اووووووووول ابداعاتي <<<حالفه لازم تدخلووون

طموحها زايد شويه · #1 (**permalink**) 08-07-2007, 11:23 PM

مساااااااااااااااء الخير
بما انني فاضيه وعندي شغله غير هالمنتدى <<ياحبي له

ذبحني هالسؤال أرجوك .. قل لي بس وش جابه ؟؟
دخـيـلـك لــيــه تـتـعـمـد مــــع ضـحـكــك تبـكّـيـنـي
مــن الـبـارح .. تعـيـد هالـسـؤال وتـطــرق أبـوابــه
وعلـى نفـس الطريـق اللـي تـجـي مـنـه .. توديـنـي
يا أخـي وش تبـي منـي ؟؟ وحزنـي ويـش تلقـى بـه
يهـمـك إيــش فــي هــذا ؟؟ عـذابـي وإنخـلـق فيـنـي
تـبـي تـعـرف حكـايـة شـاعـر .. جمـهـوره أحبـابـه
تبـي تعـرف يصفـق ليـه .. جمـهـوري .. ويحييـنـي
لأن الشـعـر عـنـدي .. مـاهـو بــس أوراق وكـتـابـة
ولانـي مـن فـراغ أكتـب .. وأبــي تكـثـر دواويـنـي
تبـي تعـرف شاعـر ليـه ؟؟ هــاك الشـعـر وأسبـابـه
تـبـي تـعـرف مكـانـي ويـــن ؟؟ رتّـبـهـا وتلاقـيـنـي
فقـر مـال .. وفقـر حـال .. وفقـر حيلـة .. وطلابـه
وفـقـر حــظ كـريـم .. أمــدّ لـــه كـفــي ويعطـيـنـي
فـقـر ديــن وفـقـر دنـيـا .. وجــوع تـنـهـش أنـيـابـه
فقر راحـة .. وفقـر صحـة .. وفقـر فرحـة تنسّينـي
(فقـر) .. إيـه الفقـر يعنـي ضـيـاع العـمـر وركـابـه
(فقر)يعـنـي فـقـر يعـنـي عـــذاب وضـيــم مالـيـنـي
ورأس الفقـر ورأس الجـوع وعمـر طـارد أسرابـه
وحـــق الـدرهــم الـلــي مـانــوى مـــرة يخـاويـنـي
رضعت الويل مـن صغـري ولبسـت الحـزن وثيابـه
علـى شـط الشقـى مولـود .. وهمّـي كــان يرويـنـي
تقـطّـع وجـهـي وجفـنـي بـنــاب الـفـقـر ومـخـلابـه
ولـكـنـي عـزيــز الـنـفـس ولـــو أحـتــاج تغـنـيـنـي
كسانـي ثوبـي المشقـوق وبـيـن الـنـاس أزهــى بــه
وكـــل يلـتـفـت يـمــي .. يـظــن بتـنـكـسـر عـيـنــي
حشـا مــا تنكـسـر عيـنـي وأنــا الـلـي وقـتـه يهـابـه
عــزاي إنــي فقـيـر صــارت الـنـظـرات ترمـيـنـي
عـيـون الـنـاس تطعـنـي .. وكــل يـغــرس حـرابــه
وبـعـض عـيـون أقـدرهـا وبـعـض عـيـون تدمـيـنـي
وش اللـي مابعـد قلـتـه .. وتبـغـى تـعـرف إعـرابـه
مـضــت سـاعــات أتـكـلـم وإنـــت بـــس توحـيـنـي
تـبـي تـعـرف حكـايـة عـشـق وبـنـت حـيــل لـعّـابـه
تبـي تـعـرف عــن أسـبـاب الجـفـاء مابينـهـا وبيـنـي
تـخـيـل جـتـنـي وقـالــت ( فـمــان الله يـــا بــابــه )
تـشـرفــنــا بـمـعـرفـتــك ويـــــــا الله لا تــأذيــنـــي
وأنــا أعشقـهـا ثـمـان سنـيـن وهــي تلـعـب وكـذابـة
تـســلــي نـفـســهــا فــيــنــي ونـيّـتــهــا تـخـلـيـنــي
تـبـي تـعـرف حكـايـة قـبـر وطفـلـة تسـكـن تـرابــه
تـبــي أقـــول لـــك مـظـلـوم ودم الطـفـلـة بيـديـنـي
تبـي تعـرف وش الغربـة ومـن اللـي طــوّل غيـابـه
تبي أحكي .. قبـل أعـوام .. بالتفصيـل أنـا وينـي ؟؟
تبـي أحكـي عـن الزاهـد وعـن ذنـبـه فــي محـرابـه
دخيلك ما أقدر أتكلم .. خـلاص أرجـوك .. أعفينـي
قـســم بالله فـــي صـــدري مـديـنـة تـلـفــح تــرابــه
مـديـنــة سـاكــنــة قـلــبــي وغـابـتـهــا شـرايـيـنــي
دخيلك سكّر الموضوع وشـف لـك شـيء تسلـى بـه
أنــــا مــنــك ألاقـيـهــا أو ألـقـاهــا مــــن سـنـيـنـي

حبيت انقل لكم قصيده اعجبتني
انتظر ردوكم يا احلى اعضاء في الدنيا

قلب المملكة · #2 (**permalink**) 09-07-2007, 02:07 AM

يـظــن بتـنـكـسـر عـيـنــي
حشـا مــا تنكـسـر عيـنـي وأنــا الـلـي وقـتـه يهـابـه
عــزاي إنــي فقـيـر صــارت الـنـظـرات ترمـيـنـي
عـيـون الـنـاس تطعـنـي ..

قصيده رائعة وصف فيها الشاعر
عزة النفس

بس لو ذكرتي إسم الشاعر

تسلم يمناكــ
لا عدمنتكــ

فضل · #3 (**permalink**) 09-07-2007, 02:13 AM

شكرا لك على اختيارك الجميل

ابيات قويه

ادور وظيفة · #4 (**permalink**) 09-07-2007, 02:43 AM

اختيار موفق وابداع وصح لسان الشاعر على القصيدة المؤثرة

طموحها زايد شويه · #5 (**permalink**) 09-07-2007, 08:09 AM

قلب المملكه يسلموووووا على المرور القضيده على مااظن للشاعر محمد الرويلي
***********************************
فضل الاجمل مرورك
*******************
ادور وظيفه يسلموا عقبال ماتلقى وظيفه

SLOoOM · #6 (**permalink**) 09-07-2007, 08:14 AM

يعطيك العافية طموحها على القصيدة الاكثر من رائعه
سلمت اناملك على النقل الرائع

طموحها زايد شويه · #7 (**permalink**) 09-07-2007, 08:35 AM

sloooom.
الله يعافيك ويسلموووووا على هيك مرور

عبدالله الغامدي · #8 (**permalink**) 09-07-2007, 11:38 PM

الله يعطيك العافيه اختي طموحها زايد

والله يحققلك طموحك ياااارب

حس مرهف في الاختيار والنقل

والقصيده منسوبه في اكثر من موقع للشاعر

جابر هايف العتيبي

صح لسان الشاعر وسلمت يداك

اوبونوره