بسم الله الرحمن الرحيم

السلام عليكم ورحمة الله وبركاته

اليوم خلصت فحص أمن المنشآت وإليكم التفاصيل

وصلت الساعه 7:20 ص حصلت الشباب قدامي العدد ماهو كثير اول ما وصلت بس بعدين جو شباب يعني العدد الكلي تقريباً 70 أو 80

المهم الساعة 7:30 ص دخلونا بس في الأول وزعوا علينا اوراق اسئلة عادية هل كنت تعاني من صداع من ربو من اكتئاب من امراض نفسية انت عاد تآشر قدامها بصح اي يانعم او لا

بعدها تجهز بطاقة الاحوال الاصلية وصورة شمسية وحدة بس

تدخل المكتب يدبس الصورة في ورقة الكشف ويعبي البيانات من البطاقة وتطلع وتدخل الى اول مرحلة من الكشف

التحليل دم وبول اكرمكم الله

تدخل على الدم يسحب بعدين يقول لك ادخل دورة المياة اعزكم الله الباب ماتقفله ولافيه مويه تعبي العلبة وتمسح بالمنديل.

بعدها تتجه المرحلة الثانية الى الاشعة ياخذون دفعات اربع كل دفعه أخوكم في الله جاء ببدله فيها حديده قال الممرض فسخها ماينفع معي ثلاثه انا الوحيد مفسخ الفلينه يعمل لك اشاعة الصدر واشاعة البطن وننتظر شوي وتاخذ الاشعة معاك وتروح فيها البيت بعد .

المرحلة الاخيره تطلع الدور الثاني اول شي الطول والوزن بعدها عيادة الاذن بعدها تدخل على الدكتور الهندي وحدك يقول لك وقف بين ستارتين او مدري وش يسمونها اهم شي ماحد يشوفك غيره وتكون بعيد عنه حتى يقول نزل السروال وارفع البدله ثواني يقول خلاص تطلع من عنده الى عيادة يفحص الضغط ودقاب القلب المهم الاجراءات هذه كلها ابو سريع ماتطول فيها وكلها سهاله سليم سليم ان شاء الله الجميع بعدها ننتظر في غرفة حتى يوصل دكتور الاسنان هذا ابو سريع بعد بس تآخر علينا بس اول ماجاء على طول بس يقول افتح فمك معاه مثل ملعقة الايسكريم تعرفووها الخشبه يدخلها في فمك وتوكل على الله طبعاً مافيه تشديد في الاسنان اهم شي ماتكون مدمووره مره انا عندي ضرس مكسور ومسووس ولاتنسوون فرشووا الاسنان قبل ماتروحون .

هذه كل شي بالتفصيل ان شاء الله مانسيت شي بعدها انتظر رسالة يقولون توصل بعد اسبووع والله أعلم .

لا انسى دخلنا 7:30 ص وخلصنا الساعة 11:00 ص

أعتذر لكم بروح انام قلت اكتب الموضوع قبل لا انام واذا صحيت راح ارد على كل رد او استفسار حسب معرفتي

بالتوفيق للجميع