بسم الله الرحمن الرحيم

السلام عليكم ورحمة الله وبركاته

أخواني وأخواتي الغواااااااااااااالي أنا أول مره أسجل في المنتدى كنت أتصفح وعجبني المنتدى
حسيت أنكم عااااااااائله واحده همكم واحد وفرحكم سواا
أنا حابه أفضفض الي بقلبي معكم أرتحت لكم أخااااف تجيني حاله نفسيه من الكتمه والضيقه
انا تزوجت رجل عاطل عن العمل في البيت أستخرت وصليت وارتحت له
هو معه دبلوم وشهادت زينه بس الله مكتب له وظيفه للحين
وش أقول لكم عن حياتنا والله ماتوقعت انها الحياه صعبه كذا ماتخيلت اني بعيش هاذي العيشه
اول كانت حياتي متوسطه عند اهلي
بس مع زوجي صعبه الحياه كل الترفيه نسيته حتى الريال صرت افكر شنو اشتري فيه من كثر صعوبه العيشه
كل يوم دموعي على خدي من الحسره على عمري أحس اني كبرت وعجزت من الهم
حتى العيال ماافكر احمل خايفه ماأحصل لهم أحتياجتهم
والله أني أحيانن توصل معي حالات غريبه اكره العالم وانطوي مع نفسي بغرفتي أجلس بالاسابيع أوسوس لوحدي
زوجي كل مايقدم يرنفض من التقديم هو يسعى بس مدري ليش السعوديه وظايفها صايره صعبه
يعني معقوله زوجي سنتين يدور في كل مكان مومحصل وظيفه للحين
حتى هو تعب نفسين وصار ماينام من الارق
وصاير يراجع الصحه النفسيه علشان يأخذ أبره تنومه
وأنا أكتب هنا الان أحس اني عايشه في حلم وليس حقيقه
أيعقل هذي بلاد الحرمين وين خيرات الدوله
وين الوظايف عن شبابها والله يصير الواحد مروج مخدرات
أو أرهابي علشان وقتها يتذكرون ان فيه عاطلين عن العمل
حسبي الله وان الوكيل في كل نصاب وظالم

تكفووووووووون لاتحموني من دواتكم والله محتاجين لها انا زووجي
يااااااااااااااارب عطني الصبر ووفق زوجي بالوظيفه

ياااااااااااااااااااارب سهل لزوجي رزقه

الله يرزقك يآرب ويرزقنا

الله يرزقه يارب اختي لو يشتغل سائق تكسي او نقل معلمات مؤقت الى ان يلاقي وظيفه افضل

اكثري من الاستغفاااار فهو العلاج باذن الله تعالى

الله يرزقك يارب

الله يرزقة ويرزقك عليك بالاستغفار والصلاة والدعاء هي راحة نفسية ولاتنسي القران الكريم
توكلي علي الله حسن الظن بالله
جاء في الحديث الصحيح : من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب

الله يستر عليك ويسر أمرك ..