[hide]


شارحه كل خانه ايش فيها..حسب مشروعك...يعني..اذا وحده محل تصوير..راح تكتب ..خبره بالتصوير..والتصميم..ونوع الطابعات..وطرق استخدامها..وبرامج التصميم والتحميض ...الخ..
اذا واحد يبغا دينه.شحن ....خبره..بطرق التحميل..واسعار..الشحن..والاسواق.او الشركات الي تئجر الدينات..الخ
واذا مثال واحد..بيسوي مطعم..خبره..بالطبخ..والوصفات..اختراع وصفات خاصه..الخ


::



فكره مشروعك ايش...؟ محل ملابس..طيب من اي نوع..وايش الي راح يكون مميز فيه
مطعم...طيب..مطعم لايش بالضبط.وايش المئكولات الي بتقدمها..ايش الي فيه مميز ..
استديو تصوير..كذالك نفس
سبب اختيارك للمشروع.؟ الكلام..ايش راح يكون عندك اشياء مميزة
مشغل خياطه..ايش عندك مميز..مكائن تطريز..مثلا.. وهكذا
خريج..تجاره
او اشتغلت بالتجاره والبيع والتسويق..الخ
اذا استديو تصوير..خبره بالتسويق..والعمل لدى استديوهات..<< فلفلوها شوي خخخخ..لازم تبينون انك لكم باع بالووضوع الي بتسونه وانكم له خبرره..مش مجرد فكره والسلام
::


مشروح بالصورة
::



::





مشرووح






::





::
الى هنا توقفت..بقيه الشرح بالطريق وهي الاهم..في نجاح المشروع..
::
انتظروني

نكـــــــــــمل..وفتحولي مخكم شويه << في حسابات الان

ملاحظه ::
الافضل انكم انتوا تعملون دراسات الجدوى... لان انتوا الي بتمسكون شغلكم ..وتعرفون تحسبونها صح الصح ..



الان..الجداول هذي مهمه...والاجهزه..والاثاث
::
اول خيار..العقار...غير ضروري تعبئته
:::
الجدول..2_1
المنشئات والمباني..:ـ

الديكور خلوا بالكم...مايكون اقل 20 الف ريال..اضمن لكم..في البعض يكتب ديكورات اكثر..حسب مشروعكم..ولي يحتاجه
::
الان في عمليه حسابيه..
.طبعا اغلبكم راح يسئل ايش عي نسبه الهلاك..؟ وايش تعني..؟؟
نسبه الهلاك..<< يعني كثره استخدامه بالمختصر المفيد..
ونسبه الهلاك تختلف من شغله لثانيه..يعني الاثاث..غير الاجهزه..

::
راح ابسط لكم يعني ايه قيمه الاهلاك...زي الي يشتري سياره جديده..50 الف..واستخدمها سنتين
هل راح يبيعها بنفس قيمتها...طبعا لاء..ليش..؟
لانها استهلكت وعدادها ماشي كثير ..فلمى يجي يبيعها محسوبه عليه كرفها..ومشيها..
وغالبا الي يشترون سيارات يسئلون عدادها كم << هي صح كذا ولا ناسيه الكلمه..
نفس الشي بالشركات الكبيره الي عندها الات ومعدات يحسبون الاهلاك ..بالسنه او العشر سنوات ..<< مالنا فيها بس حبيت اعطيكم معلومه تنفعكم بمشاريعكم ويكون فيها اطلاع
::::::::::::

واذا مالكم بالحسبه وتحسون الشغله عليكم صعبه.حطو نسبه تكون متكرره..ولمى تجون بالمقابله يعدلونها معاكم
::
هما كاتبين لكم..بالجدول15%للديكور..اكتبوا نفسها

و10% الى..20%الالات ...وهنا..حسب كرفها للشغل خلال سنه..او شهر

مثلا وحده عندها مكينه خياطه..اشترتها...10000 الاف ريال..وتستخدم يوميا..يعني نسبه هلاكها عاليه نقول 10%
خلال سنه كم..نسبه هلاكها بالنسبه لسعر الشراء..
:::
يعني..10000ريال *10 % 1000 بالسنه

كيف جااااات..؟

سهله..اولا لازم يكون معاكم أله حاسبه..لان بدونها ماتجي..او استخدموا..حاسبه الكمبيوتر..
:::
قيمه ألاله 10000 ريال نضربها * 10 <<الي هيه قيمه الهلاك ..الي اخترتوها 10 ممكن شخص ثاني اله لاء تكون 20 قيمه هلاكها

انتو الان ضربوتها بقيمه الهلاك 10 ...الان لا تحطون علامه = لاء...في علامه % بدل يساوي
يطلع لك قيمه الهلاك
::
سهل..صح
نعيد ثاني...بارقام اخرى

::
قيمه ألاله..او الاثاث * نسبه الاهلاك % الناتج

النجمه يعني ضرب % بدل ماتضغطون = تضغطون النسبه % وبعدها يطلع قيمه اللهلاك السنوي
:::
الصورة عندكم فوق الديكور تكلفته 15000 ريال خمسه عشر ريالا نبسه الاهلاك السنويه زي ماهم محددين 15 % للديكور الان كم راح يطلع معانا قيمه الهلاك السنوي..

<< جربوها على جنب ..بعدها تئكدو من حلكم..؟
15000*15 % يطلع الناتج 2250
:::
تماااااااااااااام كذااا.. اتمنى يكون مفهووم لكم..
::::::::

بعد كذا جدول الالات..والمعدات والاجهزه والاثاث..:ـ
هذا الجدول مهم جدا..جدا..
طبعا المساحه راح تكون قليله بالنسبه للعدد الاجهزه الي بتطلبونها..
احشروها مع بعض خخخخ وارفعوا قيمتها عن الاصل افضل عشان تجيكم زياده بالقرض
::
يعني كبيوتر + طابعه + تتلفون << عاد احسبوها كلها مع بعض كم والعدد ..
تكلفه الوحده نقول 1500 ريال << اجمالي التكلفه اجمعوها مع العدد ...
نسبه الهلاك <<< هاا ايش نسبه الهلاك ياشاطرين... نفس شرح الي فوق..وبالاله الحاسبه
خمنوا الاله كم 20% ولا 10% هلاكها حسب استخدامكم لها..
::
عن نفسي رصيتها كلها 20% خخخخخخخخخ
::
طبعا في اخر الجدول مكتوب الاجمالي ...تجمعون كل وحده من فوق لتحت وتكتبون المجموع النهائي
::
بالنسبه لنسبه الاهلاك الخانه ماقبل الاخير اتركوها فاضيه نهايه الجدول
ولي يتعبى نسبه الهلاك السنويه...يعني بعد ماطلعتوا كل النواتج ينجمع كامل تحت
:::
وبــــــــــــــس خلصنا الجدول ذا
اي سؤلات نحن حاضرين

الجداول كووم..وهذا الجدول كووم ثاني...هذاا الاساس..واهم جدول فيهم كلهم
ملاحظه:ـ في غلطه بالصورة
استروا ماوجهتوا



كيف نحسبها..؟؟
انتي ..انت ..المنتج الي عندك..ايش ..وعلى اساسه بيعك
بالنسبه لجدولنا الي اشرح عليه..ملابس نسائيه..
::::
1_ ملابس (تيشيرتات . فساتين سهره الخ ) ... الكميه بالشهر كم تنزلي بالمحل
مثال جبتي او انتجتي عشره فساتين بالشهر حلووو

الوحده .. يعني الفستان كم قيمته.. مثال 1000 ريال

الايراد الشهري.((الفستان الي بتبيعنه بالشهر )). كم راح يكون.. 10 فساتين 1000X ريال = 10.000 عشره الاف ريال بالشهر

الايراد السنوي .. 12x10.000 شهر = 12.0000مئه وعشرون الف
:::
وهكذا....
:::

شارحته بالصورة..وفي حاله بيوم الصورة اختفت..
الشرح موجود ..كتابي..
::
الايراد هنا السنوي اهم مافي الدراسه على اساسه يتم التسديد للقرض وراتب وايجار
::

...في نهايه الجدول راح يطلع اذا في ربح او لاء..ترجعون للجدول هنا في الايرادات وتزودون كميه البيع..الشهريه
::

يعني بدل 5 فساتين ممكن 10 او 15 فستان..وممكن نزود سعره 1200 ريال..
وهكذا لين يطلع لكم نسبة سنويه معقوله باخر السنه..بحيث اذا دفعتوا ايجار...
وسددتوا القرض..ودفعتوا رواتب..وفواتير..ومصاريف.يكفي وكمان
..يطلع لكم نسبه ربح..وعلى اساسه تكون دراستك ناجحه ومقبوله مقدماّ
ونصيحه لا تبالغون مره بلاسعار والبيع << لان على اساسه يحدوون كم تدفع شهري كمان
::::
وبشغلكم عشان تنجحون..تحسبونها بنفس الطريقه...يعني ما تبيعون كميه قليله
.لا لازم تحددون بالشهر..كم تصرفون ..ويطلعلكم ربح..


تكاليف التشغيل..
3-1 المواد الخام ..








هنا الخامات والبضائع..
..
كم راح تجيبي الفساتين بالشهر بالجمله..عشره فساتين قيمه الواحد 500 ريال.
.طبعا ارح تبيعينه 1000 ريال ...زي ماتفقنا بالجدول الي قبل
بالسنه كم 500* 12= 6000 بالسنه
علاقات ملابس ..كم بالشهر 5 ريال ياله احسب
لنهايه تطلع الاجمالي..وبرضوا مهم..باخر الدراسه يبين معاك اذا مره بزياده او لاء
وعاد نسقوا بينه وبين الايراد لين يكون الاسعار معقوله وبيعكم وشراءكم فيه ربح

::
وكل شخص حسب مشروعه
يعني..الي عنده استديوا تصوير..
راح يحسب ورق التصوير..الوان الطباعه..اللاحبار
::
واذا واحد عنده كوفي..راح يحسب..البن...والمويه..والعصيرات ..وو حسب شغله
::
واذا مطعم..راح يحسب انواع الاكل..دجاج ..لحم..رز..ملح..خضروات..الكميه الشهريه..<< كم بيطلع منها..ربح..وبالسنه
::
واذا خياطه..تحسب خيوط..ابر..زيت مكينه..سست << سحابات<< ازارير..كرستلات ..الخ
::
واذاكوافير تحسب..ادوات تجميل..صباغه...اسبريه..بنس..شبك ..الخ
وامممممم وايش كمان
ذا الي في بالي حاليا
:::
مفهوم اعتقد مايحتاج شرح
:::
ممكن واحد عنده مطعم..يتشري الدجاج مثال بخمسه ريال..ويطبخه مع رز او او..تكون وجبته 10 ريال
يالاقي نفسه اخر السنه خسر...ليش..؟
لانه ماحسب الرز..ولا حسب الملح..والبهارات
::
يجيك واحد ولا وحده تشتري بضاعه بخمسه الاف..وباعاتها جابت لها عشره الاف..هي تقول ربحت
بس لمى تجي تحسبها تلاقي نفسها خسرت ليه
اذا هي سافرت بنفسها..تحسب التذكره والسكن والايام الي جلستها..<< وتحسبها مع 5 الاف..وتبيع بضائعها بنسبه
تطلع لها خساره سفرها...زايد بضاعتها
...
الي يشوف يقول تاجره كبيــــــــــــــــره<<ياارب

نكمل
::


رواتب واجور القوى العامله :ـ
صاحب المشروع ....العدد 1 ...راتبك بالشهر ..1500 ...اجمالي الرواتب الشهريه..1500..السنويه 18000 ريال
...
عامل العدد مثال 2 ..لراتب 1000 ..شهري..2000 ريال..اخر السنه للاثنين كم24000
اجمالي لرواتب لكم كلكم اخر السنه كم
18000 +24000=42000<<< مهم لاخر جدول..مع الايراد ركزوا

:::

الايجار:ـ
نصيحه لا تكتبون ايجار قليل طبعا حسب شغلكم
الي مدرسه اكيد راح يكون ايجارها لفله لايقل عن 100 الف مثال <
واذا محل تجاري..لا يقل عن 40 الف..38 الف
حسب مناطقكم
يعني في جده مستحيل تلاقي ايجارات رخيصه..
وكل واحد ووحده حسب الي لقاه في منطقته...واسعار الايجرات..يعني اذا لقيت ايجار 30 الف
اكتب 37 الف ايجار
لان وقت الجد ماتضمني ياتلاقي نفسه او اكثر...
::
قيمه الايجار محسووووب اخر جدول بالدراسه ركزوا..<<




الي بعدوا ..
تكاليف اخرى :ـ
رسوم تراخيص .................. مثال 4000 ريال سنوي ..........شهري..333 <<< الترخيص هنا حسب شغلكم...وكم سعر ترخيصه يعني اسئلوا قبل كتابه السعر
تكاليف تسويق...................3000 ريال سنوي...............250 ريال شهري >> منشورات بطائق الخ
ادوات مكتبيه 1000 ريال ...........شهري 100 ريال
علاقات عامه وضيافه 1200 ريال ...........100 ريال << شاهي قهوه عصير لاتكونون بخلى
تأمين محركات .......................ممكن مانكتب شي لان المكائن بضمانها..وومكن الي مسوي مصنع يئمن على حسب المشروع
الماء والكهرباء 3000 ريال سنووي ..............250 ريال شهري
:::::::::::::::::::::::::::::::::::::::::::::::::: ::::::::::::
الاجمالي بالسنه 12200....................بالشهر ..................1016 ريالز سعودي<< محسوب اخر الجدول بالدراسه ركزوا

جينا هنا للمهم....فتحو عويناتكم وركزوا مضبووط
:::




مكتوب اول شي الارض..والمباني..والانشاءات + الاالات والمعدت والاثاث..هذي تحسبونها كلا مع بعض..جمع..وتحطونها بالجدول الخيار الاول
::
مثال ..الي كنت كاتبته انا ..
الديكور..والانشاءات الحمامات ..كامل الاجمالي 20000 الف ريال + سعر الالات والمعدات كامل لنفترض معداتي والالات طلع عندي مجموعها كامل 60 الف ريال =80 الف ريال..
::::
وهكذا...نكتب المجموع...وفي النهايه راح يطلع المبلغ الي احتاجه لمشروعي...بس ممكن تزودون شويه عن المبلغ.
ولمى تروحون المقابله طالبوا ان المبلغ يزيد...عشان يطلعلكم..30 40 الف تحت تصرفكم زي سيوله يعني..
:::





طبعا واضحه جدا..وانا كل نهايه جدول اقلكم ركزوا..على المجموع النهائي
اجمالي الايراد ..مكتوب لكم من جدول 2.<< تروحون عليه وتشوفون كم وتكتبونه
::
تكاليف التشغيل:ـ
خاامات وسلع << كاتبين رقم الجدول
::
طبعا هنا تجيبون اله حاسبه وتحسبوون...شايفين الايراد اول الجدول..على اساسه...يندفع باقي المصاريف


:::
وبــــــــــس ..شفتوا ان الدراسه سهله..ولا تتعبون نفسكم وتدفعون في فلوس..
سوها بنفسكم افضل
لان انتوا الي تديرون مشاريعكم..فلازم تفهمون...كيف راح تربحون...وتكسبون..
...


::
اتمنى اني اكون وفقت في الشرح...وان يوصلكم ولو معلومه بسيطه يااارب..
:::
وللامانه اخر صور الي بدون ختم..
::
ماهي صوري اخذتها من موقع اخر..
::
وكل الشروحات شروحاتي..بمفهومي..ودراستي سويتها بنفسي ولله الحمد
وكنت زيكم حايسه وماني فاهمه شي..لاكن سبحان الله ..كل يوم اكتشف شي جديد وافهمه..لين خلصتها
:::
وفي النهايه..اتنمى انكم تدعولي ولو دعوة بسيطه
::
ان الله يوفقني بمشروعي ويرزقني الرزق الحلال..
ودعاء لوالدي بالحرمه..ولي.ولاسرتي الصغيره
::
وصلى الله وبارك على سيدنا محمد وعلى اله وصحبه أجمعين
؛
,

[/hide]

روووعه
ومشكووور

روووعة من جد , ابدعات أسم على مسمى

الله يجزاك على قد نيتك

موضوع يستحق التثبيت

شكراً أبداعات

روووعة من جد , ابدعات أسم على مسمى

الله يجزاك على قد نيتك

موضوع يستحق التثبيت

شكراً أبداعات

الله يوفقك ابداعات
ميرسي ياقمر

موضوع مهم

وتستحقين التقييم

تحياتي