وش يبي الكوفي شوب ........؟؟

نجر · #1 (**permalink**) 20-03-2010, 12:20 AM

[align=center]السلام عليكم ورحمة الله وبركاته

كيف حالكم إن شاء الله دائما بخير .......

افكر افتح محل كوفي شوب .... بس ابيه يكون مختلف شوي عن الوجود .... كيف مختلف ما ادري؟؟!!

ابي نفكر سوى وين ممكن يكون الاختلاف اللي راح يكون علامة ميزة للمحل تجذب الزباين.. ممكن يكون الاختلاف في :

الديكور ؟؟؟

الخدمات الموجودة من ويرلس وخلافة

المشروبات

ساعدوني في التفكير .... واذا فتحت المحل ... اول يوم لكم ببلاااااااااااااش ,,,,,,,,,,, بدينا olleyes[/align]:

ابن الهيلا · #2 (**permalink**) 20-03-2010, 12:24 AM

الله يوفقك ويحقق لك إمنية توقيعك وانا معك في الأمنية

روووح نووف · #3 (**permalink**) 20-03-2010, 12:38 AM

ههههههههه سارق مشروعي بالتوفيق اخوي انا نفس الشيء افكر بكوفي شوب بس بدون جلسات ابيه خدمة مثل شركة بارنيز يعني الزبون يأخذ طلبه من الشباك ويتكل على الله بس ابي مساعدتكم وافكاركم .

هاتريك · #4 (**permalink**) 20-03-2010, 12:46 AM

مشروع مثل بارنيز اجل , يله وريني شطارتك وطلع رخصة محل على الطريق ما جابتها شركات عالمية تبي تجيبها انت

كلها واسطه في واسطه

غير سعر الارض بيصلخونك البلدية صلخ

افضل لك افتح محل عادي يعني ما يكون حق سيارات

الحربي للبطاقات · #5 (**permalink**) 20-03-2010, 01:02 AM

اخ هاتريك لييش متشائم كذا ههههه بالعكس فكرة الكفي ممتازة وهو قال مايبي كشك يبي محل جلسات ووايرلس مشروع ناجح ان شاء الله وترخيصه سهل اكثر من الكشكات
اهم شي اخ نجر طريقة التقديم من اللي يشتغلو معاك وشكل الكوب يكون ابيض حتى الصحن وملاعق مميزة للتحريك وسكر فيه اسم المحل كماركة ولو تقدر تطبع على الكوب ماركتكم افضل بس سوي طباعة قوية ماتروح عشان ماتغير الاكواب كل شوي او خليها سااده والمناديل برضو خلي اسم المحل او الشعار مطبوع فيه وشكل الطاولة والكراسي وغيرها لاتسوي مثل المعتاد اتميز حبتين موووووفق يااارب

هاتريك · #6 (**permalink**) 20-03-2010, 03:25 AM

اقتباس:

المشاركة الأصلية كتبت بواسطة الحربي للبطاقات

اخ هاتريك لييش متشائم كذا ههههه بالعكس فكرة الكفي ممتازة وهو قال مايبي كشك يبي محل جلسات ووايرلس مشروع ناجح ان شاء الله وترخيصه سهل اكثر من الكشكات
اهم شي اخ نجر طريقة التقديم من اللي يشتغلو معاك وشكل الكوب يكون ابيض حتى الصحن وملاعق مميزة للتحريك وسكر فيه اسم المحل كماركة ولو تقدر تطبع على الكوب ماركتكم افضل بس سوي طباعة قوية ماتروح عشان ماتغير الاكواب كل شوي او خليها سااده والمناديل برضو خلي اسم المحل او الشعار مطبوع فيه وشكل الطاولة والكراسي وغيرها لاتسوي مثل المعتاد اتميز حبتين موووووفق يااارب

صح بس انت تقول زي بارنيز يعني حق سيارات , يعني مثل اللي يكون بالطريق وهذي صعبة

لانك راح تستأجر الارض من البلدية غالبا وعاد شوف التعقيد

انا كنت متفائل بس فشلت في مشاريع كثيرة واصبت بالاحباط بس راح اتفاءل اذا فاز برشلونة على ارسنال وارجع زي اول

كنت اظن · #7 (**permalink**) 20-03-2010, 03:38 AM

بالتوفيق اخوي نجر فكرة جدا رائعة
اسمح لي اضيف بالنسبه لديكور المحل لو تجمع بين اصالة الماضي القديم وعبقه
وبين حضارة الحاضر والتطور بالنسبة للإضائة والمقاعد والطاولات
والتقديم بالنسبه لمشروباتنا التقليدية في اطقم كلاسيكية قديمه
والمشروبات الاجنبية تقدم في اكوابها الخاصه المعروفه
ولو تضيف شاشات تلفاز او بروجكتر واشترك في القنوات الرياضية المشفرة ماراح تحصل مدعس قدم
ولو تسوي ركن بسيط فيه بعض الكتيبات والجرائد اليومية
وهالله هالله بالنظافة والنظافة والنظافة احس بعض العمالة ماعندهم امانة وذمه في هالناحيه
اشوف الفلبينيين انظف وارتب
طولت ادري ^_^
الله ييسر مشروعك ويطرح فيه البركة

عبدالله منصور · #8 (**permalink**) 20-03-2010, 06:38 AM

شوف يخوي مستعد افيدك لكن
اهم شي تعمل لك دراسة جدوى كل شي بالحياه يبيله تأني وصبر
حتى لو تبي تطلع رحله بر مثلا بكره ضروري تشيك لارصاد يمكن يكون اغبار ونيله 4 اقزامبل يعني
اولا: الموقع يكون فمكان الشعب الي فيه تدفع مو تفتح لي فمكان اغلبية الي فيه اجانب وهنود تبع شاي بالحليب واهد ريال بص بابا
ثانيا:المواد الي بتجيبها مكونات المشروبات الساخنه والبارده لازم تطلع مزبوطه ولا بيجونك شباب الكول وبيقولو وع ولا بتشوفهم تاني
باكمل لك بعدين لاني نعسان اشوي امواصل
تحياتي لك ويارب اشوفك مليونير
عبدالله - موظف سابق في ستاربكس فرع الظهران 2005

رمش العيون · #9 (**permalink**) 20-03-2010, 07:10 AM

هي منظومة متكاملة لكل مشروع لازم تكتمل

الكوفي شوب أولاً الموقع , ثاني الخدمات و الجودة والديكور أعتقد هذي أربع أشياء هي ركائز المشروع بعدها أبحث عن شيء يميزك

أتمنى لك التوفيق