يا شباب

يوم ثلاثاء واحد من اقاربي كلمني وقال اذا تبي الامن العام هات اوراقك وانا بعطيها واحد في الرياض
واعطيته كل شي


واعطاها واحد بالامن العام يوم الاربعاء


ويقول قريبي انه اعطاه رقم جوالي ويقول اول ما يتصلوون فيك تجيهم لابس رياضه ومحلق على 1 على اقل تقدير
وتجيب معاك اصوول الشهادات




* مع العلم اني قدمت في الامن العام بشرقيه على النت وما رحت للمووعد لان اللي سجلني واحد من اخوياي و يقوول فصل النت معي ولا ادري حفظو معلوماتك ولالا ... واليووم جيت بشيك على طلبي بالغلط والله لاني كنت فاضي وتفاجأت ولقيت نفسي مقبوول موعدي في:
20\4\1431


لكن اللي ابيه منكم ان الحين كاتبين لي احظار نموذج فتح حساب؟؟ يعني ايش اسووي اذا رحت البنك ؟؟

وعلى اي بنك ارووح


ثاني شي كاتبين احضار رخصة قياده .. طيب اللي ما عنده رخصه وش يسوووي ؟؟ هل هي لازم



بالله تكفوووووون افيدووني الله يرحم والديكم

يا عيال يقولون ان الاسبوع هذا اخر اسبوع للمتقدمين على الامن العام الكلام صح

( لعيون أيمن المزيني ولايهينون البقيه )


(( ماحصل معي اليوم بالمقابله الشخصية ))

أول شي وصلت هناك 9:00 ودخلت وفي عند البوابه عسكري يشيك على موعدك إذا كان اليوم يدخلك يعني لازم تطبع ورقة الموعد ,,

المهم دخلت وكان يمشي معي كم واحد طبعاً حنا نعتبر متأخرين شوي لأني لقيت الفصول مليانه ,, وعند بوابه المبنى قابلنا عسكري وقال ( موعدكم اليوم ؟ وروني اوراقكم ) شافها وارسل كل واحد على فصله , أول ماتدخل الفصل في عسكري جالس على كرسي وقدامه ماسه ويظبط الاوراق المهم اول ماتدخل تلقا ملفات كثيييير طايحه بالارض تدور ملفك بينها وتأخذه وتقعد تظبط فيه وهنا الحوووووسه الفصل فووووق تحت رجه ياولد جيب الدباسه ياولد هات الخرامه ياولد ...ألخ المهم تقعد تظبط بالملف على حسب الترتيب الي موجود بالورقه الي مدبسه مع الكفاله الغرميه ولو تلخبط يردك العسكري ترتبها من جديد المهم أنا نسيت صورة بطاقة ولي الأمر
لاحوووول << لازم ينسى واروح اكلم العسكري يمكن يمشيني قالي اطلع بسرعه روح جيبها وتعال < العن ابو المشوار شايل هم اني إذا رجعت ما القى موقف المهم طلعت من عندهم 9:35 ومارجعت الا 10:30 بـــــــس الحمد لله لقيت موقف قريب وانزل بسرعه واروح للفصل واقعد احوووووووس بالاوراق واظبط فيها بعدين مسكت سرى بالفصل في سرى بس السرى وانت جالس على الكرسي وكل ماخلص واحد ننقز بالكرسي الي قدامنا الين وصلنا للعسكري ويشيك على الاوراق ويوقع عليها ويقولك يلا روح تروح لغرفه اللي مقابله لغرفة الطول والوزن تدخل عند عسكري تأخذ من عنده رقم للسرى حق المقابله ويعطيك ورقه مكتوب فيها طلبات الدورة وبعدين تروح تجلس بالكراسي الي جهة غرفة المقابله الشخصيه وفي جنبها فصول تبي تجلس برا في كراسي تبي بالفصول بعد في كراسي << وش رايك اجل فصول بدون كراسي ؟ المهم تقعد تنتظر الين يوصلك الدور ويدخلون على غرفة المقابلة مجموعه مجموعه يعني المجموعه الوحده يمكن من 7- 13 مجموعتنا عديتهم كانو 13 المهم جلسنا الين طقت نفوسنا ويوم وصل السرى عندنا ويجي الرائد يقول اللجنة تعبت تبي ترتاح ربع ساعه روحو اجلسو بالفصول وننثبر بالفصول يمكن 25 دقيقه وبعدين رجعو نادونا ودخلنا على اللجنه مافي الا واحد ملازم بس !! جنبه وكيل رقيب ينادي الاسامي المهم ماسكين سرى ورا بعض انا ثالث واحد قال الملازم للأول إقرا من الكتاب عاد نسيت اقولكم حاطين ماسه وعليها كتاب وفاتحين الكتاب ومجهزينه وقرا خوينا وقاله اقر قران وقرا( قل هو الله احد) وخلص قاله الملازم شسم السورة ذي ؟ قال أأأأاأأ علق قاله وش قال الصمد قال الملازم الصمد هاه طيب الي بعده جاء الي بعد وقرا تمام وقرا قران تمام بــــــس جاتك الطامة الكبرى قاله العسكري تبوك وين تقع قال الشمال < لحد الأن تمام قاله عسير وين تقع قال خوينا الشرقيه وانا ماسك نفسي ابضحك ههههههههههههههههههههههه قال العسكري عسير عسير وين تقع ؟ قال والله ما اعرف بالمناطق قاله توكل المهم جيت انا قال اقرا قريت قال اقرا قران قريت له قال وش اسم السورة الي قريتها قلت له سورة الناس قال تدخن قلت لا قال من هو الصادق الامين قلت له محمد صلى الله عليه وسلم .

وتوته توته خلصت الحتوته ومسكت الباب وطلعت وكانت الساعه 3:35 << احسن من غيري كثيييير جالسين شكلهم ما يطلعون غير المغرب والعشاء يمكن

آسف إذا طولت عليكم وتقبلو تحياتي أخوكم (( فديت المدينة ))








والله تعبت وانا اكتب حتى غداء ماتغديت طواااالي على الكمبيوتر لعيونكم فأتمنى منكم الدعاء لي بظهر الغيب ولو إستفدت من موضوعي ياليت تقيمني

لكن اللي ابيه منكم ان الحين كاتبين لي احظار نموذج فتح حساب؟؟ يعني ايش اسووي اذا رحت البنك ؟؟

وعلى اي بنك ارووح


ثاني شي كاتبين احضار رخصة قياده .. طيب اللي ما عنده رخصه وش يسوووي ؟؟ هل هي لازم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

ياحبيبي يعني إذا عندك حساب بالبنك صور البطاقه حقت البنك الي موجود فيها رقم الحساب مو حقت الصرافه لا الثانيه الي تجي مع الصرافه أما إذا ما عندك حساب الله يعينك تفتح حساب .

وبالنسبه للبنك عادي أي بنك

أما بالنسبة للرخصه ياحبيبي لازم الرخصه يعني لو ماعندك الله يعينك تطلع بأسرع وقت

إن شاءالله إني أفدتك

نسألك الدعاء

يارب ياكريم توفقني وتوفق جميع اللي أنقبلو في الأمن العام ؟
أمــــــــــــــــــــــــــــــــــيـــــــــــــ ـــــــــــن
أمـــــــــــــــــــــــــــــيــــــــــــــــــ ــــــن
أمـــــــــــــــــــــــــيــــــــــــــــــــــ ـن
أمــــــــــــــــــــيــــــــــــــــــــــن
أمــــــــــــــــيـــــــــــــــــــن
أمــــــــــــيــــــــــــــــن
أمــــــــيــــــــــــــن
أمــــيــــــــــــن
استغفر الله استغفر الله
استغفر الله استغفر الله
يـــــــــــــــــــارب

اللذي يجاوب له دعوة في ظهر الغيب في الحرم

التصديق الأخير اللذي في طلب الالتحاق من يوقعه

ياشباب تكفوووووووووووون نبي المقابله كيف الاسله الله يخليكم ووش نجيب المطلوب تكفووووون الله يخليكم

فديت المدينة يا الغالي ما قلولك متى النتائج والدورة وكم طالبين عدد في الدورة