[align=center]
بســــم الله الرحمن الرحيم



الحمد لله .. والصلاة والسلام على اشرف الانبياء والمرسلين ... اما بعد

كيفكم ياشباب ... عساكم طيبين ...

يسعدني ويشرفني ان نتكلم ونناقش عن بعض نقاط الابتعاث والتي تخصني وتخص كل من هو مقبل على ابتعاث من ناحية علمية وشرعية ونفسية ..
ومن هذه النقاط ..

1\ هل انت مستعد ان تغير حياتك ...
الاجتماعية...
( بكرة وانت هناك لاتقول باروح عند ابو فلان والى بانقز لفلان والى اووووو من زمان ماطلعت البحر .. انت هناك .. شف بتخالط جميع الطبقات .. وبعدين هناك ترا بيجيك شد عضلي باول اسبوعين .. يعني هناك لازم تمسك نفسك بالذات الي اول مره طلع من ديرته يشوف اشياء ومغريات ... شباب انصحكم والله نصيحه الي مابيمسك نفسه لايروح .. نصيحه من محب لكم.. يعني مو بكره تطلع وبعد اسبوعين والى انت وخويك في سجن انفرادي بقضية تحرش .. على فكرة الغرب اجتماعي وانفتاحي يعني على طول تسلك معهم وهذا اخطر شي انك تشوف الفله وتنبسط وتنسى دروسك ... اركد وانتبه لنفسك وادرس مثل الناس وارجع لاهلك وارفع راسك انت سعودي .. )

النقطة الثانية : الاقتصادية
( شباب انتم كبار اعتقد وتعرفون وش معنى اقتصاد مو بكره تجيك المكافاه وتفرح وتقول لخويك مشينا نروح سوق mon niss نشري جوال جديد هذاك الساعه كان ودي اجيك واصكك كف لف راسك اربع لفات واخر لفه ويل السعودية . خل معاك قرشين حطهم في مكان لوقت الضروووووووورة القصوى .. وبرضة وزع مصروفك بشكل متناسق .. يعني خل مثلا لك وقت بالشهر مبلغ معين تروحون فيه انت واخوياك تفلونها تغيرون جو الدراسة .. يعني.. مستلزمات .. ملابس .. تحتاج ترتب وضعك وتنضمة ويكون من ابدع مايكون عشان يا اخي العزيز لمن تبدا الدراسة تكون متعود ومتطبع على اشيا مثل هذي وبالذات الي ما عمره تعزب من الحين يحاول يرتب وضعه .. )

النقطة الثالثة : الدين والعلم
( الله يحفضكم لا تجيني بعد ثلاث سنوات وانت مسوي لك وشم على ذراعك اليمين وحاط لك سلسال ومسوي اجبني .. شباب في نقطه والله مهمه كثير الحين هناك ماتلاحضون ناس يصلون خصوصا امريكا .. احذر احذر احذر ان تتهاون في صلاتك ولو مره واحده نشا الله تجي الصلاه وانت في محاضره اطلع وصل برا وتعال على فكره هم عندهم مبداء الي مايحترم دينه ماحد يحترمه هم اذا شافوك مهتم بدينك احترموك .. في نقطه ثانيه .. لاتجي تسوي مطوع بريده على قولتهم وتقول فرصه انصحهم لدخول الاسلام بكره يمسكونك ويحطونك بجريدة تايمز بالخط العريض مبتعث سعودي حاول تفجير .. الخ .. خلك عاقل وصل واعبد ربك وماعليك في احد )


ياشباب .. حاب اوصل لكم معلومة مهمه جدا .. انت يمكن صح فرحان بالبكالريوس وانك بترجع مدرب .. بس دراست البكالريوس صعبه .. ويمكن .. الي يعدي سنه وماعنده لغة يفنشونك .. هذا شي والشي الي مخوفني ومتردد منه كل موضوع الشهاده .. انا سمعت ان بعد ماترجع التعليم العالي ما عترفون بالشهاده .. هل هذا الكلام صحيح .. وهذا ما اعتقده والله اعلم الي عنده مصادر في التعليم العالي يسالهم بشان هذا الخصوص ..

كثير منكم يسال عن بلد الدراسه ومتردد .. ا اقول ياشباب انتم بانفسكم شوفو البلد وجوها وطريقت معيشتها ومدى تقبلهم للدارسين فيها ومن هالقبيل ..

ودي اسئلكم .. احد يعرف .. اسئلة اختبار القبول وطريقة معادلتها في سنة اللغة ..



هذا مالدي والله يبارك فيكم ,,,, واعذروني على الاطاله
[/align]

مشكور اخوي طيب انا جندي اقدر ابتعث

والله كان ودى ابتعث

وادرس في الويات المتحده او كندا

ولكن ضروف المعدل

وضروفي الماليه و كان رحت من زمان

ياشباب .. عفوا نسيت اقول لكم .. هذي البعثات خاصة .. بطلاب الدبلوم المتخرجين من الكليات التقنية وكليتي الجبيل وينبع الصناعية ... بالسنبه ل عاشق اريام .. للاسف اخوي .. ما اضن ذالك بالنسبه للاخ . . usa خيرها في غيرها ... الله يرزق ويرزق جميع المسلمين

الله يعطيك العافيه وان شاء الله الجميع يستفيدوا من موضوعك ياغالي

وفالك التوفيق ان شاء الله

اخت رويمة ... نعم ترجعين مدربة بنفس مدة الدراسة برا .. وهم اكيد محتاجين ناس مدربين .. ليش اصلا هم حاطينه شرط اساسي ... بالنسبة لبعد المدة عاد الضاهر بتبقين .. ما فيه شي اسمه يطردونك الى اذا كان مستواك نازل شوي .. وسال الله التوفيق للجميع

بالتووووفيق للجميع
ابتعاث ميسر ان شالله

gيعطيك العافيهg

يعطيك العافيه
بالتوفيق جميعا