السلام عليكم ورحمة الله وبركاته
يا اخوان انا ابي مشورتكم
قدمت على امن المنشات بالجامعة تخصص لغة عربية تقدير جيد وبرتبة وكيل رقيب
وعاطل 3 سنوات مع العلم انه عندي دبلوم تربوي وحاسب 6 شهور
واخر مرة رحت لديوان الخدمة في تبوك وطلع رقمي تقريبا2530
ولكن والله العظيم اني محتار حيرة لايعلم بها الى الله
وودي بالوظائف التعليمية ولكنها صعبة المنال
والحين قدمت على امن المنشات وخلصت الكشف الطبي
واستشرت اكثر من واحد وبعضه اللي يقول روح حلوه وماني عارف واللي يقول انصحك لاتروح
والحيرة ذابحتني يالربع
خصوصا لو يجي تعيين ومايقبلوني لأني عسكري والله راح اموت قهر
واعرف هذا الشي مو بس انا اللي اعاني منه
فيه كثير من الأخوان مثلي خصوصا الجامعيين من هذا التخصص المنكوب
وحبيب اشكي لكم همي بعد الله واسمع ارائكم ونصائحك اللي والله راح تكون تاج على راسي يالغالين

يابعد قلبي الله يختار لك الخيره المباركة ..
هذا أولا ً وقبل كل شي ..

شف يالحبيب ياللبيب ..
أنا مثلك متخرج السنة هذي لغة عربية
من جامعة القصيم وتقديري جيد لكن مثل ماتعرف
التعيين يالله تنتظر أقل شي 5 سنوات خاصة ً بعد التعقيدات
اللي سووها مثل القياس وووووالمقابلة الشخصية كل سنتين ..

قلت أقدم على أمن المنشآت أحسن لي إن شاء الله ..
أما انت ياطويل العمر بصراحه موقفك صعب شوي وخاصة
انك متخرج من 3 سنوات ,, لكن قسم بالله إن اخوي مثلك بالضبط
متخرج نفس القسم له الآن 3 سنوات بالتمام والكمال وإلى الآن يترنح
في شركة ورايحن فيها .. سألت عن رقمه قبل شهر قالي موظف الخدمة
المدنية إن اخوك يبي له أقل شي سنه ونصف إلى سنتين .. علما ً إن معدله
جيد مرتفع ومتخرج في عام 1428 من نفس الجامعة ومن نفس القســــــــــم ..

أزعجتك بكلامي أدري ..
لكن إن شاء الله يفيدك بشي ..

تحياتي لك ..

اشكرك على المرور
والله ماقهرني الامثل ماتفضلت الثلاث سنين اقدمية
لا وبعد دبلوم تربوي
مع اني انقبلت فيها عام 28 اول ماتخرجت لكن الله كريم

انا متخرج ليه خمس سنوات لغه عربيه وتقدير جيدجدا والى الان ماتعينت
وقدمت في امن المنشات
خلها على ربك

قدمت على امن المنشات بالجامعة تخصص لغة عربية تقدير جيد وبرتبة وكيل رقيب

/

يقولك المثل لاصرت جمـّأل واااعـــد عشرررره . . وعصفور بالايـد ولا 10 فوق الشجـرر ..

رتبة وكيل رقيب شي حلووو . . وتوكل على الله واستخير وشوف إذا الله كاتب لك العسكريه بتدخل

وإذا الله مو كاتبها لك راح تنتظر قبولك بالتعليييم . .

الاول والاخير صلاة الاستخاااارهـ وبسس ..

وشوف شنو قلت
وودي بالوظائف التعليمية ولكنها صعبة المنال

إذا جاتك امن المنشأت لاتفووتهاااا

وبالتوفيييق لك يارررررب

أخوي مو كافي أنو أنا مثلك متخرج بمرتبة شرف
ولا يابعدي بعد متزوج وعند ولد تمام ومقدم على ذا الوظيفة أنا بحد ذاتي ما أعرف هي وشني
غير أن الحال فوق ما تتصور بس الحمد لله أولا وأخيرا
ولك مني ولجميع الاخوان خالص الدعاء بالتوفيق ورزقك حتى تشوفو
يعني قر عين وبال

عليك بصلاة الاستخاره

والله يوفقك

ياالبكيري كلنا جامعيين ونبغى احلى الوظائف بس ما باليد حيلة ‘ وعلى فكرة في العسكرية تقديم بالجامعة مافيه إلا في الامنية وانت عارف ان الامنية صعبة المنال ،وامن المنشات ياخذون الجامعيين عشانه قطاع جديد وراح يكتفون ويخلون التقديم للثانوي . وترى كلنا معنا دبلوم ولنا سنين متخرجين بس ماحد جاء وقال ابوظفكم والان اعمارنا قربت تصك الثلاثين ولاعمرنا صرفنا زي العالم من الصرفات
اتمنى اني اكون افدتك وسامحني اذا ما اعجبك رائي

اول شي ياحبيبي استخير الله

وانا بعد مثلك متخرج لي سنتين

وقدمت وعديت الكشف الطبي
لكن مثل منت عارف الوظائف التعليميه صارت تتعقد
واتوقع انهم بيخلونه مثل العسكريه كشف طبي وطول ووزن


انا اقول اذا جاتك امن المنشأت حلوه
وقطاع جديد الترقيات فيه تمشي
وثاني شي مختلف عن القطاعات الثانية
والراتب حق امن المنشات جميل جداً


وياحبيبي خل امن المنشات وسيله وليست غايه
اقصد اذا انقبلت كون نفسك وطقطق بالتجارة وتزوج وحاول تكمل دراسات عليا

والله يوفقنا