21-03-2010, 05:03 PM
|
 |
عضو نشيط
|
|
تاريخ التسجيل: Feb 2009
المشاركات: 148
معدل تقييم المستوى: 96
|
|
ياجماعة الخير مساكم الله بالخير جميع
انا توني راجع من الامن العام وربي يوفقكم ويوفقنا بقولكم وش صار معي
اول شي جلسنا عند البوابه وجاء ياخذنا باص وقام فتشنا عريف الي لابس ثوب او معاه جوال او
شعره طويل يقضبه الباب بس الي معه جوال يقول رح وده بالسياره وتعال وحتى الي لابس ثوب قال
يمديك تروح وتلبس رياضي وتجي المهم ركبنا الباص ويوم نزلنا من الباص قالوا شيلوا الله يعزكم
البوت او النعال اذا كنت لابس وعند الباب فيه ملازم يطالع بطولك اذا كان جسمك وطولك ممتاز
ع طول يقول لك ادخل ع طول ع القياس والوزن المهم الباقين دخلونا بالفصول عاد جلسنا ننتظر
طويل وجات الساعه 2 وما نادوا الا كم شخص طبعا واسطات عشان يمشونهم بدري المهم جاء
دوري ورحت للقياس وقست طولي والحمدلله تمام لكن الوزن زايد واحد وقالي الملازم نقص ها
الواحد ولا مافيه دوره قلت ابشر بالي ينقص 10 كيلو انا طولي 171 ووزني 92 يعني ياشباب
يهمتو بالطول والوزن والتناسق المهم سجلو بياناتي بالجهاز وقالوا رح للرائد يوقع لك وبعدين
دخلت ع الرائد الرائد يشوف شخصيتك انا دخلت ومسيت عليه ونظر فيني ووقع ع اوراقي ياشباب
الي يدخل ع الرائد لازم مايخاف خل وضعك اوكي المهم رحت للغرفه الثالثه الي تاخذ فيها
الكشف الطبي والملف لتعبئة البيانات وجلسو سالوني انت من وين بس لا تخافون ماهي مقابله
شخصيه بس مجرد اخذ وعطى زي ماتقولو تضيع وقت وقالوا اصبر شوي ينادون ع اسمك المهم
جلسنا تقريبا حق 10 دقايق او اقل ونادوا اسمائنا وعطو كل واحد ملفه وقالوا له متى سويت
اوراقك وخلصت منها جبها لنا بس بالاول ادخل الموقع وخذ موعد اذا ماقدرت جبها لنا عندهم يعن
ي اذا خلصت اوراقك ع طول ودها لهم طبعا ونبهو علينا نجيب 10 صور وكشف حساب مع الملف وسلامتكم واتمنى اني افدتكم ياشباب والله يوفقنا ويوفقكم باللي فيه خير
|
العرض العادي
