السلام عليكم ورحمة الله وبركاته يااخوان الي يعرف طريقه للتقديم على شركة صافولا ياليت يساعدني او يدلني على موقعهم في مدينة جدة لاني بصراحه دخلت الموقع ولقيت نموذج التوظيف غريب وعجيب زي الي يقولك ماراح تتوظف يعني ماراح تتوظف بس انا وراهم وراهم وبجيلكم الاخبار ان شاء الله ودعواتكم بالتوفيق

انشاء الله الاخوان يفيدونك

ربي يوفقك انشاء الله ويرزقك كل ماتتمنى

وبالتفويق للجميع

وعليكم السلام
اخوي انا اقولك من واقع تجربتي الشخصية
انا قدمت عن طريق موقعهم ، عبيت بياناتي كاملة وارسلت وخلاص ، وبعدها ولا احد داري عني ، فضلت على الحال هذا يمكن سنة او اكثر او يمكن سنتين كمان والله ماني فاكرة كويس
بس اذكر اني غسلت يدي خلاص لأني مقدمة من زماااان عن طريق الموقع ومافي رد منهم فقلت شكله الموقع حاطينه زينة ، يعني انهم يوظفوا الناس وكله كلام ، بالضبط زي احساسك الان
لكن والله العظيم بعدها اتصلوا عليا (بعد اللطعة الطويلة هديك) وكلمتني حرمة قالت لقينا بياناتك بالموقع حقنا وحابين تشتغلي معانا
المهم قلت اوكي ، قالت : كيفك بالانجلش ؟؟ قلت ماشي ، راحت تكلمت انجليزي بعضه فهمته في وقتها ، وبعضه فهمته بعد ما سكرت من عندي السماعة هههههههه ، والله جد
جاتني تناحة ما ادري كيف ، المهم لما شافتني متنحة وماني فاهمة ، قالت : سوري نحن نبغى وحدة معاها انجليزي كويس ، قلتلها اوكي وفرصة سعيدة ، ومع السلامة
وبعدها فكرت في الكم كلمة اللي قالتهم وتنحت فيهم ، لقيت انه كلام سهل ومفهوم،، بس بعد ايش !!
وراحت علي والله يعوضني
فلا تفقد الامل هم بيتصلوا عليك ، ولو تبي تروح فخير وبركة جرب حظك برضو حلو الواحد يسعى
والله يوفقك

شكراااا


ااااااااا