لا لاتعتقدون اني اتكلم على غير حقيقه لا والله سوف اجيب لكم الامثله وابرر كلمي بشواهد
واذكر لكم اكثر من تاجر على هذا الحال

الان صار الفقير او العاطل او الشاب الذي يريد سياره وزوجه وبيت وقوت يومه وربما يريد عيشة والديه واخوانه الضغار
او الايتام ياخذ نصف راتبه والنصف الاخر اين
اين هو والله انه عند رجل رصيده لايقل عن 100مليون وموضف عنده مايقل عن الف اجنبي انظرو ياعالم
انظرو والمصيبه انها بسببنا نحنو هذا من انفسنا فنحنو الي سمحنا له هذا كله

اقول لكم القصه كامله وحادثه معي انا لامع غيري
انا اول سنه تخرجت فيها قبل 3 سنوات اكنت اعرف معارف لي يعملون بشركة خلدا يمكن تعرفونها
وهذي طريقتها كيف
تاجر وموظف كم اجنبي ومسوي عقد مع التجار واصحاب الشركات ومدراء البنوك بان لا توظفون احد
انا اجيب لكم الموظفين وانتم عطوني رواتبهم بس وانا الي اجيبهم لكم

المهم اني رحت لشركة خلدا وقالو لي خلاص توظف في بنك الرياض في الادارة العامه
براتب 2000 ورفضة وازعجوني لين قالو يالله بنعطيك 3500 وترا اعلى موظف عندنا راتب
انت وداومت ببنك الرياض والراتب من شركة خلدا لا واخذ الراتب شيك بعد مو ينزل بالصراف
المهم اني سألت الموظفين ببنك الي نفس مستواي ونفس المسمى الوظيفي
طبعا قالولي احنا جاين بواسطه عايدي ماهمتني ولكن قالو الي الطامه الكبرى بان راتبهم 8900 ريال
اول ما تعينو وعندهم اجازه شهر وبطاقات تأمين صحيه وإتاحة القروض لهم
وتعديل الراتب كل سنه بمبلغ وقدره علما ان فيه ناس معي في شركة خلدا لهم اكثر من سنتين والراتب ثابت

المهم اني يوم شفت الوضع كذا وانا اقسم بالله احوالي الماديه زفت
لا والله اني مستاجر لأخواني الصغار بيت 26 الف سنوي رحت لشركة خلدا وقلت ابي المدير
قالو لي وش تبي به الراتب ماجا ليا هلحين قلت له بعد الراتب مايصرف لين اقابل المدير ياخي انا بيه بموضوع مهم
المهم دخلت عنده وقلت له من القهر
هلحين انتم ماتخفون الله انتم حراميه قال وش فيك انت
قلت ليه راتبي الي من البنك فوق 8000 ولا تعطوني إلا 3500 قال انت ماتستحي تقول كذا اطلع برا قلت انا اتكلم عن حقى واستحي
ولا انتم والله الي ماتستحون ولا تخافون الله المهم فصلت واخذت حق السبوعين الي اشتغلتها
والان اشتغل بشركة واضاعي يعني ماعليها
ولكن سمعت بتقديم في شركة الريادة ورحت لهم
واذا بطريقتهم نفس طريقة شركة خلدا
المهم سويت مقابله مع نفس صاحب الشركة وقلت له هالين ليه الرتب من عندكم انتم
انتم وش دخلكم بالبنك قال انت تبي وظيفه ورزق ولا تطلع براء قلت لارزق انت تاكل نصه وتخاشرني فيه لا والله مابيه
مير الله ينتقم منكم وحسبي الله عليكم وطلعت
رحت يم الشباب الي بسوون مقابلات في الصاله وقلت لهم ياشباب والله يضحكون عليم تراء راتبكم بالبنك اكثر من دبل ارتبكم
مير انتم الي دلعتوهم لا حد يتوضف عندهم لا تدلعونهم بعد كم سنه بتضير كل الوظايف كذا
المهم الي سكت والي قال انت عندك خير وتحسب انا مثلك وانا اقول بنفسي والله مافيكم الي احواله اردى مني ولكن اني ماارضى احد يضحك علي لو اموت جوع
وغيره فيه على هذا النظام شركات كثيره وانتم تعرفونها احسن مني واذا تبون اسميها اجيبها لكم ولكن شي مثل هالضحكه الا حد يتوظف فيها ياناس فكونا منكم لا تدلعون التجار علينا
بكره وظايف اخونا وعيالنا بتصير كلها كذا

والمعذره على الايطاله والاخطاء وعدم التنسيق لاني كتبتها وانا زعلان والاعصاب متوتره

وتقبلو تحياتي اخوكم
واصل عزيز