ساعدوني والله نفسيتي تعبت!





انا مسجلة بمعهد نيوهورازن للحاسب الله يكافيهم




تاني مرة يستهبلوا عليا!


جالسه ابكي من القهر!


رحت المعهد يوم السبت عشان الامتحان للورد

ماشرحولنا طريقة الامتحان..ضغطت انتقال للتمرين!

وطار 12سؤال بدون رجعه وبدون حل.

وعلق الجهاز وطار 12 تاني!

وطاروا 24سؤال!

وقالتلي امتحني ب12سؤال فقط من 36سؤال!




قلتلها وكيف 24سؤال؟!


قالت خلاص راحت...امتحني 12 وتصيري راسبه وتدفعي لنا عشان تمتحني!

قتلها مو بكيفك ترسبيني عشان أدفعلك!

ورميت البطاقه عليها وقلتلها ماححمتحن وحتحدديلي موعد جديد!

وخرجت من القاعه!

تحدد الامتحان اليوم!

وامتحنت وانتهيت وفرحت الدرجة حلوة


والمعهد مرة بعيد عن البيت 20دقيقه.

وانا عند البيت اتصلت عليا ياخت أمل..إحنا المعهد!

السيرفر ماطلع لنا درجتك!كيف تقولي انك اخدتي دي الدرجه!

قلتلها يعني استهبل عليك انا!


شايفتني كذابه!

قالت معليش السيرفر ماطلع لنا!

قلتلها اها يعني انا كذابه! واخترعت درجة من عندي!

قفلت فمها!

بعدين قالت ياترجعي دحينا وتمتحني من جديد!

ياتعيدي وتصيري راسبه!

قلتلها ماراح أرجع ليش هو بكيفك!

قالت انتي براحتك تصيري راسبه! قلتلها المادة هي الاساس عندكم! وقفلت الخط بوجها!


مرة عصبت

وربي تعبت!ومن القهر جالسه ابكي


حسبي الله ونعم الوكيل فيهم!!!!