15-03-2010, 07:53 PM
|
عضو نشيط
|
|
تاريخ التسجيل: Nov 2009
المشاركات: 138
معدل تقييم المستوى: 287
|
|
إتمنى منكم المشوره في هذي الوظيفه لاحد يبخل علينـآ !!
السلام عليكم ورحمة الله وبركاته
بصراحه أخواني مدري من وين أبدأ بس انا لي تقريبـآ سبعه شهور عاطل !!
انا خريج كليه التقنيه قسم كهرباء وقدمت على الشركات بالصناعيه وبكل مكان
واسوي مقابلات بس للاسف ماحد يتصل !! اليوم العصر اتصل علي رقم ثابت
رديت الا واحد مصري يسألني انا مقدم عن طريق النت على صندوق التنميه
البشريه قلت ايه قال فيه وظيفه في الصناعيه الثانيه على طريق الخرج في شركة
تحلية مياه كبيره (( ساكن بالشمال )) وقالي دوامك فترتين من 8 الى 12
ومن 4 الى 8 والخميس تداوم فتره وحده وهي فتره تدريب لمدة 3 شهور تستلم
3 ألاف ريال وبعد الثلاث شهور تتوظف بأربعه ألاف ريال قلت طيب وين مقركم !!
قال لي في مخرج 9 بالعماره اللي فيها مطعم الضاغط قلت وش اجيب اوراق معي !!
قال صور من شهاداتك وحسن سيره وسلوك و 200 ريال طبعآ للمكتب اتوقع
اسمه مكتب ألافق للمقاولات او شي مثل كذاا ..
بالنهايه حبيت استشيركم بالوظيفه هل هي مناسبه لي خاصه انها بأخر الرياض
ومايحتاج اذكر لكم زحمه الطريق من مسجد الراجحي الى طريق الخرج !!
وثاني شي وقت الدوام انه فترتين يعني صعبه اروح البيت وارجع مره ثانيه متى بوصل
ومتى برجع وكذاا والاهم من هذا كله هل الراتب مناسب للتعب هذا !!
ياليت تردون علي بأسرع وقت واللي حاب يروح يقدم ويكون معاه دبلوم
كليه التقنيه كهرباء يعلمني اعطيه الرقم لانه يقول طالبين عدد كبير بالشركه
الله يجزاكم خير واسف على الاطاله
التعديل الأخير تم بواسطة تقنيه ; 15-03-2010 الساعة 07:55 PM
|
العرض الشجري
