شباب الله يوفقكم ويخليكم

أنا خويي راسل لي بالأيميل إستفسارات للجهات الحكومية

يعني مخالفات ومديونيات إتصالات وكذا ,,

الزبده جيت عند وزارة العمل وسجلت رقم بطاقتي عشان أشيك

شفت مكتوب إسمي

والحالة : على راس العمل

وأنا أصلا ماني شغال ,, كنت بشركة شغال بس أسبوعين وسويت أستقاله وخرجت !!


أحد يقدر يفيدني ؟

بالله ساعدوني



وترا قريبتي مسئولة كبيره بمكتب العمل

بس ماني حاب أقولها ألحين ,, حاب آخذ بشورتكم ياهل الخير

الاصل أن الشركة تسوي قيد لك لكن ممكن القيد ما وصل لمكتب العمل أو أن الشركة تستغل اسمك في مكتب العمل عشان السعودة أنت استشير وما تخيب إن شاء الله

كيف تستغل أسمي
وشلون القيد وأسبوعين طال عمرك ونا ماوقعت معهم عقد !!

ووش الدبره ؟

ياليت تفيدني

اخوي انا صارت معي لا زم تروح التامينات وتاخذ برنت وتروح للشركه اللي كنت شغال فيها ويعطونك خطاب انك فصلت وتروح مكتب العمل وتلغي اسمك

اقول هذا رزق وجاك
رح للتأمينات وخذ برنت وبعدين روح لمكتب العمل وقدم شكوى وطالب بمبلغ مالي عن الضرر الي تسبب فيه وجود اسمك وانك ماحصلت وظيفة طوال هذه المدة واذا مانفع قدم شكوى عليهم في المحكمة وماصاع حق وراه مطالب

أنا أصلا ماني مسجل في التأمينات

يعني أروح أطبع برنت ؟
ثم أروح لمكتب العمل ؟؟

الفتره يا خوان اللي كانت معهم كلها اسبوعين بس
والسبب:
وطلعت لأن المحاسب المصري بالعربي مايبيني مكانه وطفشني وزهقني في عيشتي

روح التأمينات وخذ برنت
وروح مكتب العمل وخذ برنت ايضا
وبعدين قدم شكوى ضد الشركه بتهمة استخدام اسمك بغير صفه قانونيه مما سبب لك اضرار وتطلب تعويض
طوال المده
وخذ رقم المعامله اللي بتقدمها (الشكوى) في مكتب العمل وخلال ستون يوما اذا ما رد عليك مكتب العمل او رد عليك برد غير مقنع
اذهب فورا الى ديوان المظالم وقدم شكوى اخرى واكتب فيها رقم الشكوى ...
واستشير محامي احسن
ترى فيه تعويض طيب