ياشباب السلام عليكم ::

لاتحرقون اعصابكم وكلنا مالنا الى المقسوم صح والى لا الفرز اليوم او بكره مالك الى المقسوم ::

حبايبي دائم الامن العام مايفرز ولا يعلن النتايج الى بعد تخريج جميع الدورات مو قالولكم تابعو الجرايد من 1/6 يعني خلاص لا يقولون 15 /6 خبر صحيح على العموم انا مقدم ببريده ومتوكل على الله اتابع الجرايد وتابع الموقع لين الله يفرجها مو تتابعون الاشعات متى الدوره ومتى النتايج والتخصصات من الياض وناخذ الدوره بالطرفيه ونطلع الساعه اربع العصر ومدري ايش والله كلها اشعات التخصصات من بريده وتاخذ تخصصك الي تبي على حسب نسبتك والدوره ببريده لان المبنى الجدييد مايدشنونه الى الدوره الجايه 1432 فاهمين اسال الله العلي العظيم ان يوفقنا جميعآ :: ولالك الى رزقك والي مقسوم لك من الله ::

بسم الله الرحمن الرحيم
أخواني والله الذي لا اله غيره
أني والدلي اتصل على واحد في مركز التدريب سكرتير قائد القوه
وقال له انه الفرز يوم الاربعاء 5/6/1431هـ
وجاء الاربعاء وما صار شي ((لا جديد))
يعني حتى مركز التدريب ما عندهم خبر
أنــــــــا أعتقد والله أعلم
أنهم يرسلون البيانات المقدمين الى لجنه القبول ل الرياض وهم يفرزون الاسماء
بتوفيق ل الجميع

ان شاء الله يكون فيه شي السبت

انشالله

الله يوفق الجميع

السلام عليكم

حبيت اقول لكم معلومات عن الدوره الجديده التي سوف تبدا 7/7

بحكم اني الان في دوره الامن العام في مدينه تدريب الامن العام بالقصيم

وعن قريب نتخرج


مده ال45 يوم راح تاخذ ار40 يوم لا تسمع لي اي اشاعه عن مده ال45 يوم هي ار40 يوم فقط


البرنامج اليومي هو

تقوم قبل صلاه الفجر بنص ساعه تجهز لي الصلاه بعدها تكميل بعد الكميل

هرواله نص ساعه وبعدها حركات عسكريه

وبعد الحصه اولى تروح تفطر في الميز

وبعد المز راح ربع ساعه وبعد ثلاثه حصص على الحركات العسكريه

وتدخل السكان على الساعه 11 ونص تقريبا

تجهز لي صلاه الظهر وبعد الصلاه تكميل وبعد التكميل انصرف لي للغداء

وبعد الغداء راحه في السكن حتي صلاه العصر وبعد صلاه العصر حصتين رياضه

وبعد الحصتين راحه 10 دقايق ثم تكميل المساء وبهذا التكميل يتنهي برنامج اليوم

وبعد صلاه المغرب ثم انصرف لي الميز لي تناول طعام العشاء وبعدها على المسجد لي صلاه العشاء

وبعد صلاه العشاء وضع النوم خذا هذا بشكل بسيط عن البرنامج اليومي

بس حبيت اقولكم ترى 45 يوم صعبه شوي ويبي لها تحمل

المدريبن اكثرهم مطنوخين الا ثالثه مدريبن هم وصخين اولهم رتبته عريف هذا ماسك الطابور الاظافي وصخ

الثاني جندي لعب في العالم لعب وصخ وصخ وصخ لي ابعد الحدود

الثالث جندي هذا بس ارفعوه فوق امدحوه يطير فوق خبل مايعرف يدرب صح

ام الباقين عسل على قبلك

رقباء السرياء افضلهم واحد بس يعطيك حقك ولا يظلمك

مايفرق بين احد

بعد ال45 يتغير الوضع راح تخف الشده شوي تشوف المدربين يضحكون مع الطلاب

مساله المكافئه المكافئه بعد ال45 يوم بي شهرين تاخذ 1800 ريال لي لي شهرين الماضيه

شهر ثلاثه تاخذ 2600ريال لان ينزل رقمك العسكري بهذا الشهر وتكون عسكري رسمي

الحج فله انبسط فيها كثر ماتقدر

حنا في الحج صار هبل بس مقدر اقوله هنا


حتي الدورات الثانيه سمعت وعرفت وش صار من الهبل اللي حاصل في دوره القصيم

خخخخخخخخخخخخخخخخخخخخخخخخخخ

في امور كثير بس هذا اللي في راسي

ايميلي هذا

m11150@hotmail.comاللي يبي يسال عن اي شي في مدنيه تدريب الامن العام بالقصيم

تحيتي

^
لبىَ قلبــــك واللـــــهَ
دعوآتكَ لنآ بالتوووفيقَ و ندخل الدورهَـ ..
آنتَ بـ آي سريــهَ آو فصيله مدري وش تسمونهنَ ههه
عمر ؟
،،
و بالحجَ خويي بالدوره يلعمنيَ يقول فلوهآ فلـــــهَ
/
\
الله يسسسعدك و يوفقكَ و مبرروك التخرجَ مقدمآآ

للرفع

خطاء نظام المكافئات

اول شي

بعد رمضان يعطونك 1800 ريال حق شهر 8 وشهر 9

مكافئه الحج حوالي 2600 ريال تقريبا والله اني ناسي كم بس هي في ال2600 ماتتعدي 3000 ريال

التخصصات

الطريقه

يجمعونكم في المنصاه ثم يندون كل واحد حسب ترتيبه في الكشف حق المقبولين

وتبي تعرف كم ترتيب قبولك في المدينه شوف الجريده وتعرف كم رقمك على مستوي المدنيه التدريب

انت تختار التخصصات بس ممكن التخصص اللي تبيه قفل لان اكتفى العدد المطلوب فيه

تختار التخصص في الاسبوع 3 من ال45 يوم تقريبا

التخصصات كل عام تتغير بها تخصص واحد

الموجود الحين

علوم شرطيه والتحري وبحث جنائي مرور دوريات الامن دوريات شرطه مهام واجبات
امن وحمايه مواقع هذي اللي اذكرها