بسم الله الرحمن الرحيم


السلام عليكم ورحمة الله و بركاته

اخواني أنا مليت من العطاله قربت من الثلاث شهور عاطل و أنا لا شغل و لا مشغله

بصراحة فيه فكره تدور براسي لها اسبوووع و هي من وجهة نظري ما تكلف >> اخلص علينا

طيب أنا اقول لكم أنا قررت اخربها و اللي يصير يصير و الدنيا مغامرات وش رايكم بالبسطة ؟

أنا متفائل بصراحة رغم اني قلت لواحد من الربع و قام يضحك علي لكن ما علي منه اللي

بسويه أو الشيء اللي بتاجر فيه ملابس نسائية و أطفال أنا بصراحة متفاااائل و بقوووة

بتقولون ليش أنا اقول لكم في محل اعرفه يبيع ملابس على خمسة ريال اللي فكرت فيه اني اشتري

منه نقول 100 قطعة و من 5 ريال هذي 500 ريال يعني راس المال 500 حلو طيب أنا

ببيع كبداية على 10 ريال يعني دبل تمام المكسب 500 ريال يمكن اصرفها في يوم أو يومين

على حسب السوق بس اللي ابيه منكم وش افضل طريقة للبيع هل اني اصفف ملابسي مثل ذولا

اللي بالبسطات و لا كيف مع اني ما هضمت الطريقة هذي و اعجبتني طريقة ثانية اللي هي

اني اوقف الموتر و احط لافتة كل شي ب 10 ريال و اللي يشتري سواءً من الزبائن أو من

البساطين انفسهم يعني البساط يمكن يشتري مني ب 10 و يبيع ب 15 أو 20 و بكذا انا استفيد

و هو يسيفيد يعني الطريقة هذي اعجبتني يعني لا اركب حديد >> لا و الحديد غالي و لا شي

اجمع الملابس في صندوق الموتر و بس ما اعرضها اللي يبي يشوف من الصندوق

بس هذا اللي عندي و الله مليت من التفكير ابي انفذ الفكره و ما استغني عن مشورتكم و ما راح

تقصرون ان شاء الله و الله يوفقني و اياكم و كل مسلم يا رب ...

التجارة تسعة عشر رزقا"

الله يوفقك وتصير من أكبر تجار المملكة وتوظف العاطلين براتب 5000ريال إن شاء الله

^

^


مشكووور على مرورك الصاروخي الله يوفق الجميع

اعجبني تفكيرك مثال للشباب الطموح
اتمنى لك التوفيق باذن الله
والفكره الثانيه مره حلوه
بس المطلوب منك تاخذ بضاعه زينه وبموترك تقدر تلف كل مكان

حياك الله همس الحياه منوره الموضوع بالتوفيق للجميع

اهلا اخي

اولا اخطأت بتفكير بالشراء من محل تجزئة افضل لك ان تذهب الجملة

وبتصير التكلفة اقل عليك اذا انت بالرياض فاسواق الجملة موجودة في البطحاء واسواق مكة الدور الثاني والثالث واسواق الشمسية في شارع الوزير ومركز الراجحي في السويدي

ثانيا الملابس مقاسات يمكن يخلص مقاس ويبقى مقاس وتبقى عندك استوك فتنبه لذلك


اتمنى لك التوفيق

الفكرة ممتازة جدا

وابتدي والله يوفقك

واعتقد في اماكن ,, تكون مصدر بحيث انك تشتري القطعه باقل من خمسه

يعني مثل مصدر هالمحل الليي انت بتشتري منه

ودايم نشوف زي كذا سيارة جنبها هندي او اي جنسيه

ويبيع حسب الموسم

اذا برد يبيعون معاطف وشرابات

واذا يوم وطني يبيعون اعلام وهالشغلات

وبالايام العاديه ملابس ,, وبعضهم مكسرات ,, او العاب اطفال


توكل على الله ,, والله يرزقك ويوفقك