السلام عليكم ورحمة الله وبركاته

اسعد الله اوقاتكم بكل خير

عاد اقولكم مادري من وين ابداء

لكن الموضوع وبكل بساطة

انا انسان موظف ولله الحمد والفضل
وعملي يبداء من الساعه 7 ونص ولا ارجع البيت الا الساعه ثلاث العصر
ومثلكم عارفين معظم نشاطك يروح في العمل ترجع دايخ ما تشوف الدرب

فكرت اخذ لي قرض من البنك وابي اشغله
البنك طال عمره ما قصر يقول نعطيك حدود الميه وعشرين الف
قلت اشتري فيها شاحنه من نوع تريله
لكن بعد الأسئله اتضح لي انها تحتاج الا عقود عمل وانا علاقاتي مع ذا الناس مافيه ابد
وحصلت سواقين يستاجرونها بس خفت منهم يرجعونها لي رايحه فيها ويصير مكاسبي تصليح فيها


شرايكم يا شباب الي عنده تقريباً 120 الف وش يشغلها مع العلم أنه غامر اكثر من مره في شغلات كثيره لكن العوض عند الله سبحانه


ابي مشورتكم وارائكم وان شاء الله يستفيد منها الكل
واسئل الله أن يكتب لكم الاجر والثواب



اخوكم

ماتبي تشارك في رياض اطفال
وتاخذلك نسبه سنويه من الارباح
مشروع مربح مليون بالميه الطفل اليوم يدخل بمبالغ خياليه من خمسه الاف الى 45 الف
واذا تبي تتاكد ابشر بعزك
وكلها سنه ولا ثنتين وراح يكون الزامي التعليم في رياض الاطفال يعني تخيل كم راح تدخل
اتمنى الرد

حبيبي
عندي لك مشاريع بشرط لاتكون موجوده هذه خدمه في المناطق
لكن دور مناطق فيها حركه بس مافيها هذه الخدمات
1_مغسلت ملابس
2_مغسلت سيارات
3_محل خردوات في سوق شعبي
واذا كنت في جده
ايجار كشكات يلي في البحر
ب500الشهر من البلديه تستأجرها
لاتخاطر بالمبلغ الكبير ثم تخصر
إبدأ بالقليل

الله يوفقك اخوي ويرزقك من حيث لا تدري ولا تحتسب

الاخت همس الحياه مشروعها رائع

وايضا خذ هالرابط يمكن ينفعك

https://www.btalah.com/t165325.html

وموفق اخوي والله يختار لك الصالح

همس الحياه
اشكر لك اهتمامك وحضورك

أتمنى ارسال التفاصيل على الخاص
وسيتم دراسة المشروع وان شاء الله يكتب لنا ولكم الخير

اخوك

الله يزيدك وموفق خير

عادله

اشكرك لحضورك واهتمامك

والله الدين محد يبيه لكن اذا راتبك ما تقدر توفر منه لامانع انك تاخذ قرض بشرط انك تكون مخطط
كيف تستثمره بحيث انه يسدد لك القسط وتطلع بناتج


الحوش ما فهمت قصدك ياليت توضحين


اخوك