههههههههههههههههههههههههههههههههههههههههههههههه هههههه


لكم كلكم

اللهم وفق المسلمين اجمعين

الله يوفق الجميع

ههههههههههههههههههههههه


لي لوحدي !