بسم الله الرحمن الرحيم..

الحمد لله رب العالمين,, والصلاة والسلام على اشرف الانبياء والمرسلين,, نبينا محمد عليه وعلى آله وصحبه افضل الصلاة وازكى التسليم..

السلام عليكم ورحمة الله وبركاته..

طيب اخواني الكرام,, اللي ماله حظ نهائياً بالتوظيف هالفرصة اكيدة ان شاء الله,, خلوني اطرح الوظيفة بمميزاتها وعيوبها..

مميزاتها:
مضمونه بإذن الله متى ماوافقت انت ع الراتب والدوام..
اما مكتب مع موظف اخر او مكتب بالاستقبال بكمبيوتر بالانترنت..
المعهد لسه في بداياته واحتمال كبير ان شاء الله يكون له صيت لانه معهد مميز بتخصصاته..
التدريس في برنامج الامير محمد بن فهد واحتمال يعطونك البرنامج شهادة خبرة تدريسية مدتها 9 شهور بينما انت ماراح تشتغل الا 4 شهور متبقية من مدة عقد المعهد مع البرنامج

عيوبها:
الشغل كثير وماينتهي,, ماتدري وين بداياتها ووين نهايتها,, يبي للشغله شوية صبر شهرين لين يبدأ المعهد وابشر بالراحه..
انت لما تتوظف تحصل شغلك منوع,, يعني مالك شغله محدده,, بس الاكيد حالياً مدرس حاسب آلي في برنامج الامير محمد بن فهد لان التدريس مايبي له شي+ادارة تسويق+ادارة حسابات واخر شغلتين خاصة بالمعهد..

بصراحة اذا مو شغيل وراعي طولة بال ماراح يمشي الحال..

الراتب: 3000 ريال في هالحدود
الدوام: هو خيار مفتوح لك:
8 صباحاً الى 2 ظهراً ومن ثم 8 مساءً الى 10 مساءً
او
من 12 ظهراً الى 6 مساءً ومن ثم من 8 مساءً الى 10 مساءً

يعني يفضل يكون من الدمام ولازم يكون عنده سياره (:

اخر شغله ياليت مايكون المعدل اقل من جيد..

بالتوفيق للجميع..

الله يجزاك خير وبالتوفيق لراعي النصيب

مشكووووور اخوي نادر الغامدي

السلام عليكم ورحمة الله وبركاته

اعتذر لان اللي يبي هالوظيفة مايدري وين الله قاطة,, لاحطيت عنوان ولامراسلة..

طيب اخواني ارجع اكرر الموضوع وتعديلات لاني ماني شايف خاصية تعديل الموضوع,, خبركم اول موضوع + نقص خبره في تسويق وظيفة (:

طيب اخواني الشهادات المطلوبة بكالوريس ادارة اعمال او تسويق وماظن فيه مشكلة لو صارت محاسبة,, المهم بكالوريس وجيد فمافوق..

الشغله الثانية المعهد محتاج موظف في اسرع وقت,, يعني ينطبق عليه المثل "من سبق لبق"..

الشغلة الثالثه اللي عنده استعداد يراسلني ع ايميلي مادري والله هو مسموح بالمنتدى وضع الايميلات او لا,, لكن لو ممنوع ماني عارف اش الدبرة عشان نتواصل بغير المنتدى؟؟
هذا ايميلي واتمنى ارسال رساله لاني ما اتواجد بالماسنجر نهائياً
yasedhm_wenk@hotmail.com

ورب الكون راح اكون فرحان لو حصلت لواحد من هالمنتدى هالوظيفة,, مع ان راتبها لك عليه بس الشكوى لله ماني المدير ولا كان وصلتها لــ100 الف ماعندي مشكلة (:

بالتوفيق للجميع..

السلام عليكم ورحمة الله وبركاته

اخوي محمد العتيبي شاكر لك مرورك الكريم ودعائك لي هدف..

وجزاك الله خير كذلك..

السلام عليكم ورحمة الله وبركاته

اخوي نهاية عاطل اسأل الله انك ماتكون عاطل,, وان كنت يرزقك ويعوضك بصبرك بوظيفة تسرك وتيسر لك امور حياتك,, مرورك الكريم شرف,, ودعائك هدف..

وجزيت خيراً..

السلام عليكم ورحمة الله وبركاته

اخوي ولد الجندل حياك الله وبياك,, مرورك الكريم شرف,, ودعائك هو الهدف..

وجزاك الله خيراً..

للاسف ما عندنا الا دبلوم ومحتاجين والله للوظيفة