السلام عليكم ورحمة الله وبركاته
....
...
..

شباب الي سوا المقابلة الشخصية لـ امن المنشات في الرياض يقولنا وش صار معه بالتفصييل

تكفوون ياشباب لاتنسونا انا موعدي يوم الاثنين ابغى اروح لهم وانا اعرف شي عنهم

فيه ناس كثير راحوا لهم الاسبوع الي راح بس مدري ليه مايقولون لنا وش صار معهم

أنا رحتلهم 5 / 4 يوم الاحد بس طردوني أول شي رحتلهم الساعة ستة وربع انتظرت عند البوابة لين سبعة ونص تقريباا و دخلونا طابور وبعدين فتشونا ودخلونا أول شي تطلع بطاقة الاحول ويدورون اسمك بين اوراق ويحطون علامة صح بعدها يدونك ورقة تكتب عليها أسمك ورقم السجل المدني ورقم الطلب وبعدها ينادونك ويدونك أستمارة الطلب الي في مرحلة الطول والوزن أول مرحلة بعدها تحطها في ملف مع صورتين من البطاقة مكتوب عليها البينات وست صور مكشوف الرأس وصورة طبق الاصل مصدقة من الشهادة وحسن السيرة والسلوك
الورقة الي يدونك هي الي تكتب أسمك ورقم السجل المدنى ورقم الطلب موجود فيها

الرتبة
الطول
الوزن
المقابلة الشخصية الاولى
المقابلة الشخصية الثانية

انا طردوني من البداية من عند الرتب أن شاء الله خيرة

يجي من يفيدكـ
بالتوفيق للجميع

يفيدونك الشباب
وبالتوووووفيق

سلام يا نصراوي يا حبني للنصر .. المهم
المقابله اللي في الرياض يوم الاحد وديت اخو زوجتي وصل من الطايف كان تقديمه على مكه بعد ما سوى كل شي عندهم الكشف وما شابه أرسلوه للرياض ما بين مخرج 7 و 6 المهم كلمني قال انا جاي وديته وجلست احتريه عند الباب ومن 7:30 الى 1:30 وانا ملطوع عند الباب وطلع وقالي العلم كالآتي : دخلنا عليهم في طاوله في الحوش عليها كم عسكري قال له طلع البطاقه دقق فيها ثم قال له انتظر طبعاً كان زحمه وتنظيمهم جيد لكن بطييييييييئ على كلامه المهم بعد ما دخلنا بصاله اول شي وزن وطول ثاني مره وثم المقابله رقم 1 طبعاً كان من ظمن اسئلتهم ما هي محظورات الاحرام ومن حافظ سورة الماعون يوقلي عاد هو انا عند الباب وتعرف وسمعت وش سألوهم المهم سأله على دخلتي عليه وش اركان الاسلام خوينا تلخبط ً دخلت وسويت فاهم وتلقفت قلت هذي سهله ما احد يعرفها قال لي الظابط وش هي طيب قلت له شهادة ان لا اله الا الله الخ .. قالي طيب امش قدامي اشوف مشيتك يقصد اختبار للمشيه وقالي بالتوفيق . باقي لك المقابه رقم 2 ما يمديك اليوم بكره .. المهم جينا باكر من الساعه 7:30 الى 2:00 وكل ذا على المقابله 2 وهي تفااهه دخل عيه وسأله وش اسمك متى تخرجت تحب ابوك ومع مين ساكن فقطططططط وقاله خذ هذي طلب التحاق تروح تعبيها من الشيخ او العمده وورقه للأدله الجنائيه ويقول له استنى ردنا عليك وبالتوفيق ...

أتمنى اكون افدك يالغلا ...... ,,,,,

أنت تقصد المقابلة او المرحلة كلها
إذا عن المقابلة في امن المنشات تراها ورب الكعبة كلام فاضي واتحدى أي واحد يرسب في مقابلة أمن المنشات لان أمن المنشات القطاع الوحيد الي بدون واسطة وبدون فرز نهائي وهو القطاع الوحيد الي يبغاء نسبتك تكون عالية ان لا تقل النسبة عن 83 وأنا طردوني لاني كاتب معي شهادة حاسب 6 شهور مقدم على جندي اولى وجبتلهم خطاب من المعهد أني أدرس حاسب ورفضو وقلت أبي جندي رفضو قالو لو نسبتك فوق 83 حطناك جندي

الله يوفقكم

حلمي جندي ، خطووات : الله لا يهينكم وبيض الله وجيهكم ماقصرتوا كفيتوا ووفيتوا

يعني ياشباب المقابلة مافيها رسوب تقريباً ؟ انا نسبتي 88 تتوقعون لو جبت العيد في المقابلة تشفع لي النسبة ويقبلوني؟

وش الافضل احضر بـ ثوب وشمآغ ولا لبس رياضي ؟

يالغلا خلك واثق من نفسك ولا ترتبك عادي هم متساهلين بس يشوفون انت (((((( دلخ )))))))))) والا فاهم اسئلتهم من كل شي عن الدين و عن نفسك مع مين تسكن او وين ساكن ومن اكثر واحد من اخوانك تحبه يعني هيك شكل فقط