21-03-2010, 01:11 PM
|
 |
عضو نشيط
|
|
تاريخ التسجيل: Mar 2010
المشاركات: 129
معدل تقييم المستوى: 35
|
|
هذا طال عمركم اليوم موعدي بقوات الامن الخاصه باام الحمام بالرياض وياليتني ماجيت بس الخيره بما اختارها الله المهم ماعلينا اقولكم القصه كامله هذا طال عمركم اول شي نادونا بارقام الطلب وركبونا الباص ودخلوا فينا للقاعده والله واحد وراي خايف يقول وين يبون يودنا وين وين الين وصلنا شوي ويبكي قلت ياولد فحص <<< يعني خبره تخبرون ضابط متقاعد هع
ماعلينا دخلونا واعطونا استماره وفيها صورتي ودخلت ع الفحص والا وش اشوف ناس بفانيله وسروال طبعا ماهو لازم تجيب بدله لكن الافضل ببدله لانهم اذا كنت لابس ثوب يقولون فصخ وتقعد بفانيله وسروال المهم قاسوا الطول والوزن وجينا للمهم اللي هو النظر يفحصون قبل اللي مركب عدساات براا ودجيت بالنظر والاستماره اللي عطوني ايها مادريت الا والنقيب مشققها وانا مفهي وش السالفه قال مرفوض ياولد عدل بدل مافيها واطلع منهم ويجيني وكيل رقيب يقول عسى ماشر ويبتسم قلت هذا اللي يبي يتوسط لي قلت ابد النظر قال لازم تسوي تشطيب انصحكم ياشباب بالتشطيب خالي بالجويه وسوا عمليه تشطيب ودخل المهم المستندات المطلوبه
1_ صوره من الشهاده
2_ صوره من حسن السيره والسلوك
3_استماره الطلب تطبعها اللي بالنت
4_ وصور شخصيه مكشوفه الراس تكون حديثه
5_ملف علاقي اخضر<<مادري ليه يركزون باللون هذا
6_ اصل البطاقه الشخصيه وصوره منها
طبعا اذا تم قبولك يعطونك كرت اخضر مكتوب فيه موعد المقابله اما انا مااعطوني شي ومسكوني الباب
بالتوفيق للبقيه وانتبهوا للنظر تراهم متشددين
وسلامتكم اي استفسار انا حاضر
|
العرض العادي
