بالتوفيق للجميع

الموضوع مكتوب وبالتفصيل من واحد من الشباب مكتوب تقريبا بعنوان الأمن يالتفصيل وهي 9 اشهر مع الـــ45 وخلكم رجال يا رجال ترونها دلع بس نفسيه

الله يسهل امورنا بالقبول النهائي ماتهم الدوره اهم شي ننقبل

قبـل شوي واحد من الاعضاء مرسل لي رساله يستفسر عن الـ 45 بالامن العام ,,
وبنسخ لكم الرساله لعلى وعسى تفيدكم ,,
والدورة 11 شهر انا داخل من شهر 7 والى الحين ماتخرجت يقولون التخرج بنهايه شهر 5 ,,
ونقول عسى الله يصبرنا طبعا الكلام الي بالرساله لمدينه تدريب الرياض :
وان انشاء الله بعد ماتخرج وقبل لاتدخلون الدورة انزلكم نظام الدورة بالتفصيـل ,,


النظـام كالاتـي :

تصحـى قبل الفجـر بساعـه تتجهـز لصلاهـ الفجـر بعد الصلاه تشكل امام السريـه تروح الميـدان عندكـ حصـه مدتهـا 90 دقيقـه ,,
تاخذها هرولـه وتتعلم حركات عسكريـه ,,
بعدهـا تتجـه للميـز تفطـر وبعد الفطوريصرفونك تشكل امام السريـه
عـاد تجي هنا التصليب لمدهـ ساعـه او ثنتين ثابت ثبوت كامل بدون اي حركـه وان تحركت حركـه طلعوك وجازوك لما تتفل العافيـه
بعدها تنصرف لسكـن نظافه يمكن 30 دقيقه بعدها يصرفونك للبوفيـه وع الساعـه 11 تتجـه للمسجد تصلي الظهر بعد الصـلاهـ تشكل امام السريـه وتنصرف ع الميـز للغدا بعدها تنصرف تشكل امام السريه تصليب الى قبل صلاه العصر بـ ربع ساعه بعدها تنصرف تتوضا وللمسجد بعد صلاه العصـر تشكل امام السريـه وتروح للميدان حصه مدتها 45 دقيقـه بدون هروله بس تتعلم الحركات العسكريـه وراح تتعبك بس تحمل بعد الميدان تنصرف للبوفيه وبعدها للمسجد لصلاه المغـرب بعد صلاه المغـرب تنصرف للميز تتعشى بعد العشى تروح تصلي العشاء وتشكل امام السريـه عاد هنا ع حسب المناوب يـ يثبتكم ساعه او ساعتين او يصرفكم لسكـن هذا نظامك بـ 45 ماعادا الخميس والجمعـه ,,
الخميس حصه صباحيه ماعندك حصه العصر والجمعه ماتنزل ميدان ابــد ,,
ونصيحه وانا اخوك راح يطلبون منك بدليتن رياضه لجيت تحضر ,,
جب معاك 5 بدل او 6 لانها مع الكرف والجزوات تتوسخ ,,
وعليكم بالمراهم وكريمات العضلات والبنادول وشراب الكحـه ,,
وبالتوفيــق ,,

رجا بليز لاحد يكتب (يجي من يفيدك ) هل تكتبها بقصد زيادة المشاركات رجو من الاخوان ان لا يكررووونها

هذا الموضوع قد نزلته بس رجعت الموضوع عشان الكل يستفيد
تفاصيل دورة الامن العام


لعام 1429-1430

البدايه:

1- 45 يوم من 1429/7/2 الى 1429/8/14

وتشتمل على:
الذل
الاهانه
السخريه
النفسيه
الحنين الى كل شي بالخارج خاصه(هندي البقاله).

2- اجازه لمدة 10 ايام تشتمل على:
الصنفره
انواع الحمامات مثل البخار والساونا...الخ
تحضن الاهل والاصدقاء.

3- التحضير والذهاب الى مهمة العمره من 8/24 الى 10/1
وتشتمل على:
مقابلة انواع الضباط الغير معروفي الرتب وخدمة المعتمرين
وحدوث بعض المشاكل وتم حلها بواسطة القايش(الحزام).

4- اجازه مع العيد لمدة 17 يوم .

5- التحضير وبداية التعليم فرد اساسي من 10/18 الى 11/15 .

6- اجازة ماقبل مهمة الحج لمدة 5 ايام وتشتمل على:
تضبيط الاوضاع الماديه والنفسيه
وداع الاهل والاصدقاء
وتعديل المهنه.

7- مهمة الحج من 11/20 الى 12/13

وتشتمل على:
نوم العسكر في اماكن ترابيه أو مخيمات غير مكيفه
زحمة الحجاج والاكل الغير صحي.

وبعد انتهاء المهمه بنجاح بواسطة جهودهم حصلوا على مايلي:
1- تقديم يوم التخرج بشهر
2- مكافئات الايام الماضيه وقدرها 9900 ريال
3- وسام الحج
4- اجازه لمدة 14 يوم.

8- التحضير وبداية تعليم السلاح من 1430/1/1 وتشمل على التعب القاسي.

9- نهاية تعليم الفرد الاساسي 1430/1/16 ويشمل على شيك وقدره
6018 ريال.

10- بداية تعليم التخصص في 1/20 ويشمل على:

الخوف من الحجز
التأخير في التخرج.

11- بداية الرمايه بالاسلحه في 2/12
ونااااااااااااااسه.

12- بداية البروفات للتخرج تقريبآ في 3/5 أو 3/10 1430هـ .


النهايه:

التخرج انشاء الله في 1430/4/23.22.21هـ

الدوره بشكل عام ولاأحلى اذا معك اخ أو صديق تنفعه وينفعك..



ملاحظه/ ضابط الصف (وكيل رقيب) لازم يكون مثل اخوك زي اللي عندنا تحياتي له
ضابط الصف (عريف) اخوته تنفعك بدال خدماته تحياتي له
ضابط الصف (عريف2) ماتستغني عنه تحياتي له
الفصيل والشله تحياتي لهم
المدربين بعضهم كويس يستاهلون تحيتين
والبعض اعوذ بالله
(كأنهم ضباط مايدرون ان رتبتهم نفس رتبتكم)

أما ضباط الصف الباقين كلهم شايفين نفسهم مايدرون ان الشباب محضرين قائمة
اسماء منهم بعد التخرج بياكلونهم صح.



(اتمنى ان يكون هذا الموضوع مرجعآ للدورات القادمه في استفساراتهم)

مـــــــــــنـــــــــقـــــــوال

للرفع

الله يوفقنا فيها جميع

معليش تأخرت عليكم شوي بس خلاص مايحتاج انزله اخوي (وشلون ماغليك) كفى ووفا الله يعطيه العافيه

الله يعافيك