تجمع مقبولين مبدئيا الامن العام الرياض

][ اسنع واحد ][ · #**751** (**permalink**) 01-04-2010, 05:52 PM

رحت للادله الجنائيه ومعي الورقه حقتهم وبطاقه الاحوال الاصل بس
بصمت واعطوني موعد بعد اسبوع .. مع انه يقول خلاص اوراقك تتحول لمدينه التدريب
يجي مندوب وياخذها
الاحوال اخذت ملف الالتحاق كله لان ورقه الخطاب حقت الاحوال مدبسه بالملف كله اللي هو الخطاب لمدير الاحوال
وبطاقتي الاصل بس ..

عبدالمجيد؟ · #**752** (**permalink**) 01-04-2010, 05:54 PM

يامال فرقا العين يوم حجزوني ..
تضيق بي الدنيا وانا مواعد أحباب
.
يوم الخميس اللي يجي واعدوني ..
أحبابي اللي دونهم ترخص أرقاب
.
كافي مضت أيام فيها فقدوني ..
عقب القهر مشتاق والشوق غلاب
.
يلعن أبو هالشوق جرح عيوني ..
دمع أهله مادرو فيه الأصحاب
.
لاجيت برقد هيضتني شجوني ..
تروح بي الذكرى على ذيك الأهداب
.
ولاجتني الذكرى جتني جنوني ..
أسهر وطيفه داخل العين ماغاب
.
ياعاذلين القلب لاتعذلوني ..
الحب ماحشم طويلين الاشناب..

أهداااااااااء لمحــــاجيز سرية ابو بكر .. عمر (شارون ) ... عثمان .. علي ... خالد

اااااه كم رواحت بهالمدينة محلك راوح ...

الله يوفقكم بالدورة القادمة .

][ اسنع واحد ][ · #**753** (**permalink**) 01-04-2010, 06:05 PM

عبدالمجيد عقبال التخررج والتوفيق
شلون امور الدوره معكم والنفسيه بالبددايه
مايمديك تنصحنا ع الطاير

عبدالمجيد؟ · #**754** (**permalink**) 01-04-2010, 06:47 PM

اقتباس:

المشاركة الأصلية كتبت بواسطة اسنع عاطل

عبدالمجيد عقبال التخررج والتوفيق

شلون امور الدوره معكم والنفسيه بالبددايه

مايمديك تنصحنا ع الطاير

تحت خدمتك ياعزيزي.

نصيحة قبل كل شي. اذا كانت لديك رغبة بااكمال دراستك انصحك تكملها لاني الى يومك هذا اتمنى اني مادخلت العسكرية وتمنيت مكمل دراستي .صراحة احزن اذا شفت معنا دورة داخله جديدة شهاداتهم جامعية . قمة الاسى والحزن @

بداية 45 وهي 40 يوم فقط لازيادة ولانقصان .

اول عشرة ايام تصبح في رعب نفسي لانك تمارس شيء غير المألوف وغير طبيعتك تسمع كلام مهين سخرية جزاء عسكري مهين ولو قلت لك انواع الجزاء اللي ذقتها ماصدقت واهم مافي 45 انتبه من الاشاعات ولاتصدق احد يلعبون بنفسيتك .واللي شفتها بعد
مدربين مثل القمامة وانت بكرامة وفيه مدربين تحطهم على الجرح يبرى .بداية ال45 تخويف وارعاب حتى تكون منضبط اشد الانضباط وحتى لاتخالف التعليمات العسكرية وراح يدورون الزلة عليك بااول الايام لانهم يريدون ان يضعوا عبرة وعظة لباقي الطلبة وكثيرا ماستمع ايعاز للوراء در للعموم السرية حتى يصبح لها نكهة خاصة وتصبح لاتتلذذ بهالدورة ولاترتاح الا اذا سمعته . الشمس حارقة والتدريبات متعبة اذكر اني لفيت الميدان ببداية 45 اكثر من سبع لفات طول الميدان كيلو بكيلو ..نظامهم اليومي ب45 صحيان الفجر .شد سرير .نظافة .صلاة . حصتين صباحية كل حصة 45دقيقة .هرولة تدريبات عسكرية جزاوت. بعدها تنصرف للافطار وراح تشرب من الموية اما تتعب .. وفي كل اتجاه حولك تشوف جزاء عسكري .طبعا للتخويف وارعاب الطلبة ولضبط وربط السرية . انتبه من المحاضر وتسجيل المخالفات وخاصة من المدربين الوصخين وانت بكرامة لانه يدسها لاخر الدورة اذا حقد عليك واهم شي ماتخليه يعرفك .نكمل بعد الفطور تصليبة بالشمس بعدها انصراف للبوفية بعدها صلاة . بعدها تصليبة اي تثبيت وللوراء درررر. بعدها مييز يعني المطعم.. بعدها تثبيت .. بعدها صلاة .حصة العصر .. تثبيت بعدها بوفية .. ..صلاة بعدها تثبيت .. بعدها ميز للعشاء.وبعدها للصلاة وبعدها تثبيت الى حين وضع النووم والتعقيب من المدربين المناوبين. هذا ملخص 45 يوم اهم شي بالدورة انه يكون لك اصدقاء تساعدهم ويساعدونك ويصبرونك على الدورة لان الخوي مافي مثله بالدورة وانتبه من ضباط الصف اخوياك طبعا وهم من ارذل النوعيات الا من رحم ربي .. والدبابيس ماراح تعرفهم الا بعد الدورة .

طبعا بعد45 اجازة 10 ايام وترجع .. واهم مابعد 45 انتبه من الحجززززززز لانه نفسية بنفسية .

بعدها الذهاب لمهمة رمضان وهي امتع شهر عشته بالدورة احلى ايام بالدورة بعدها اجازة حلوة.

يجي شهر10 وتصير الحصة الصباحية حصة واحدة وتبداء التعليم الاساسي او بما اسميه تعليم النووم وهو احلى مافي الدورة .. الى نهاية 11 وتعدل مهنتك الى عسكري ..

وتذهب بعدها لمهمة الحج وهي مهمة العذاب الجسدي والنفسي لانه مافيه راح استلام 6 ساعات ب6 بعدها اجازة طيبة

شهر 1 وهو شهر الخير والحب والسلام من يومها تبداء الدورة وتبدا الوناسة شهر 1 شهر الخير شهر الرواتب والمكافات والانتدابات والشيكات .

شهر 2 شهر تعليم الرماية ونااااااااسة وقمة الوناااااااسة . وايضا بدء التعليم التخصصي في تخصصك وهو وناسة لانك راح تتعرف على تخصصك اكثر واكثر وراح تنام اكثر واكثر .طبعا تنتهي من التعليم الاساسي بشهر1.وايضا تبدا التعليم على السلاح.

شهر3 ارهاق نفسي وجسدي شديد بسبب عدم وجود اجازة او راحة نفسية لكثرة التدريبات من اجل التحضير للتخرج.

شهر 4 بتغني فيه وتقول باقي شهر واتخرج وافتك من هالمدينة .وفيه ينتهي التعليم التخصصي .التخرج دائما بنهاية 5ريح نفسك من يومها من الاشاعات والتعب النفسي.

في الاخير نصيحة مجرررررررب ........ بزووووط وفررررك وازحففففف بس لاتخلي احد يمسك عليك شي ابداً.

هذا الملخص ووفقنا الله واياكم لما يحب ويرضى .............

][ اسنع واحد ][ · #**755** (**permalink**) 01-04-2010, 06:53 PM

كفيت واوفيت يابعدي بس والله كلامك مره يرفع المعنويات ومره ينزلها
خلاص هانت انت مابقى لك شي كثير الله يوفقك
عندي سؤال اخير .. كيف اعمار الطلاب عندكم بالدوره !!
انا وين اكمل دراسه يارجال وعمري 27
فيه طلاب بالعمر هذا بدورتك واكبر ؟

وشلون ماغليك · #**756** (**permalink**) 01-04-2010, 06:55 PM

يعطيك العافيه

عبدالمجيد؟ · #**757** (**permalink**) 01-04-2010, 07:00 PM

اقتباس:

المشاركة الأصلية كتبت بواسطة اسنع عاطل

كفيت واوفيت يابعدي بس والله كلامك مره يرفع المعنويات ومره ينزلها

خلاص هانت انت مابقى لك شي كثير الله يوفقك
عندي سؤال اخير .. كيف اعمار الطلاب عندكم بالدوره !!
انا وين اكمل دراسه يارجال وعمري 27

فيه طلاب بالعمر هذا بدورتك واكبر ؟

فيه اكبر منك بكثير ومن اصدقائي يصل عمرهم حتى 28 ولكن اتوقع الدورة الجاية راح يكون اغلبهم من صغار السن .

عبدالمجيد؟ · #**758** (**permalink**) 01-04-2010, 07:10 PM

افضل التخصصات بالامن العام

البحث والتحري

علوم شرطية

ادلة جنائية

اسلحة ومتفجرات

ادارة مكتبية

طبعا لاننسى دورة 6شهور مثل جندي عادي ومشاريع هندسية

وايضا فيه تخصصات حلوة ناسيها .. اسوء تخصص شؤون تدريب اولا ثم دوريات امنية .

يمديكم تنقلون لهالتخصصات اذا عندكم واسطة طبعا النقل يكون ب45

افضل مدينة بنظري هي مدينة تدريب الرياض لان العدد كبير والمعارف كثيرة وماراح تمل من الدورة وحتى لو بزوطت وزحفت ماتكون مكشوف بسبب كثرة الطلبة وايضا لانك تذهب لمهمة رمضان وتستلم راتب عسكري 2800 ماهو مثل باقي المدن 900 ريال واذا بزوطت تكون مكشوف ومعروف لان العدد قليل ونظامك روتيني ماهو مثل الرياض لان المدينة كبيرة وتستطيع ان تكتشف كل يوم شي جديد وتتعرف على ناس اكثر .

اي خدمات انا حاضر لانه يهمني انكم ماتكونون جاهلين بهالامور وتخافون او ينضحك عليكم بشي مثل كلام المدربين ب45 والله لافصلك والله لاسوي واسوي وهو اخر الدورة يترجاك ويتسامح منك ويتطلبك تطلب انك تنفذ الايعازات اللي يعطيك اياها .

اتوقع العدد السنة هاذي بالنسبة لدورة الامن العام راح يكون قليل ماهو مثل الدورة هاذي .

تحياتي

][ اسنع واحد ][ · #**759** (**permalink**) 01-04-2010, 07:14 PM

الله يجزاك خير وربي كلامك يشرح الصدر ماتقصر من طيبك
بالنسبه للتخصص والله قريب لي يقول لي بخليك بالادله الجنائيه قلت اختار لي الزين بس
الحين انت معك رخصه ؟ فيه ناس تقول لازم رخصه صحيح ولا كلام