شوركم يا اخوان ..!!

اقتصادي · #1 (**permalink**) 21-03-2010, 08:18 PM

السلام عليكم

الله يصبحكم ويمسيكم بالخير

يا شباب انا جاني عرض وظيفة بدوام 8 ساعات في اليوم متغيرة احيانا صباحية واحياناا مسائية
وراتبهاا 4600 ريال مدعومة من صندوق الموارد و من التامينات الاجتماعية ... وانا تخصصي زي ما انتو شايفين في التوقيع ..... ابي شوركم يا اخوواان اوافق ولا لا ؟!!!

اقتصادي · #2 (**permalink**) 21-03-2010, 09:26 PM

وش دعوة .. محد معطيني رأيه

شايلة همي · #3 (**permalink**) 21-03-2010, 10:48 PM

هذي مايبي لها راي اعقلها وتوكل اقبلها انت شايف البطاله
والشباب يتمنون وظيفه باقل منها لاتتردد

ام روان · #4 (**permalink**) 21-03-2010, 11:20 PM

الله يوفقك , حلوه الوظيفة واذا ماصلحت لك اعتبرها جسر عبور للافضل ...

اقتصادي · #5 (**permalink**) 22-03-2010, 12:02 AM

اجل ظنكم كذا يا بنات .... مع انها ما بعد جتني منهم الموافقة النهائيةواتشرط انا وجهي

يلا عسى الله يكتب اللي فيه الخير لي ولكم

مشكوورين ... وانتظر آراء اخرى

متفائل بحدود · #6 (**permalink**) 22-03-2010, 02:25 AM

أفا يا ذا العلم والله ما هنت علي أطلع قبل ما أشارك بالموضوع.....
أخوي إقتصادي أذا كان العقد ما فيه شروط معقدة عليك الأمر بيكون بسيط الشي الثاني فترات الدوام لازم تكيف نفسك من جميع النواحي عشان بكره وإلا بعده لا تقول والله ما عرفنا لذي الشركة مره بالنهار ومره بالليل وأتوقع إنك بهذي المؤهلات إلي عندك ماشاء الله تقدر تحسبها صح أخيرا (ماخاب من إستخار)
تقبل مروري......

ميوره · #7 (**permalink**) 22-03-2010, 02:43 AM

بالعكس وافق عليها

اولا واخيرا تشغل وقتك وتستفيد وتكتسب خبره

وبالفعل مثل ماقال اخي فتى عاطل اذا كان العقد مافيه اي شروط معقده

وبالتوفيق لك يارب

غالي الثمن · #8 (**permalink**) 22-03-2010, 02:52 AM

والله مدري وش اقولك الناس تضارب على وظائف رواتبها من 2000ريال ياشيخ توكل على الله وروح

عبدالرحمن مسعود · #9 (**permalink**) 22-03-2010, 02:56 AM

توكل على الله
أنا اعمل الآن بوظيفة دوام تسع ساعات يوميا ونظام شفتات مرة بالمسا ومرة بالصباح
وبراتب 2600 ريال

ومع ذلك مستمتع بإشغال وقتي وعدم الاستسلام للبطالة

اعقلها وتوكل
واهم شي اقرأ العقد زين ولا توقع إلا وأنت عارف انه مافيه شي يربطك معهم
لو قررت تركهم