[align=center]
يا أخوان نصيحة لا حد يسجل الان بالاختبار الا بعد ما يعرف انه قبل قبول مبدئي اول وثاني

الكلية كل سنة تسوي كذا

اختبارين

اختبار الان

واختبار ثاني


والله العظيم العام الماضي كثيرين والآف تندمو

اختبرو قبل القبول بشهرين

وأخر شيئ ما نقبلو

تندمو ضيعو وقتهم وفلوسهم

واحد من أخوياي ما اختبر الا بعد ما قبل قبول مبدئي ثاني


والكلية أعلنة بعدها عن إختبار القياس والقدرات

وقالولنا الي اختبر خلاص

والي ما اختبر يختبر بالكلية

عاد الي اختبرو من قبل وما انقبلو وأنا وللاسف واحد منهم تندمنا

قلنا ياليت ما اختبرنا وتعبنا أرواحنا

تخيلو حتى بعض أخوياي لا قبل قبول مبدئي أول ولا ثاني

يعني شاتوه من البداية

وهو مختبر وجالس يوم كامل معنا يختبر

نصيحة لا تتعبون نفسكم وتختبرو الان

والله العظيم العام الماضي كذا

أغلب الطلاب ما اختتبرو الا بالاختبار الثاني

والكلية راح تعلن عن موعد اختبار القياس بعدين

والي شاك بكلامي يسأل أخوياي وطلاب العام الماضي الي العام تقدمو وانقبلو

خلوكم الحين من القياس وركزو ع اللقياقة البدنية والصحية

والله يوفقكم يارب

ونصيحة لا تدققو وتشغلون أرواحكم

صدقوني القبول وإجراته عادية أسهل من القبول بالجامعة

بس كلها أشياء روتنية فحوصات وكشوفات واختبارات عادية

ويقبولن اي شخص تتوفر فيه الشروط على حسب التخصص الجامعي

والخوف ما يكون الا بعد ما ترفع الارقام والملفات للوزارة وتشتغل الواسطات هناك

وتجي ارقام المقبولين ويتم الإعلان عنها

أنا العام الماضي

كنت بالمنتدا هنا

وكنا مشغلين أرواحنا بأشياء تافه ما تتخيلوها خخخخخ

ووقت التقديم تفاجائنا

لقينا الوضع والتقديم عاااااادي لدرجة ما تتوقعوها والله

وقبلت مبدئي

وقبلت مبدئي ثاني

وخلصت كل أوراقي وإجراءاتي

و بعد ما رفعت اوراق المتقدمين للوزارة

للأسف ما نزل رقمي

صح بكيت وتحطمت

بس الحمد لله رضيت بقضاء الله وقدره

زملاي الحين باقيلهم كم شهر ويطلعون ضباط

وانا قبلت دراسات عليا بجامعة الامام وبكمل تعليمي

ممكن خير لي

نصيحة أخيرة

لا تخلي كل أملك بالكلية الأمنية

عشان ما تنصدم لو ما قبلت

المتقدمين فوق 12 الف العام الماضي

والمقبولين بالفرز الثاني حول 3 الاف

والمقبولين نهائي حول الالف او أقل

يعني لا تعلق نفسك بالكلية

تقدم وتوكل ع ربك ان جت تستاهلها

وان ما جت عساه خير لك

وارضى بما قسم الله لك تكن أغنى الناس

تحياتي للكل
[/align]

جزاك الله خير على النصيحه

وعشان أثبت صحة كلامي يا إخوان

شوفو بنفسكم من موقع الكلية الأمنية

إختبار القياس والقدرات يكون بعد الفرز الثاني

وذا رابط الخبر بالموقع:

http://www.kfsc.edu.sa/Admission/Off...ages/step.aspx


شوفو المرحلة الرابعة


وفقكم الله

ببسمان

الله يوفقك والخيرة فيما كتبه الله

جزاك الله خير على ما قلت فعلا كلامك في محله الكلية الامنية طموح اغلب الشباب والتقديم السنوي عليها يفوق 15 الف احيانا والمطلوب قد لا يتجاوز 900 طالب يعني نسبة القبول فيها ضعيفة والله تعالى هو الموفق ومثل ما قلت الاجراءات روتينة وشي عادي يمكن يدققون في الفحص الطبي والطول والنظر غير كذا مش حالك والدعوى الظاهر انها مثل ما قلت واسطات خاصة الفرز النهائي ...نصيحتي انا اخوكم الثاني انكم لا تتعلقون فيها اتركوا الامور لوقتها ترى مرينا بلي مريتو فيه وآخرتها مسكنا الباب يعني اجعلو الكلية الامنية ضمن مجموعة من الخيارات ولا تجعلها هدفك الوحيد فقد لا تقبل وتنصدم وتكون المصيبة عليك اعظم صدقوني واحد من زملائي الله يوفقه لم ينقبل فيها وقال ان شاء الله انها خير وفعلا هذا هو الآن يكمل دراسة الماجستير في كندا والرجال كلمته قبل اسبوعين ويقولي الحمد لله اموري تمام ...فأنتم اجعلو اكثر من هدف امامكم وترى الكلية الامينة مجرد عسكرية يعني لا تتوقعون انها قمة طموح صدقوني دخلوها شباب كرهو حياتهم كلها .

شكرا أخوي قانوي - عاطل - تركي

[bor=9900CC]