ابي مشروع

روووح نووف · #1 (**permalink**) 19-03-2010, 10:25 PM

السلام عليكم ورحمة الله وبركاته :
ابيكم تقولوا لي على مشروع حلو وناجح هاذي وحدة من صديقاتي عندها 100 الف وتبي مشروع حلو . والله يوفقكم

همس الحياه · #2 (**permalink**) 19-03-2010, 10:42 PM

ايش رايك بمشروع رياض الاطفال
او مشغل نسائي

روووح نووف · #3 (**permalink**) 19-03-2010, 11:07 PM

رياض اطفال صعبة يبيلها معلمات ومكلفة ومشغل نسائي حلو بس احس ان المشاغل انتشرت بكل مكان ابي مشروع جديد ومربح . وشكرا لردك

سالم السعد · #4 (**permalink**) 19-03-2010, 11:22 PM

اعتقد مشروع التقسيط وخاصة للمعلمات مربح
كل مشروع وله عيوب ومن عيوب هالمشروع لوطحتي بمعلمه ماتسدد
لكن احرصي على اختيار اصحاب الذمم
يعني تخيلي تقسطين الان سيارتين من 50 الف الوحده،والربح في الواحده 15000 - 18000 بالرياض
يعني الربح 36000 في الثنتين
وتجمعين الاقساط وتطلعين ددسن وهكذا،، راح تجدين انك بعد 5 سنين تدبل راس مالك مرات ومرات.

عندنا واحد بالدوام ياخذ على الددسن ام 50 الف فايدة 25 الف وماشي سوقه
وبالقصيم ياخذون 13000 وايضا ماشي سوقهم

بالتوفيق اختي

ابن الهيلا · #5 (**permalink**) 19-03-2010, 11:46 PM

مشروع الأكسسوارات من المشاريع الناجحة والمتجددة

الفكرة تشوف مجموعة من البنات المبدعات في صنع الأكسسوارات وتدعمهم مثلاً لكل بنت من 500 إلى 1000ريال قيمة تجهيز وتصنيع الأكسسوارات

بعد مايجهزن البنات الأكسسوارات تتفق مع محلات الأكسسوارات في بيعها لهم

هنا ضربت عصفورين بحجر وظفة عندها بنات لصنع الأكسسوارت وهي مندوبة تسويقية لمنتجاتهم
اما تأخذ عمولة مقابل بيعها أو هي تشتري الأكسسوارات منهم وتتكسب فيها

روووح نووف · #6 (**permalink**) 19-03-2010, 11:52 PM

الله يوفقكم مشاريع حلوه وخصوصا مشروع اخي سالم . وشكرا لردكم

عذب الكلام2006 · #7 (**permalink**) 19-03-2010, 11:52 PM

موفقه خير ما عندي اضافه في الوقت الحالي غير هالدعوه الطيبه

الحربي للبطاقات · #8 (**permalink**) 20-03-2010, 12:02 AM

هلا اخت نوف لو تبي اي شي من محلات الجملة بجدة تاخذيها رخيص وتبيعيها بمكسب وافضل لها توزع المبلغ على مشروعين ثلاث حرصا على الاستفادة من راس المال
هذا رابط موقع الجملة نت تلقي فيه بيانات وارقام وصور من منتجاتهم تو الموقع جديد لكن في محلات مشاركة حتى الان 44 محل
عفواً
الروابط الخارجية مخالفة

هاتريك · #9 (**permalink**) 20-03-2010, 12:11 AM

للأسف افكاركم كلها مثل بعض ومستحيلة

مندوبة مبيعات ! يعني تدخل محل وتقولهم نبيع ملابس , الناس تبي تبيع وهذي تبي المحل يشتري

المحل والعمالة اليمنية يعرفون من وين يجيبون الملابس ومو محتاجين سعودي يعلمهم

ثانيا فكرة اشتري شيء رخيص ووبيعه على الناس , فاشلة جدا يعني وش تشتري مثلا و كيف تبيع , توقف الناس في الطريق وتقولهم عندي تنورة بـ 10 ريال !!!!!

لا تقولي عن طريق النت , البيع عن طريق النت في السعودية فاشل جدا

والدليل انعدام الثقة واتجاه الاغلب للشراء من المواقع العالمية

المشروع المفيد هو مشروع الكوافيره في نظري او الطقاقة

تحملوا انتقادي لاني بروفسفور في الحياة متخرج من جامعة اكسفورد

شكرا للجميع

ابن الهيلا · #10 (**permalink**) 20-03-2010, 12:21 AM

اقتباس:

المشاركة الأصلية كتبت بواسطة هاتريك

للأسف افكاركم كلها مثل بعض ومستحيلة

مندوبة مبيعات ! يعني تدخل محل وتقولهم نبيع ملابس , الناس تبي تبيع وهذي تبي المحل يشتري

المحل والعمالة اليمنية يعرفون من وين يجيبون الملابس ومو محتاجين سعودي يعلمهم

ثانيا فكرة اشتري شيء رخيص ووبيعه على الناس , فاشلة جدا يعني وش تشتري مثلا و كيف تبيع , توقف الناس في الطريق وتقولهم عندي تنورة بـ 10 ريال !!!!!

لا تقولي عن طريق النت , البيع عن طريق النت في السعودية فاشل جدا

والدليل انعدام الثقة واتجاه الاغلب للشراء من المواقع العالمية

المشروع المفيد هو مشروع الكوافيره في نظري او الطقاقة

تحملوا انتقادي لاني بروفسفور في الحياة متخرج من جامعة اكسفورد

شكرا للجميع

يقول المثل إسئل مجرب ولاتسئل طبيب قصدي بروفسفور

أحد قريبات عملة هذه الأكسسوارات وكانت متعاملة مع محل واحد فقط ولاتستطيع تلحق طلباتة

لنها في اليوم بالعافية تطلع إثنين الى ثلاثة وهو تصريفة إكثر من هذا وكان ربحها ممتاز

تسجيل الدخول

ابي مشروع

قسم مشاريع وأفكار

السلام عليكم ورحمة الله وبركاته : ابيكم تقولوا لي على مشروع حلو وناجح هاذي وحدة من صديقاتي عندها 100 الف وتبي مشروع حلو . والله يوفقكم

ابي مشروع