السلام عليكم
انا ابي استشيركم وما خاب من استشار وتوكل على الله
انا ادرس ومعي مجموعة من الزميلات يدرسن معي
ونزل إعلان عن االحاجة لموظفات في نفس المكان اللي ندرس فيه وكلنا نفس التخصص
واتوقع ان ماحد اطلع على الاعلان غيري لاني انا اصلا شفته بالصدفه
وانا محتاره هل ابلغ زميلاتي حتى يتقدمن للوظيفة او اقدم ولا اعلم احد
خصوصا ان معاي مجموعة ممتازة والمطلوبة قد تكون وحدة اوثنتين والله محتاره

مافيها شي اذا بلغتيهم وكان لك نصيب بالوظيفة تجيك ان شاءلله

عادي اختي يمكن بعضهم ما يبي الوظيفة هذي
المهم قدمي مصلحتك اولا
مافيها شي لو خبرتيهم ومافيها شي لو ماخبرتيهم
النصيب والارزاق بيد الله

تبين نصيحتي علميهم وقدموا مع بعض



صدقيني لو مكتوبة لك ما راح يأخذها منك احد لا ممتازة ولا غيرها

توكلي على الله وقدمي وعلميهم

واحتسبي الاجر عند الله

الارزاق بيد الله سبحانه وتعالى

انتى قدمي واعطيهم خبر يمكن تتوظفون جميعاً

حب لاخيك ماتحب لنفسك



النصيب مافي شي يرده لاكثره ولا قله ولا قوه ولا ضعف



بالتوفيق اختي

شكرا للجميع ادري ان الموضوع بالنسبة للبعض عادي لاكن
احيانا الواحد من كثر مايشوف في ذا الدنيا يخاف منها لان الحين الطيب ماله مكان
على العموم انا بخبرهم واللي كاتبه الله بيصير وللمعلومية انا مو من طبعي الانانية فلو كنت انانية مطرحت هالموضوع عليكم ولا شلت همه بس الواحد احيانا الظروف تجبره يفكر بهالاسلوب