من اللي يعرف حصاد المستقبل ؟؟!

مسفر المسفر · #11 (**permalink**) 15-03-2010, 12:28 AM

اقتباس:

المشاركة الأصلية كتبت بواسطة mjjd

نصيحة لك أخوي أبتعد عن هذا المكتب ولا تستجيب لرسائلهم لأن النصب عندهم عيان بيان ولا يخافون الله وأولهم صاحب المكتب اللي أعرفه شخصيا نصاب وحرامي كبير في البداية يعشمونك في وظائف بنوك وشركات كبيرة وبعد ما تقع في المصيدة يعرضون لك وظائف لاتتعدى حراس أمن وموظف إستقبال.

إذا أردت الوظيفة بجدية ومن مجرب إذهب إلى:
1- مكتب العمل
2- هدف (مركز الملك فهد للتوظيف -شارع المعذر مقابل البنك الفرنسي)
3- عبداللطيف جميل لخدمة المجتمع (إدخل موقعهم على النت وأعرف مكاتبهم وين )

أشكرك أخوي على توجيهك

وحسبنا الله ونعم الوكيل في اللي يستغلون هل الحاجه

وبالنسبه لهدف ما حصلت منهم شي مع العلم اني سويت مقابله وواعدوني اليوم الثاني وجيت لقيت الشركة عندهم وسوو مقابله وقالوا مقبول انتظر الإتصال واليوم اللي بعده دقوا علي وقالوا تعال مقابله ثانيه في مقر الشركة ورحت وسوو مقابله واختبار وقالوا مقبول انتظر الإتصال وعليها للحين

وباب رزق جميل عرضوا قبل فترة وظايف ورحت وقدمت وقالوا لما تجي الشركة بنكلمك وكلموني بعد اسبوع وزود وقالوا انت مقدم عندنا قلت ايه قالوا عطنا رقم هويتك ولما عطيتهم قالوا عندك مقابله قلت متى قال بيكلمونك ويقولون متى وعليه لهم شهر الحين

باقي مكتب العمل اللي عارف من الحين وش النتيجه لأن المؤهل المطلوب / واسطة ... حسبنا الله ونعم الوكيل

،ثلاثيني،الرياض، · #12 (**permalink**) 15-03-2010, 12:30 AM

هل يوفرون وظيفة مسائية ؟
هل فيه احد جربهم

مسفر المسفر · #13 (**permalink**) 15-03-2010, 01:55 AM

اقتباس:

المشاركة الأصلية كتبت بواسطة ،ثلاثيني،الرياض،

هل يوفرون وظيفة مسائية ؟
هل فيه احد جربهم

عزيزي

انت شفت ردود الأخوان

يقولون الشركة مجربه ولا توظف اصلاً بدوام كامل تبي مسائيه

الدعوه كلها ادفع ولا تتوظف ... حسبنا الله عليهم

الفارس الرحال · #14 (**permalink**) 15-03-2010, 02:41 AM

هلا أخوي الرسالة جاتك من حصاد المستقبل لانو فيه اتفاقية مع هدف ومكاتب التوظيف اخوي راح انت منت بخسران شي واذا قالولك ادفع شي ذيك الساعة اسحب عليهم دامك فاضي روح لهم وبالتوفيق يارب

الملحووس · #15 (**permalink**) 15-03-2010, 05:47 AM

اللي سمعته يا الغلا انهم نصابين بس بما انهم دقو عليك رح واذا قالو لك تدفع 200 قالهم

ربي يجيب مطر لانهم نصابين وما عندهم سالفه

ومكتب العمل الحين ازيدك من الشعر بيت صار متطور وصار نظامه مثل نظام وزارة العمل بالامارات صار التقديم
عن طريق الموقع الاكتروني وهذا هو:http://www.mol.gov.sa

امس رحت لهم اللي بالدمام والله يا نااس قمة المسخره

الموظفين لا شغله ولا مشغله كله قاعدين يلعبون مع بعض ويسولفون
والله يا جماعه اول ما دخلت كاني داخل صف ابتدائي وما عندهم مدرس فوضى

الله يعين ويوفق الجميع

underline · #16 (**permalink**) 15-03-2010, 08:50 AM

اكبر مكتب نصاب الي اسمه حصاد المستقبل تخيلو انا مقدم عليهم من سنة 2005 ودفعت لهم 200 ريال تخيلو للحين ماجاني رد منهم اخذو الفلوس ولا شفنا شي لي الحين 5 سنين مقدم عندهم ارجوكم يااخوان ونصيحه لكم واللة انه نصاب وانا شخصيا حصلت لي اول ماتجيهم يرحبون فيك وبعد ماياخذون الفلوس معاد تشوف لهم حس ابتعدو عنهم

مسفر المسفر · #17 (**permalink**) 15-03-2010, 09:25 AM

النصابين تو دقيت عليهم اشوف وش سالفتهم

ومن اولها رد علي شامي ودريت اني موب لاقي خير

وقالي تعال ولا تشيل هم وجب معاك 200 رسوم أشتراك

وسألته وش الموجود قال على حسب المؤهلات وقلت طيب انتوا ماتعرفون وش مؤهلاتي قال لا

قلت طيب عندكم cv لي قال لا قلت طيب على اي اساس اتصلتوا

قالي هذي رساله دعائية .... بس هي من البدايه من كلمته وانا حاس اني موب مرتاح .. حسبنا الله عليهم

الله يرزقني وياكم الوظيفة الحلال اللي مافيها ولا موظف أجنبي الا للنظافة

كاسبر سكاي · #18 (**permalink**) 15-03-2010, 09:41 AM

نصيحه اسحبوا عليهم

والله نصابين

قد عطيتهم وقالو وبندور لك وظيفه ولا يتصلون ولا شي

انا اللي كل فتره اروح لهم

وبالاخير جابوا لي وظيفه ولا انقبلت فيها وراحت علي الرسوم

بعيد الهقآوي · #19 (**permalink**) 15-03-2010, 09:56 AM

نصيحه يااخوان اي مكتب توظيف يطلب مبلغ مالي لاتدفع له ابدااا

اذا انت تبي مكتب توظيف اترك الحصاد عنك لانه بفلوس

روح لريادة او الحلول الممتازة

ببلاش ويجيبو لك وظيفه فعلا وياكثرررررررر اللي متوظفين عن طريقهم

لاتقولي برسل ولا بدق شيل ملفك وسيده عليهم يسون معك مقابله على طول او يحددو لك يوم تمرهم

واذا الانجلش متوسط او اقل بقليل او اعلى بتتوظف على طووووووووول

موفق يالغــالي