[align=center]
بسم الله الرحمن الرحيم

السلام عليكم ورحمة الله وبركاته


كيف الحال انشاء الله الكل

نخش طوالي بالزبدة بدون فلسفه

وصلت مدينه التدريب الساعة 8 جيت ابي ادخل وقفني العسكري قالي ورني ورقة الموعد

وريته قالي تمام شد طول عشان تنقبل المهم قالي روح ورى الباصات في قاعة على اليسار

مشيت دخلت القاعة والقاعة شكلها نفس المسرح عساكر قدامك كلهم رتب جالسين على

طاولات صغيرة ولو تلف وجهك يسار بالزاويه عسكري جالس على الكمبيوتر وعلى اليمين

بالزاوي عسكرين يقسون الطول المهم العساكر الي يكونون قدامك اول واحد ينادي بالاسامي

والي حوله كلهم حق ختم والتأكد من البيانات الكل جالس على الكراسي الي يجي اسمه

يطلع على المسرح ويغني <<< امزح ياخذ ورقه من الظابط وينزل يوقف معا السرى

الي يوديك للميزان بس قبل لا تطلع الميزان يكون عسكري على اليمين يختملك على الورقة

الي سلمها لك الظابط بعدين تقيس وزنك وطولك ولا حد يخاف شد نفسك ما بيقلك شي المهم

انصحكم تلبسون نعال عشان ما تقلق نفسك وتقلقهم بعدين لا خلصت طلع طولك تمام

تروح للعسكري الي جالس بالزاوي على يسار قاعد على لاب طوب والقصير الله يستر عليه

تروح تعد بياناتك اذا كان في اي غلط سجلته بالموقع بعدين تطلع فوق على المسرح تعطيهم

الاوراق وتنزل تجلس على الكراسي لين ينادون اسمك وتاخذ منهم عدة اوراق :


* مذكرة مراجعه فيها رقم الطلب عبارة عن ورقة صغيرة

* كشف طبي للمقبولين طبعن قبل يسألونك وين تبي تكشف (في اي منطقة)

* دفتر كبير ابيض مكتوب عليه طلب التحاق تقريبا فيه 5 صفحات تبي كل بياناتك

* ورقه فيها الأوراق المطلوبه عند القبول النهائي



بعدين الله يستر عليك روح افحص وارجع ولا وانا طالع من القاعة فوق بالمبينى تبين غرف المتدربين

حول العشرين واحد طلع لي من الدريشة يقلون ها نقبلت ها يولد انقبلت اي الحمد

لله انقبلت مشيت وهنا انتهينا من القصه .


المهم انا الفله ما سألتهم عن شي الحين ما اعرف وين اروح وش اسوي ومتى ارجع لهم ؟

والله من الفرح طلعت بدون ما أسأل اش اسوي بعد هيك الي يعرف يجاوبني تكفون


وياشباب توني راجع وعلى طول على منتديات البطاله هالموضوع لعيون عيال الشرقية

والقلق الي مسوينه الامس


ليش عيال الشرقية ما ينزلون موضوع ؟

الحين نزل الموضوع






والف مبرووووك على الي نقبل والي ما نقبل الله يعوضه بالأحسن

باقي شي ياشباب ابي كل واحد يدخل على الموضوع يرد ولو بـ شكرا

عشان يبقى الموضوع في الصفحى الاولى عشان غيرك يستفيد

وسلامتكم
[/align]

الله يوفقك يا رب وتتيسر امورك ونتقبل يا رب ,, امين

وان شاء الله المدينة تكون سهالة مثل الشرقيه ,,

بتوفيق اخوي ولا هنت ,,

8888888888888888888

يوفقنا وياك يالغلا

طيب لازم الشهادة الاصل ولا عادي طبق الاصل

طبب وين اخترت الكشف الطبي

الله يوفقك انا موعدي يوم 3 شهر خمسه لاكني بقدمه بخليه الاسبوع الجاي

كيف الوزن يدققون