السلام عليكم ورحمة الله وبركاته

كيف حآلكم ياشيوووخ

بالبداية انا كان موعدي يوم الاربعاء بتاريخ 4/8

طبعأ بذكر لكم كل شي بالتفصيل مثل ماذكرت

المكان :
الدائري الشمالي بين مخرج 7و6 .. مو 6و7 لا العكس يعني وانت جاي من برى الرياض
حي الصحافة بجانب شرطة الصحافة بالظبط

الحظور :
الساعة 7 (خلك على الباب )

المطلوب :
1- ملف أخضر ( ضروري ).
2- عدد8 صور شخصية مكشوفة الراس.( تكتب خلفها اسمك ) ضروري.
3- صور من شهاداتك ودوراتك.( مع الاصل للمطابقة).
4- صوره مصدقة حسن سيرة وسلوك.( أذا ماعندك جيب صوره والاصل عشان يطابقونها ).
5- عدد 6 صورمن البطاقة الشخصية.( مكبره وتكتب تحتها الاسم ورقم السجل المدني والميلاد)
6- البطاقة الشخصية الاصل ( ضرورري )

المراحل ,,

1- التدقيق.
2- الطول والوزن.
3- المقابلة الشخصية رقم 1.
4- المقابلة الشخصية رقم 2.
5- ادخال البيانات.

.. التفصيل ,,

ياطويل العمر اول ماتحضر الساعة 7 تصف طابور برى عند الباب ولاتخاف طابور سريع
بس في عسكري عند الباب يفتشك ويدخلك على طول اتاخذ دقيقتين سريع سريع

بعدين تدخل صالة فيها كراسي كثيره حوالي 100 كرسي في عسكري بيقابلك على طول يعطيك ورقه تكتب رقم الطلب والاسم فقط .
وبيسألك عن منطقتك وبيحطك على حسب توزيعه لان كل منطقة لها جزء بالكراسي
مثل مانا موجود كان التوزيع الصفوف الاولى لل منطقة (حائل) والي بالنص الاحساء والي بالخلف تبوك.

بعدين ياخذون 5 اشخاص مع بعض على طاولة طويله قدامك على اليسار فيها 5 عساكر
ياخذون كل اوراقك ويرتبونهم ويحطونهم بالملف ويحط لك الرتبة .

وبعدين يرسلك المكتب الي قدامه في نفس الصالة بيقابلك ملازم اول بيتاكد من مطابقة بطاقتك الشخصية مع كل الاوراق الي بالملف ويختمها لك .

بعدين تصف دور( الله يعيينك يطول شووي تقريبآ نص ساعة ) تصف ياطويل العمر علشان يشيكوون الطول والوزن.

وبعدين تروح تصف عن غرفة المقابلة الشخصية رقم واحد .. ياهوو طويل اناجلست بالسيب بس 10 دقايق على ماانتظر يفضى كان بغرفة الانتظار للمقابلة بعدها غرفت الانتظار جلست فيها اكثر من ساعتين على حسب الي يسال اذا سريع بتخلص في ساعة ونص
للمعلومية يقول العسكري اسرع دفعه احنا لان الي يسال داخل يجلس معه حوالي 5 دقايق الى 7
اما الايام الي قبل كان نقيب موجود وكان يجلس مع الواحد اقل شي ربع ساعة
وانت داخل غرفة الانتظار يعطيك ورقه تعبيها بعد اسمك والسجل المدني ورقم الطلب

وبعدين جاء دورري واخيرآ
عطيته ملف سالني كم سؤال اركان الاسلام وسورة الاخلاص ومنو وزير العمل
ويتكلم شووي عن منطقتك ويسؤلون كم سؤال والله اني نسيتهم

طبعأ الهدف من ذي المقابلة يشوفون طريقة كلامك وصوتك
هم يركزون على رفع الصوت ونعومته والبحة والتأتئه وحركات الايدين والوقوف والمشي
كاتبين لك كل شي بالورقه الي يعطونك بغرفة الانتظار..
بس اهم شي ارفع صووتك حيل وخشنه

يعدين يقولك توكل على المقابلة الشخصية الثانية بابها مقابل باب الاولى
اول ماتدخل يعطيك ورقه وتجلس بالانتظار كل ماعبيتها وسلمتها اسرع تصف بالدور اول
الورقه هذي ياطويل العمر فيها كم سؤال عاديين والهدف منها يشوفون انت مطلع ومثقف وتقراء ولا لا

فيها تقريبآ 5 اساله
اذكر جريدتين اومجلتين تصدر بالسعودية ؟
اذكر قناتين مفضلين عندك ؟
اذكر قناتين لاتؤيد مشاهدتهم على التلفاز ؟
وسؤالين (لا) و(نعم) بس ناسيهم ؟ ؟

بعدين يناديك العسكري بالاسم وتدخل عند الضابط
يسالك عدد اخوانك وخواتك ؟
ليه دخلت العسكرية ؟
وكم سؤال عآديين عن نفسك ؟

وبعدين ترجع للعسكري الي دخلك عليه ويختم لك الورقة ويرسلك غرفة ثانيه ياخذون منك الملف
ويرسلك للغرفة الي بعده يعطيك الدفتر الاخضر مع خطاب للاحوال وخطاب للجنائيه للبصمات.

وبعدين تتوكل على الله وتمشي

انا طلعت حوالي الساعة 1

وهذا كل السالفة بالظبط اتمنى ان الشرح كان كافي ووفي
واي استفسار انا حاضر

تحيااتي
بحر الـ ع ـيون