05-04-2010, 01:26 AM
|
عضو نشيط
|
|
تاريخ التسجيل: Nov 2009
المشاركات: 126
معدل تقييم المستوى: 31
|
|
اقتباس:
المشاركة الأصلية كتبت بواسطة عاطل العنزي
السلام عليكم ورحمة الله وبركاته
انا رحت لهم الساعة 11 ونص وكان المفروض استعجل واجي 10 ونص او حولها لن الساعة 12 ماشفت احد
وقفنا طابور واخذت حول 3 ساعات واقف الله يعين
ولما وصل الدور دخلت لهم فيه حول 4 واحد على الجهاز والثاني يقيس الطول والوزن والثالث يسجل والرابع يتقهوى 
المهم شافو الوزن الي هو 96 والطول 171 ونص ومشوني بالطول والوزن
لاكن عقدوني بالرخصة الي مدري ليه متشددين لها عطوني الشهادت الليه واخذو باقي الملفات وعطوني مهلة ليوم الاربعاء عشان اطلع الرخصة 
رحت ابطلعها شافو البطاقه قديمه قالو لازم تجددها وتجديدها يبيله 14 يوم
ومن الصباح وانا متعقد رحت للعلاء ولا سنعوني ورحت للمدينه ولا فيه فايده
الله يعين اموري خربانه عشان ذا الرخصة مع ان الرياض ماطلبوها منهم لاكن الله يعين مدري وش اقول بدون واسطه امورك خربانه;( |
يالعنزي امرها بسيط وتخلصه بيومين
اجرائات الرخصه كالتالي
تروح لشركة دله وتقول ابي اطلع رخصه .. راح يعطونك ورقه تعبي بياناتك وتروح للمشفى تكشف نظر ودم ( الشغله ماتاخذ 10 دقايق )
ثم ترجع لشركه وتسلمهم الورقه + صورة بطاقتك+ 3صور شخصيه خلفيه بيضا
بعد كذا تدفع رسوم 100 ريال للشركه ... ومن ثم تدخل الاختبار وتختبر ... ولاتنسى تسدد الرسوم حقت الرخصه 400 للمرور عن طريق الصرافه ( الرياض او الراجحي )
اذا نجحت بالاختبار .. تاخذ ورقه تحويل للأحوال من الشركه لاجل تجدد هويتك ( ورخصتك تكون جاهزه بالشركه بس ينتظرو تبصم بالاحوال ) ..
بعد مانتهي من الاختبار وامورك تمام تروح للأحوال اليوم الثاني
تجهز الورقه اللي اعطوك اياها شركة دله مع 4 صور شخصيه خلفيه بيضا و ( نموذج تجديد الهويه ) تلاقيه في موقع الأحوال على الانترنت .. تطبعه وتعبيه ..
اذا جهزت الاوراق تكون واقف عند باب الاحوال من الساعه 7 .. وماتجي الساعه 9 الا وانت مبصم ومتصور ومخلص امورك ..
اذا بصمت خلااااااااااااص تماااااام بيطلع عند المرور على الكمبيوتر بصمتك .. تروح للشركه وتستلم الرخصه على طووووووووول
وحتى لو تروح للامن العام السبت القادم ماعندك مشكله ( قول لهم توي خلصت الاجرائات )
اهم شي لاتيأأأأأأأأأأأأأأأأأأأس
|
العرض العادي
