مقلب حلووووووو لخريجات الحاسب الألي في التعليم الفني

lolo · #1 (**permalink**) 08-07-2007, 01:23 AM

ان كان الكلام الي بالمنتدى صحيح فهو بجد مقلب وأكلنها
يقولون انه الاسماء المرشحه للمقابلة الشخصية هي مرتبة على حسب الاولوية
وانا لما شفت المؤهلات لقيت ان الي معهم دبلوم حاسب بعد بكالوريوس ترتيبهم قبل البكالوريوس النظري الغير تربوي
مع العلم انه الوظيفة مسجلة طلبة ومسجلة معلومات هي مطلوبة مؤهل دبلوم او بكالوريوس حاسب
طيب مو خريجات الحاسب اولى

اااااااااااااااااااه بس
اذا كانت معلومتي خطأ فهموني

M.M · #2 (**permalink**) 08-07-2007, 01:36 AM

الا معلوماتك صحيحة ويا أختي لا تعشمين خير هم طالبين وظيفتيين بس

ترى الوظايف بالواسطة

lolo · #3 (**permalink**) 08-07-2007, 01:41 AM

انا مو معشمة انا مصدومة والا غاسلة يدي بموية وصابون
لكن بالله شي مو يقهر اكرف 4 سنين وحده تجي دبلوم تكون لها اولوية
وانا مو حاقدة على حقين الدبلوم الله يوفقهم وييسر امرهم
لكن مستغربة لما يجيك شخص مؤهلة اعلى من الوظيفة المطروحه مو يكون له اولوية؟؟؟؟

الذهبية · #4 (**permalink**) 08-07-2007, 03:22 AM

اقتباس:

المشاركة الأصلية كتبت بواسطة lolo

انا مو معشمة انا مصدومة والا غاسلة يدي بموية وصابون
لكن بالله شي مو يقهر اكرف 4 سنين وحده تجي دبلوم تكون لها اولوية
وانا مو حاقدة على حقين الدبلوم الله يوفقهم وييسر امرهم
لكن مستغربة لما يجيك شخص مؤهلة اعلى من الوظيفة المطروحه مو يكون له اولوية؟؟؟؟

حبيبتي لولو .. اصلا وظيفة مسجلة المعلومات .. المفروض للدبلوم ..
و أنتم يا البكالوريس لكم الوظائف التدريبية ...
ليش يحشرونكم معنا ما أدري ...
هذا من غبائهم ... والشغل الارتجالي اللي هم مسوينه ..
يعني في نظرك أن حنا يا الدبلوم ما كرفنا ..

يعني ما خذين الشهاده بارده مبرده ..

يعلم ربي .. أني كرفت في الدبلوم .. كرف .. لو ماخذه بكالوريس
يمكن أرحم ..

لولو .. الارزاق بيد الله سبحانه .. ولا تحقري كبيرة أو صغيرة
ترى كلنا تعبنا .. ونبي وظائف زيكم ..

وبالنسبة لوظائف التدريب المهني .. هي لأهل الواسطات فقط
إذا كان معاك تخصص واسطة بتتوظفين لو معاك الابتدائية ..
وشكرا على الموضوع
الله يوفقكم وييسر امركم

M.M · #5 (**permalink**) 08-07-2007, 01:44 AM

اجل احمدي ربك أنا كرفت 5 سنين لان دراستنا 5 سنين في الجامعة

ولحد الحين ابلط البحر

المستشاره · #6 (**permalink**) 08-07-2007, 01:47 AM

ياشيخة الشغلة كلها واو...... وخلي املك بالله كبير...

وميض أمل · #7 (**permalink**) 08-07-2007, 02:16 AM

يا lolo
يا قلبي الوظيفه ما حصلت للدبلوم ؟؟؟
انا كنت موجوده وأحد المرشحات لأني دبلوم بعد بكالوريوس ؟؟
الدعوى كلها واااااااااااااااسطه
كل الي معاهم دبلوم قالوا الله يحفظكم البكالوريوس الحاسب أولى ؟؟؟
عاد ما ادري يوم نادوا البكالوريوس وش لعبوا عليهم وقالوا
ما اقول الا حسبي الله ونعم الوكيل ؟

TAM · #8 (**permalink**) 08-07-2007, 02:17 AM

... محد ياخذ غير رزقه ...

... بس لا تطالعون للي في يد غيركم ...

... وإحمدوا ربكم على عطاياه ...

<<<< ما ذبحكوا غير الحسد ... وكثر النق ...

lolo · #9 (**permalink**) 08-07-2007, 03:10 AM

اقتباس:

<<<< ما ذبحكوا غير الحسد ... وكثر النق ...

شوفي اختي الشغلة مو حسد ولانق
وانا والله العظيم اني هالوظيفة قدمت عليها وانا مو متحمسة لها بس زي مايقولون مع الخير ياشقرا وحتى المقابلة لو يطلعون اسمي ماراح احضر لظروف سفري
بس فيه بنات خريجات بكالوريوس مأملين عليها كثير
وغير كذا ان جيتي للحق وشفتيها من هالمنظار راح تحسين انه بجد ظلم
من اولى انتوا كاتبين الي معها مؤهل اعلى من المطلوب تكون لها اولوية
والحين مرشحين الدبلوم قبل البكالوريوس بس لانهم دبلوم بعد البكالوريوس؟؟؟؟
كلمة حق وقلتها
والله يوفق الجميع ويرزقهم يااااااااااااارب
دبلوم بالكوريوس ماجستير