مسيكم بالخير..
الامثال الشعبيه تمثل ثروه من ثروات اية بلاد ويعد جزء من حضارتها وتراثها..ويدل بعد على مدى عراقتها..

وبلادنا بكل مناطقها عندها كنز من الامثال الشعبيه..شيء سمعناه وشيء ماسمعناه..فيها عصارة التجارب الانسانيه..
وخبرات الاجيال...

حبيت اننا نسلط عليها الضوء...بقدر ما نستطيع..وان نحرص على القديم من الامثال..والنادر..حتى المتداول ايضا...واتمنى من كل واحد يدخل الموضوع...يدلي بما لديه من امثال شعبيه..من اية منطقه من بلادنا...وطبعا هناك امثال شارحه روحها..وهناك امثال تتطلب الايضاح...وهمتكم معنا يالطيبين...

اببدا...انا طبعا بما اني صاحب الموضوع...وتراني ابي تجاوبكم...
================================================== =========
(( جلدن ماهوب جلدك جره على الشوك))

((قال خذ خير قال: مامعي ماعون))

((مال البخيل تلعب به العياره))

((تجيك التهايم وانت نايم))

((يامن شرا له من حلاله عله))

(( يضيمونه الرجال و يحطها في ام العيال))

((ياكد مالك خلف)) ..

(( يشبها في الشيح ويقبلها الريح))

((انا واخوي على ولد عمي..وانا وولد عمي على الغريب))

((اللي ماله لسان ياكله الخنفسان))

((شف وجه العنز واحلب لبن))

(( يجوز العيد بلا حنا))

((مايفل الحديد الا الحديد))

(( قال طلقها وخذ اختها..قال الله يلعنها ويلعن اختها))

(( الاعور بين العميان مفتح))

((امسك قريدك لايجيك اقرد منه))

(( مالك الاخشمك لوهو اعوج))

((مادون الحلدز ( الحلق) الا اليدين))

(( ماضمت العين الا للبتسا( البكا)))

(( من طق باب الناس طقو بابه))

((نفس(ن) تعاف ماتسمن))

(( المال عديل الروح))

((ما ينصب القدر الا على ثلاث))

(( الهون ابرك مايكون))

(( الناس بالناس والقطوه في النفاس))

((من شافنا بعين نشوفه بثنتين))

(( من تغلىّ تخلىّ))

(( لحيتن احشمها ولحيتن احشم نفسك عنها))

(( مقابل الجيش ولا مقابل العيش))

(( حكي(ن) في الفايت نقصان(ن) في العقل))

((الين فات الفوت ماينفع الصوت))

(( البيت بيت ابونا والقوم طردوناّ))

(( قابل الصياح بالصياح تسلم))

(( عنز الشعيب..تحب التيس الغريب ))

(( اتبع مبتسياتك ولا تتبع مضحكاتك))


============================================

هذا ما تذكرته الحين..وانشاء الله لي عوده..

بس يللا ورونا شطارتكم...

موضوع اعجبني

موضووع رائع بندر
تسلم على هيك فكره
راح تكون لي سنتره هووون
هذا اول مثل
(حلال عمك لايهمك)

يعطيك العافيه

**الشبعان على الجايع بطي**
**قال وين قال معكم**
**مدلحافك على قد رجليك**
**جاء يكحلها عماها**
كلها امثال مفهومه ماتحتاج شرح وعلى فكره من المنطقه الوسطى..
شكراًلك على الموضوع الطيَّب.

^
ياهلا ومرحبا اخووي نايف
الله يسلمك من كل شر
ياهلا ومرحبا فيك انا الخارج وانت الداخل هووون تمون وانا اخوك <<< اقول بلا رسميات وجيب المثل اللي بعده هع
يعطيك العافيه
ممكن نايف تشرح مثلك يا ابو صعفق ههههههه

هاااي
{الحي يحييك والميت زيدك غبن}<<<<أمي تقولها لي
اللي مايطول العنب حامض عنه يقول <<<<<ههههههه كلمات اغنية بس مايخالف تمشي الحال
صرقعة فناجيل بدون قهوة<<<<<هذا زوجة اخوي تقولها لي
حيلي لاهلي مالي حيل وحيلي لرجلي كلي حيل
هذا موسوعتي في الامثال

ههههههههههههه
هذا سلمك الله
قريب من معنى جلد ماهو جلدك جره على الشوك
يعني شيء ماهو حلالك لاترحمه

وهذا المثل الثاني
(اقول تيس يقووول احلبه )<<هو مثل ..؟

^
يعطيك العافيه
مايخالف نورت والله
وشاكرلك
^_^

امثال اخرى:
----------------
((الى حبتك عيني ماضامك الدهر))

(( حشر مع الناس عيد))

((الناس بالناس والكل بالله))

(( الموت في تغرتي والتيه ما أخليه))

(( امر الله شق القربه))

(( خاف من القوم وطاح في السريه))

(( كلن حوفه مثل جوفه))

(( اللي ماياكل بيده مايشبع))

((كل يوم يا حمد باتسر (باكر)))))<<<----- اللي يعرف قصة هالمثل يوردها لنا..الله لايهينه؟؟؟


(( ابتل يا راشد))<<<----- اللي يعرف قصة هالمثل يوردها لنا..الله لايهينه؟؟؟

((من بغا الدح ما قال أح))


(( اللي مايعرف الصقر يشويه))


(( صفو صفين..قال حنا اثنين))

=================================
ولنا عوده باذن الله

(( عنز الشعيب..تحب التيس الغريب ))

ha ha ha............. I need more explain

شكلك راعي حلال .. اتمنى لك التوفيق تسلم