الاخ مكتوب عليه

اول شي الله يستر على شايب رباك

والله ثم والله ان مانكب الناس في هالدنيا الا اللي يقول نظرة الناس ياخوي الناس وش عينا منهم مخبورين لاهم عاطينك خيرهم ولاهم كافينك شرهم
وان شغلك ابد مافيه ولا شي ياخوي الشغل ماهو بعيب وش ماكان تبدا كذا وبالنهاية صدقني ان استمريت بهالطريقة شغل فالليل ودراسة بالنهار اظمن لك باذن الكريم مستقبل مشرق
ومثل ماقالوا ( من لم يكن له بداية محرقة لم تكن له نهاية مشرقة )

ولك هذي القصة اللي عايشتها بنفسي واعرف اشخاصها
هذا يبالحبيب والسلامة كان شغال حارس امن واهله ماهم براضين يقولون وش بيقولون عنا الناس ومن ذا الكلام المهم الادمي كمل وقال ماعلي من نظرتهم لي نظرتي بنفسه وابوه اقتنع وكمل الثانوية لانه كان ماخذ كفاءة ومن ثم دخل الجامعة وهو حارس امن طبعا في بن لادن ويوم دخل الجامعة دخل تخصص هندسة تاهيلي وصار يشتغل بالصبح ويدرس بالليل وصار مشرف على حراس الامن وقالوله الشركة اذا خلصت دراسة تتوظف عندنا وحاله ماشاالله تبارك الله يسر بعد ماكدح في البداية

وفالنهاية الله يوفقك وين ماحطيت رجلك
ا
خ
و
ك

يأبو الرجال والله الشغل مو عيب وما عليك من كلام الناس ونظراتهم استمر الين الله يفرج همك وهم جميع المسلمين ومرة ثانيه الشغل مو عيب العيب انك تقعد عاله على اهلك وانت في سن ممكن تشتغل فيه وهو معروف انو مجتمعنا مايرحم لكن خلك واثق من نفسك والى الأمام.
الله يرزقك ويرزقنا جميع