كيف احصل على مستحقاتى فى القطاع الخاص استقيل ام اتغيب لدى وظيفة افضل من التى ان عليه الان

قدم استقالتك الى مديرك المباشر متضمنه شهر انذار اي عليك انك تداوم عندهم لمدة شهر قبل الانقطاع عن العمل وخبر الشركه الثانيه انك لازم تقعد شهر انذار بشركتك الاولى وهم عارفين الشي هذا وممكن يقدرون لانه هذا هو نظام مكتب العمل
او انك تدفع لهم راتب الشهر( طبعا هذا ااااااااااخر خيار)
او تجلس اسبوعين ويخصمون باقي الاسبوعين من باقي مستحقاتك او اجازاتك اذا عندك رصيد اجازات هذا اذا انت مستعجل انك تمشي وخايف الوظيفه الثانيه تطير عليك
او انك تتفاهم معهم على هذا الشهر انهم يسامحونك فيه
لاتتغيب مباشرة بدون اذن لانهم ممكن مايعطونك اخلاء الطرف بعدين بسهوله ومن المؤكد ان الشركه الجديده ستطالبك به عاجلا ام اجلا عشان يضيفونك عندهم من اجل السعوده
بعد ماخلص شهر الانذار او تتوصل معهم الى تفاهم وقبل اعطاك اخلاء الطرف يكونون المفروض اعطوك باقي مستحقاتك وبعدها توقع اخلاء الطرف من الشركه وتاخذه معاك
الله يوفقك ويرزقك يارب واي استفسار انا جاهز ولاتنسني من الدعاء