السلام عليكم ورحمه الله وبركاته

عذرا منكم اخوتي فقد اكون اخطأت مكان الطرح ولكن اعترف انه جهل مني لاني لا اعلم اي قسم يحتوى موضوعي ولكن بادر بذهني هنا لاني من سكان الرياض يعني المنطقة الوسطى

ليس لدي وظيفه لا اخبركم عنها فاعذروني ولكن لدي قهر يجتاحني ولديكم قد اجد الجواب عن الاسئلة التي تقلقني

وليس هو امري بل امر الكثيرات هنا
حالي مثل غيري درست وتخرجت وتحملت السنوات واخذنا دورات حاسب وانجليزي وايضا دورات بمجال التعليم وخبرات اذا رصيدي يعتبر جيد لعملية التعليم

المشكله هنا سالفة البدل الاستثنائي بمعنى ان العمل بدل معلمه بالمدارس الحكومية

يعني والله قهر انو يكون الوضع هنا بالواسطه طيب انا ما املك واسطه ماعندي هالفيتامين وش اسوي

والله قدمت على مركز الحي عندنا وقالوا لا الكل والامر بيد الديوان لانو مافيها واسطه وهالحكي

بعد ماخرجت اذا باحداهم تلحق بي والله لعظيم وهذا كلامها قالت روحي لعند شخص برئاسة التعليم اذا عندك واسطه ويجيب لك ورقه من مكتب شخص اسمه ؟ وبعدها تعبيها ببياناتك

وتذهبين بها الي وحدها اسمها ؟؟؟ برئاسة التعليم وبعدها امرك تمشي بها الطريقه

طيب انا ما اعرف احد بالرئاسة وش الحل

وحده من البنات توها ساكنه بالرياض وجابت واسطه خلال الاسبوع الي فات وقسم بالله ناودها بمدرسه تبعد عن بيتها 5 دقائق وداومت يومين بعدين بنتها تعبت وقالت خلاص بتركهم عشان بنتي تعبانه الان ولاحقه السنه الجاية انزل اسمي مو قهر والله

انا بس ابي اعرف كيف اقدر انزل اسمي زيهم

اذا كانت شهاداتي ليست شفيعه لي ما الحل ؟؟

ملينا بطاله والله لو اقدر اوصل كلامي هذا لشخص كبير ماقصرت ولو عندي طريقه للوصول لهم كمان ماقصرت لانو شايفه الظلم نجلس ندرس وبالاخير التعب يكون لشخطه قلم ماركه لها رفعه بالخط هي من ترفع اناس وتدوس على اناس


لا تقول لي مدارس اهليه هي الحل عطائها المادي قليل وغير كذا كرف كانو نحن الات عندهم يعني ابي بالاخير وظيفتي ماتكون بشفاه طالبه لا تحبني ولا معلمه تغار مني ولا مديرة لم تستطلفني

لانو هذا طابع المدارس الاهليه

ماحل البطاله التي نعاني منها بمجتمعنا ؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟