حيات العاطلين يالله كل واحد يخش

عالمي محترف · #1 (**permalink**) 19-03-2010, 08:21 AM

صباح الخير ياحلوووين

شباب ابي كل واحد يعلمنا كيف نظامه في اليومي يعني متى يقوم من النوم وش ياكل وين يروح

وين يجي وش سيارته يعني حياتك اليوميه يالله عفي عليكم كل واحد يروي حياته اليوميه

انا اول واحد
طبعا الاكل اول شي الفطور مقلقل لحم بالجبن
الغداء كبسه
العشاء كمبو سوبر هرفي

شوف ارقد بعد صلاة الفجر اصحى العصر اطلع على موتري كورلا 2004 اشطف من البقاله

واحد حمضايات وعلك نوفا احمر واهجول الين المغرب ارجع للبيت اتقهوى مع العايله

وبعد صلاة العشاء اقضي من السوق للبيت وبعدهاااا اروح للاستراحه اطقطق على الاورق

واذا خلصت امسك خط مع النت الين الفجر هذي الايام الاسبوع

اما يوم الاربعاء نفس اشي بس اطلع مع اخوياي اذا فيه مباريات النصر نرووح لمقهى شيشه احلى معسل احلى راس عنب توت بعدها وهجوله على الرياض الين الساعه

12 وبعدها نرووح خبيتي في الاستراحه وبعدها ارجع للبيت وانوووم ويوم الخميس اطلع الاهل

امشيهم في المنتزهات واعشيهم في المطعم ويوم الجمعه نوووووم بعد صلاة الجمعه الى اليوم الثاني هذي حياتي اليومي

يعني الفراااااااغ كله على النت

سلطان البدعاوي · #2 (**permalink**) 19-03-2010, 08:24 AM

الله يعطيك العافيية

نـــــــوم .. نــــــــــت .. سفـــــــــر ... نــــــــــــــوم ...نــــــــــــت..ســــــــــــفر
ويــآليل مطولك ..

واحد اثنين · #3 (**permalink**) 19-03-2010, 08:27 AM

الله يكون في عونكـم

الهآيم · #4 (**permalink**) 19-03-2010, 08:38 AM

نفس الروتين بس انت مخربها شوي هههههههه

ليه الخيانه · #5 (**permalink**) 19-03-2010, 08:46 AM

نفس النظام دشره وقلت حيا حسبي الله ونعم الوكيل على منهو السبب

يالله الفرج يارب · #6 (**permalink**) 19-03-2010, 08:52 AM

ياطويل العمر ..!
جدوولي اليومي .!
اووووول شيئ
احيااانآ انام بالليل واقوم بالنهار واحيانآ العكس.!
كان نومي بالنهاار فيكون على النحو التالي
انام الصبح الساعه8 او 9
واقوم مع آذان صلآة العشى .!
اقول اتوظى واصلي واذهب الى صالة البيت
بعدين آكل لقمتي
واطلع للحوش واشغل سيارتي وهي من نوع هونداي اكسنت موديل 2010اللون ابيض
بعدين اطلع لـ استراحة الشباب نعمممر بالاستراحه ونستانس وهـذـآ دق وطرب وفلها يارجاال
بعدين على الساعه 10 او 11
اطلع للبيت اشوف اذا اهلي محتاجين شي او لا
وبعدهـآ اروح آخذ لي كم فره بـ ربوع بلآدي هع
وارجع للاستراحه واشبك على النت
حتى الساعه8او9ص
هذا جدولي بالليل
اما جدولي بالنهار ..!!
مثل اليوم إن شاءالله مافيه نووم الا بعد صلآة الجمعه
بـ جامع الونيان ببريده .
ياطويل العمر
اقوم مع آذان الفجر اصلي وافطر
واقعد على النت الى بعد الغدـآ
لان الصبح مافيه احد فاضي من الشباب الي عنده جامعه والا بدوامه ..!!
وذا تغديت اطلع للاستراحه واتكي هناك الى بعد العشى واتعشى بدري بعد اصير داايخ ادوور الفراش
<~ ومعليش على الاطاله

جعلها ماتبنشر · #7 (**permalink**) 19-03-2010, 09:00 AM

نــــوم + اكـــــل + نـــت + لعب كــــــوره + اطلع مع الشله الورعنجيه + سوني1 تفحيط سيارات (درايفر) قديم

االغلا · #8 (**permalink**) 19-03-2010, 09:05 AM

نظااااااامي ..

سهر إلى الساعه 3 العصر .. ونووم إلى 1 بليل ... هههههه

ومرات انام الساعه 10 بليل واصحى 7 الصبح يعني مافي وقت محدد ..

وطلعه للمجمعات او الاستراحه .. او تمشيه بهالشواااااارع .. بس اغلب الوقت على النت

سيارتي التيمااا2006

بس ابشركم انقبلت بالقوات الخاصه موعدي الاثنين دعوااااتكم لي بالتوفيق

ابي اغيررر الوضــع

ومشكوووووور على موضوووعك ياعاااالمــي ... ~

طآحس آلزهرآني · #9 (**permalink**) 19-03-2010, 09:14 AM

اما انا خخ

يانوم بالليل وسهر الصبح او العكس

اقوم المغرب على طول اتروش وانزل للموتر كامري 2010 لؤلؤي ادق سلف وعلى وقت ماهو يحمى اكلم الشباب
واشوف مكتملين طبعا التجمع بشارع طويل معروف للشباب حق هجوله وتفحيط ووناسه
نروح نتجمع كلنا نطلع نتعشى ثم نعود يانتكي بقهوه او نجلس بمخطط لين 9 بالليل او 10 نصهم يمشون
ويبقون 3 ينقزون بموتري ونبدأ فر بالحواري وهالشارع ولا نشوف لنا حواري ونستلمها خشات وجلنطات
هع
لين 11 او 12 نطلع الهافمون بموتر الخوي الثاني شاص واحد يكون الضحيه يروح بيته ويبقى 3
نروح راس الطعس ليين الفجريه

ثم كل واحد يرجع بيته الفجر تكيه على النت ليين العصر طبعا العصريه نتقاابل نطلع غدا وفراره بالشوارع وهجوله
لين المغرب عشا ونووم

اما الربوع كل واحد فاضي اخذ 3 معي وطبعا اسبوعياا الرياض شي اساسي نروح نسير على اخويانا ونقعد بالشقه معهم لين الجمعه واخر الليل نرجع الشرقيه ونووم وعلى هالموال دشره وسيبه خخ