أنا اليوم روحت أمن المنشات على أساس أن اليوم موعدي في مستشفى قوى الامن المهم

روحت وصلت المستشفى ورحت أستعلم على أسمي وقال لي يخوي موعدك مو اليوم وقلت له الا اليوم

وقال يخوي ورقة الاسماء موجوده وما فيها اسمك وقلت له أنا روحت اسلعمت في النركز وقال لي الضابط موعدك يوم الاربعاء بتاريخ 8/4 واليوم 8/4 وقال امسك الورقه ودور على أسمك أذا حصلته والله ثم والله لأفصل قلت له لا ما أبي أدور تأكدلي أنت وقال لي يشيخ روح والله ورانا ناس غيرك

قلت له والله ما أروح ألا بعد ما أخلص الكشف الطبي

قال لي دقيقه

ونادا على واحد من أخوياه وقال له تفاهم مع هذا وقلت لخويه القصه الكامله قال لي دقيقه خليني أشوف لك وشاف لي ولقيني ولله الحمد يوم19/4 يوم الاحد

وروحت من عندهم وأنا ضغطي مرتفع جالس برياض أسبوع ولا يرسلوا رساله تعديل

والله قمت القهر والتعب النفسي

كان موعدي يوم29 /3 وغيروه 8/4 وغيروه19/4

والله مرمطه

أنا حبيت افضفض واريح قلت ما عندي الا منتدى البطاله

وأعذروني على الاطاله

حسبي الله ونعم الوكيل

اهم شي ان لك موعد

وبالتوفيق ان شاء الله

الله يكون في عونك ياغالي
وكل تاخيره فيها خيره

الله يعينك يالغالي