فزعتكم ياااا خبراء السجون..!!!

خفوق الشوق · #1 (**permalink**) 22-03-2010, 08:29 AM

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

ياشباب اناا قدمت على السجون وجآتني بعد فتره رساله تفيد إني في الاحتياط
ومدري وشو,,,
المهم. دخلت امس على موقع مديريه السجون وحطيت رقم سجلي
وطلع لي

النتيجة
لقد تم ترشيحك للقبول المبدئي بالسجون وعليك الحضور لمقر لجنة القبول والتسجيل بالرياض طريق خريص
يوم الثلاثاء الموافق العشرون من جمادي الاولي1431 في تمام الساعة التاسعة صباحا
بالزي الرياضي ولبس نعال وحلاقة الرأس على رقم واحد
وإحضار أصل شهادة الثانوية وصورة منها واصل بطاقة الاحوال المدنية وصورة منها
و قلم ازرق ناشف واربع صور شمسية ملونة مكشوفة الرأس 4*

يعني الحين ياشباب وش العلم ووش اسوي ...

مع العلم اني اتوقع وزني صك الحين 100 وعليهاا

وطولي 172 ومدري كم عليه

مدري وش اسوي وهل تتوقعون يقبلوني كذاا والا

مع العلم ايضآ بأنه لم يتبقى سوى شهر و15 يوم

والله لايهينكم اللي يدل هالموقع المذكور حق القبول والتسجيل
يوصفه لي والا شي
لاني ما أدل بالرياض شي
<<<--------الأخ من أهل الاحساء

ووين تتوقعون دورتهم لو قبلت
وكم مدتهاااا ..؟؟؟
وهل يوجد راتب في الدوره

والاهم وش الدبره ووش اسوي ووش بيسوون لي

ووش بيسألوني.؟؟

تحياتي لكم ياشباب

حمزة عريشي · #2 (**permalink**) 22-03-2010, 08:33 AM

انا الى اعرفه انهم يقيسون الطول والوزن اذا طولك مناسب
وزنك زايد يعطونك فرصه تخفف وترجع هذا الى اعرفه
وباقي الاسأله يجي من يفيدك فيها

خفوق الشوق · #3 (**permalink**) 22-03-2010, 08:39 AM

يااا أخوي حمزه جسمي حليو يجي منه

يعني مو ذااااك المتن بس وشلون جاي 100

وشاكر لك
ووننتظر الشباب

faisal max · #4 (**permalink**) 22-03-2010, 08:46 AM

يا قمر ما يقيسون لا طول ولا وزن بس ينظرون في طولك ويختارونك وهكذا

نواف الغرام · #5 (**permalink**) 22-03-2010, 08:48 AM

وعليكم السلام

اخوي انا طلع لي رقم في السجون قبل شهرين رحت لهم ويالتني مارحت

الموقع اي لمزين قوله طريق خليص مركز تدريب الامن العام وذا معك سياره اسئل طريق خليص
ويدلونك بس الله يعينك عالاخلاق الي بتلاقيها قدامك

اذا سلمت من النقيب المطوع والله مدري وش اسمه بس اعتق انه زهراني
بقلك با لتفصيل

تدخل مركز التدريب يصفونكم بالحوش يجون ثلاث عسكر ويقلون طلعوا اصل الشهاده الثنويه

يطالعون في النسب بعدين يجي النقيب يوصفكم خمساو اربع صفوف وهو بنظره الي شايفه مناسب يخلي على جمب
طبعا يقلكم كشخ بنطلون لين الركبه بعدين الي شاك في طوله ووزنه يقول اجلس هناك يجدد لكم مكان

بعدين يجيكم بالميزان يقول الي يجيني للميزان يطلع صورة البطاقه حقت الاحوال مايهجرك

اذا طولك ووزنك تمام يقلك وقف هناك طول ووزنك مامنه فايده يقلك الباب ويسوي اكس على صورة البطاقه

وتضرب الباب ومستحيل تجادل معه بكلمه انصحك لا قلك الباب اضرب الباب لا تكلمه

رزقك بتاخذه لو مهما يكون الي قدامك نقيب جندي امير ملك

والبتوفيق انشاء الله وحاول تخفف من وزنك شوي تمارين شي

والله يوفقك