تجمع مقبولين مبدئيا الامن العام الرياض

طبيب اسنان · #**351** (**permalink**) 25-03-2010, 04:40 AM

يااااااااشباب

موعد اخوي السبت

سؤالي,,,,

الحضور بنعال او لا

وشلون ماغليك · #**352** (**permalink**) 25-03-2010, 04:45 AM

نعال
انا جيتهم بنعال عادي

عزوز الدهمشي · #**353** (**permalink**) 25-03-2010, 04:57 AM

اقتباس:

المشاركة الأصلية كتبت بواسطة اسنع عاطل

السلام عليكم

شو اخباركم تؤبروني كتير < كيف ينفع اصير لبناني !!

المهم رحت اليوم للامن العام موعدي السبت

مشيت من البيت 7 .. ورحت ادور محل تصوير واصور نفسي مكشوف الراس

وصلت لهم تقريبا 7 ونص .. واقف عند البوابه كم عسكري قلت سلام واوريهم ملفي

قال وين الموعد .. يقصد الورقه الاستماره .. قلت والله كل ماطبعتها تجيني فاضيه !!

قال ارجع واطبع ماراح تدخل كذا .. والله وانقهر واتذكر كلام العضو " اللواء الفيصل "

وارجع لمقهى نت سريع مثل ماقال بس ماسمعت كلامه ..

المهم طبعت الطلب وارجع لهم 8 وربع الا الساحه تقول قليل الموجودين ماسكين سرا

صافين طابور انا اخر واحد .. عشان يقيسون الطول .. قمت اهذري مع جندي واقف جنبي

قلت يالحبيب الحين صدز لازم اطلع رخصه .. قال لا يارجال

قلت غريبه !! قال من قال لك ؟؟ قلت بمنتدى بطاله .. قال من ؟؟؟؟؟؟ قلت لا واحد من العيال < صرفته

بعدها قست الطول وقال ادخل للصاله .. والملف معه

فيه ناس رسبو بالطول وطلعوهم ويوم جيت للصاله فيه ناس صافين ع الجنب وكاتبين ع اوراقهم

( للتاكيدد ) يعني يشيكون مره ثانيه ع الطول

المهم وانتظر بالصاله يمكن فيها بالكثير 200 طالب ..

تكلم ضابط اسمه " منصور " نقيب .. يبارك للطلاب القبول المبدئي

ويقول اختارو المدينه اللي تبون تكشفون فيها وتراجعون الادله الجنائيه فيها من الحين

وموعدكم بعد شهر يوم 3 / 5 .. السبت .. تجون مكملين كل الاوراق من احوال والعمده والمستشفى والادله

المهم ويوصلني السرى بعد نص ساعه وياخذ صورتين شمسيه .. والبطاقه الاصل شافها بس

وارجع انتظر والى الساعه 11 ونص وينادون ثاني ويعطوني الملف وفيه طلب الالتحاق

قال لي خلاص بكره تروح قوى الامن وتسوي كشف .. قلت واللي يرحم والدينك

عندي باتسر امن منشـئات .. قال ابشر تبيه الاثنين قلت يالييت < وربي انه كفو

يعني ياشباب اي واحد يصير فيه تعارض بموعده .. يكلمهم مايقصرون

وشسمه بعد .. واحد من الضباط عصب قال لاشوف احد يكلم جوال ولاشوف ازعاج

المهم بختصر لكم الاهم ..

1- تحضر بكره ومعك الاستماره الطلب + صوره من الشهاده + صوره من حسن السيره + صوره من البطاقه الاحوال والاصل

2- تجي الله لايهينك محلق شعرك ولابس رياضه .. كل الي شفتهم محلقين

3 - نصيحه للشباب الي برى الرياض يختار الكشف واللادله بديرته اللي يبيها لو بعسير

4 - للاسف قريت الطلب الالتحاق اللي نعبيها .. تعهد لكل طالب / ان لايكون عليه مخالفه مروريه

الا ويتم سدادها

المهم بالاخير .. اي استفسار انا حاضر

مع تحيات / اللي كان لابس فانيله الهلال رقم 8 رادوي .. < محد شافني !!

النقيب منصور ماتكلم كثير . الرائد هو اللي تكلم .

انت اللي لابس فانيلة الهلال

ههههههههههههههههههههه

انا اللي لابس اسود في اسود . بس وجهي ابيض

> توني واصل عرعر ع طول البطالة

رشووووود · #**354** (**permalink**) 25-03-2010, 05:13 AM

سسسؤال لآهنتم وين بالضبط موقعهم بالرياض

][ اسنع واحد ][ · #**355** (**permalink**) 25-03-2010, 08:20 AM

عزوز ايه انا ازرق والسروال اسود ,, رقم الفانيله 8

يوم السبت كان وقتي
ذكرني بشكلك ترى جالس اطالع بالعالم
فيه واحد يوم بستلم بطاقتي قال له العسكري الخال .. وين تبيها قال بعرعر
لايكون انت !! وجالس قدام

][ اسنع واحد ][ · #**356** (**permalink**) 25-03-2010, 08:22 AM

اقتباس:

المشاركة الأصلية كتبت بواسطة رشووووود

سسسؤال لآهنتم وين بالضبط موقعهم بالرياض

مع طريق خريص
تخلي الكليه الامنيه على يدك اليسار
تحصل مباني عسكريه .. شرطه النظيم - لجنه السجون - وقياده القوات الخاصه
بعدها اشاره ومبنى جنبها .. هذي هي مدينه التدريب

هولستن المطيري · #**357** (**permalink**) 25-03-2010, 09:15 AM

ياشباب ممكن سؤال لاهنتوا طالبين رخصه قياده وانا معي خصوصي هل عليها صنف ولا لازم يكون معي رخصه عمومي افيدوني جزاكم الله خير

امن المنشات عريف · #**358** (**permalink**) 25-03-2010, 11:47 AM

الشهاده الاصليه مهمه يطلبونهولا عادي صوره ؟

عاطل مجروح · #**359** (**permalink**) 25-03-2010, 02:27 PM

الله يعطيكم العافيه ياشباب
وعندي سؤال
اخوي اسنع عاطل انا موعدي بالمستشفى يوم 26/4 وموعد المقابله 6/5
السؤال البصمات تطول اولا طيب واذا خلصت البصمات والاحوال قبل المستشفى عادي
والمستشفى هل فيه تدقيق وتروح لهم صايم او مفطر
والله يعطيك ويعطي الشباب الف الف عافيه