بسم الله الرحمن الرحيم

السلام عليكم ورحمة الله وبركاته

هذا موضوعي الأول

http://208.43.41.187/~btalahc/showthread.php?t=171644

وهنا التكملة ....

مثل ماقلت لكم براجعهم يوم الثلاثاء وراجعتهم :

يوم الثلاثاء 7/4/1431هـ

رحت لهم في الصباح على المختبر قلت له خلاص خلصت أشعة الصدر في مستشفى الدرن وأشعة البطن والظهر في مستشفى الملك فهد وهذا الكلام يوم الاحد ومكتوب في الموضوع الاول الرابط فوق المهم عطاني رقم واخذ الورقه انتظرت تقريباً ساعة سحبت دم وعطاني علبة تحليل البول وانتم كرامه وقال تعال بكره الساعه 8 صباح والورقه خلاها معاه .


الاربعاء 8/4/1431هـ

اليوم رحت لهم الساعه 7:40 صباحاً دخلنا صالة وزعوا الاوراق ومكتوب فيها نتائج فحص البول اعزكم الله والدم وطلعنا عيادة النفسية سئلني سؤال (مد رجولك على قد لحافك ) بتعني إيه قلت له يعني على قد الحال قال اوكيه وسليم واحد سئله قال 2*1 يساوي كم سهاله

بعدها رحت عيادة الاسنان وهنا اقول لكم العلم تراه متشدد متشدد انا قال لي حشو التسوسات وخلع التالف وشباب كثير اللي قال له اعمل تقويم واللي قال له تنظيف الله يعين المهم خلصنا من عنده .

ومن ثم الى الدور الثاني اخذ الطول والوزن وبعدها التفصيخ

قال اخلع الفلينه وتعال دخلت عليه اخلع السروال الطويل بس مد يدك اجلس قوم دور بعدها قال نزل السروال القصير التفت يمين وكح وخلاص انتهينا منه .

بعدها الانف والاذن والحنجره وبعدها الضغط والنبض والباطنيه بس يحط السماعه بصدرك ويغفص بطنك هذه كلها ابو سريع .

اخيراً دخلت العيون اختبار عمى الالوان هذا رقم كم وهذا رقم كم بعدها حلقات دائريه يقول لك وين الفتحه يمين يسار فوق تحت يمين فوق ووالخ.. طبعاً على شاشة بلازما على الجدار اللي ينجح بالاختبار ياخذها معاه

معلوومة دخول العيادات مو لازم ترتيب معين اهم شي تخلصها يعني ناس خلصت الاسنان قبل الانف والاذن او الباطنية لان الاسنان مافيه زحمة يعني اهم شي تخلص امورك

اخيراً...

اللي خلص كل شي يدخل المكتب يسلم الورقه ويقولون له راجعنا يوم الاحد القادم .

اما انا قالوا لي روح صلح الاسنان وتعال يوم الاحد واخذت الورقه معي

دعواتكم بالتوفيق للجميع

الله يوفقك والجميع يارب عقبال النهائي ان شاء الله

يعطيك العافيه

بالتوفيق للجميع

طيب الي حاشي سنوونه يقولون له شي

الله يوفقك عقبال القبول النهائي ودخول الدوره وانا معاك انشاء الله
تحياتي عاطل الحارثي

طيب ياالغلا انت الفحص وين مسوي فيه؟؟؟؟
وهل دكتور العيون كشف على عيونك ولا على طول يعني قالك اجلس وهذا كم وهذ كم لاني مفكر البس عدسات!!!
وهل اذا لبست يكشفني ولا لا

موفق ان شالله بس رووح بسرعه سوي اسنانك اليوم لانه تاخذ كم يوم